الخميس، مارس ٠١، ٢٠٠٧

إلى آبآئى الذين اشتاقُ لرؤياهم

إلى كل من دعى الى الله


الى كل من فعل الخيرات


الى كل من حوكم لقول الحق


الى من صودرت امواله ويعلم الله انها لم تأت الا بالعمل الصالح


الى كل باعد الظالمين بينه وبين من يحب


الى كل الذين حوكموا مؤخرا بتهمة غسيل الاموال وهم منها اجمعين براء






ولكن لم اجد ما اصفهم به غير ذلك




فانا اشتاق لرؤيتهم واشتاق لمجالستهم وانهل من علمهم واستمتع بتجاربهم فى الحياة




لكم شعرت بالغيرة من ابناء الاخوان لما فازوا به من مجالسه آبائهم واصدقاء الاب


لكم حلمت انى ابنه احد منهم




لكنى اعتبر نفسى ابنتهم كلهم ولا اتردد فى تلقيب احدهم بعمو لما احس بصله القرب منهم




لكم حلمت فى لقاء عمو عصام العريان ليتحدث معى بقلبه الرقيق ولسانه اللبق وعقله الفذ

وسعدت جدا بلقاء عمو عبد المنعم ابو الفتوح و احسست بعطفه وحنانه


وكم وكم وكم






ادعو الله ان يفرج كرب كل آبآئى وكل من شهد يارب لك بالوحدانيه وجاهد فى سبيلك




اللهم فك اسرهم


اللهم ابدلهم خيرا فى اولادهم واموالهم


اللهم ثبتهم على ما اصابهم


انك نعم المولى ونعم النصير


وحسبنا الله ونعم الوكيل

16 مصابين قصدى معلقين:

محمد العنانى يقول...

حسبنا الله ونعم الوكيل
الاغبياء يظنون انهم انتصرو لا والله فهم حقا اغبياء
حسبيا الله ونعم الوكيل

AbdElRaHmaN يقول...

حسبنا الله ونعم الوكيل
:) يا مس شوزي .. الموضوع مش ضروري يكون فيه اعتقال عشان نقابل اخواننا الدكتور عصام وعمو عبدالمنعم
لا تتمنوا القتال .. ولكن اسألوا الله الثبات
يارب

محمود سعيد يقول...

أبناء الإخوان مش حاجة حلوة علشان تغيرى منها

فلربما أب ليس من الإخوان
أفضل وأكرم عند الله من أب من الإخوان


وربنا يفك سجن إخواننا ويفك سجننا وسجن مصر إن شاء الله

shaza يقول...

انا عارفه يا مستر عبد الرحمن

انا بتكلم عن ابائى اللى نفسى اشوفهم مش شرط يكونوا معتقلين بس المعتقلين دلوقتى بيشغلونى اكتر من اللى بره
___________________________________

عندك حق يا اخ محمود بس منين الاقى حد كبير من الاخوان يكلمنى واكلمه ويشرحلى ويحكيلى الاخوان زمان ودلوقتى عاملين ايه غير اب ليا

بس والله برجع اقول ربنا وحده يعلم انى لو كنت واحده من ابناء الاخوان كان زمانى فى سكه تانيه خالص

AbdElRaHmaN يقول...

على فكره
الموضوع بسيط جدا
موضوع الاخوان ومقابلتهم اسهل من السهولة نفسها
لو حضرتك عاوزه تعملي لقاء معين
يكون بين الشخصي والحديث الصحفي
ممكن
ممككنننن
أحاول أرتب لقاء
سهله يعني
واللقاء كمان ممكن يكون حسب المحافظة اللي حضرتك منها او اقرب محافظة فيها قيادي
الا لو كنتي عاوزه تقابلي الدكتور عصام او عمو عبدالمنعم
ده في القاهرة .. وممكن أجيب تليفوناتهم لحضرتك لو عاوزاها
ده لو :D
بس
سلام

mohamed يقول...

الموضوع بسيط وجميل اوى ..

معبر عن ألى داخل الواحد .. يعنى انا كنت بتمنى انى أقابل دكتور عصام العريان والحمد لله قابلتة فى المعتقل ..

وكنت بردة عاوز اقابل دكتور عبد المنعم وبردة قبلتة ..

بجد الشخصيات دى غريبة اوى .. مهما تعد معاهم علشان تستفاد متشبعش ..

انا بقة نفسى بجد أشوف دكتور خيرت الشاطر ..

حسن محمود يقول...

والله يابنتى مش عارف أقول ليكى أيه
أنا بقى عكسك تماما
العائلة كلها من الألف الى الياء اخوان
جدى
خالى
جوز خالتى
كله كله
بس هموا اتقبض عليهم كتير واتبهدلوا كتير
فقالوا كفايه عليه كده
على كل حال اذا عايزه اى سؤال قولى يمكن أقدر اجاوبك عليه
اذا عايزه تاريخ الاخوان
ممكن تشوفى الفيديوهات دى

http://www.youtube.com/watch?v=A2FqP24RsSg

http://www.youtube.com/watch?v=bHmYEMz7H9o

http://www.youtube.com/watch?v=6BOUYXgDyno

http://www.youtube.com/watch?v=vDgcR1Tjt9M

دى من
http://ensaa.blogspot.com/
واى خدمه
تحت أمرك

elfagreya يقول...

أهلاااااااااا شذا..ازيك يا بنتى وكيف الحال..بداية دائما كنت أرى فيكى اختا قوية فى الحق (فاكرة يوم حفلة المسجد..ممكن تكونى ناسية بس انا فاكرة) تحمل مشاعر رقيقة ..بارك الله لكى فيها

عندما قرات الموضوع تذكرت أخر زيارة كنت بقول لابى..أحبك واخوانك كثيرا وعلى الرغم ان الاعلام بيسلط الضوء على البعض منهم الا ان بالذات المرادى أظل طوال الزيارة اشاهدهم..جميعا رائعيم ومتميزين..جميعهم لهم روح جميلة تجمعهم

روح تميز كل من يعمل للاسلام بحق ووسطية أيا كان

واهوه الاخ عبدالرحمن مسهلك الموضوع خالص..اختارى بس الشخص والموضوع كله يخلص..

وهوصل لأبى منك سلااااااااام كبييييييير جدااااااا ان شاء الله..

أتمنى ان أراك قريبا..شوفى يناسبك امته

د/خـــالد...من المحروسة يقول...

صور جميلة

رغم اني مش من الاخوان
لكني بحبهم جدا
وبالرغم من الاختلافات في امور كثيرة معاهم
الا انهم هيفضلوا اخواننا وبنحبهم في الله
ولهم علينا حق الولاء والبراء
وندعو الله ان يفك اسرهم واسرى كل السجناء المسلمين

اللهم فك قيد اخواننا من الاخوان المسلمين من سجون الظالمين


ده اول تعليق

التعليق التاني

الجدع اللي اسمه عبد الرحمن ابو جاكيت بني وبنطلون جينز
ايوة اللي قاعد على النجيلة ده
ايوة هو انت...
انت ايه حكايتك
كل اما ادخل مدونة الاقيك مشرف هناك
والغريب انك مبتقعدشي الا على الارض
يا اخي فيه اختراع جديد
اسمه
الكــــــــراســــــي

تحياتي لصاحبة المدونة
فضلا ساضيف مدونتك عندي

محمد العنانى يقول...

بعد السلام
اخرتى اوى انا مستنى البوست بتاعك اسلوبك فى الكتابه يعطيكى كتير من النجاح ويبا الاخوان طول عمرهم احسن من اى حد فى اى مجال انت اسلوبك بينافس كتير متاخريش وعلشان جوجل يعلى حسابك ونتفسى الماركسين والشيوعين الى بيدونو من سنين
مزيد من النجاح والتالق

Sanaa El-Banna يقول...

يا بنتى مش الفكرة انك تبقى بنت حد من الإخوان .طب انا والدى ادامك اهو ..مع انه من المعالم السياحية .. فين على ما اطلع من لسانه كلمتين عن أيام جدى ,,كلمتين على أيام السجن .
بتيجى كده عرضياً ..بس فعلا مشكلة .بينبسط أوى وبينشط فى السرد لما يكون عندنا ضيوف إخوان ,كبار أو شباب ,بس لما نبقى معاه بيحسسنى انه بئر عميييييييق لا سبيل الى اكتشافه .يا بنتى السجن والأيام اللى شافها بعد جدى خلت عنده حالة تلقائية من الكتمان الرهيب . .
والله طلعتى فى راسى فكرة
لما تستوى هاقوللك عليها
يللا سلام عليكم
وتقدمى الى الامام
.

Sanaa El-Banna يقول...

اللهم انتقم ممن آذى عبادك المؤمنين .اللهم أرنا فيهم ثأراً يشفى صدور قوم مؤمنين .اللهم فك كربهم واكشف غمهم وارزقنا واياهم الدرجات العلى فى الدنيا وفى الآخرة .

ياسر أبو عمار يقول...

إوعوا الخوف..
الصورة وضحت يا جماعة ،مصر ما فيهاش حد لسة على قيد الحياة الا الإخوان ،علشان كده المطلوب انهم يسكتوا ويبيعوا القضية زى اللى باعوا فى انتظار شوية مقاعد فى مجلس الشعب ،لاحظوا مواقف الوفد والتجمع والناصرى ،المسالة واضحة يا إخوانا ..مصر مفيهاش بيتحرك الا الاخوان ،والنظام القمعى ضد الحركة اصلا لانه نظام ميت اكلينيكيا ،على فكرة واحد علاقته مع ربنا حلوة قوى حكالى انه شاف حتة حلم معناه باختصار ان ربنا هيخلصنا قريب من الظالمين ،
يا جماعة الناس محتاجين الاخوان قوى ،انا عارف ان الضغطة جامدة ،بس لازم نشد حيلنا ونقف ،حتى لو متنا لازم نموت كما الاشجار واقفين ،اوعوا حد فيكم يخاف او يياس او يبعد شوية لغاية ما الموجة تعدى ،لا ياسيدى الموجة اللى تاخدنى مع الاخوان لربنا احسن من السلامة بعيد عن الاخوان وعن ربنا ،ربنا بيقدر وبيختار لكل واحد فينا دور ،ربنا اخترنا علشان نكون مع الناس دى بالذات ،انا شخصيا عدت عليا اوقات خفت فيها لكن بعد القبض على غزلان ونصار والقصاص ومحى حامد المسالة مبقتش فارقة ،كبيرهم ايه يعملوه ،السجن ..مفيش مشاكل الناس الكويسة هى اللى بتتسجن الان ،والناس العادية الان اصبحت عارفة كده كويس ،ان الاخوان هما الامل وهما الرعب اللى قدام الحكومة ،لازم نكون عند حسن ظن ربنا اللى اختارنا للطريق ده ،لازم نكون عند حسن ظن الناس اللى بيبصوا للاخوان على انهم القوة الحية والنابضة فى البلد .شدوا الحيل واصبروا وتوكلوا على الله .
على فكرة يا ريت تقروا المقال ده ليا على موقع الاخوان ..
http://www.ikhwanonline.com/Article.asp?ID=26958&SectionID=0

shozy85 يقول...

جزاكم الله خيرا والله الحبايب كتروا هنا
محمد انا فعلا مشتاقه انى اقابل الناس دى
حتى والله لو فى المعتقل
هما بيعملوا معتقل مختلط؟؟
___________________________________
استاذ حسن محمود
تيجى نبدل
تاخد انت العيله الهاديه اللى ماشيه جانب الحيط واخد انا العيله صاحبه الدعوة والحق
انا موافقه بس ينفع؟؟


___________________________________
حبيبه قلبى اسماء والله نورتى المدونة
انت عارفة ان ذاكرتى فشنك ماتفكرينى بالموقف علشان افرح بنفسى

سلميلى على عمو قوى قوى قوى هو وكل اللى معاه
ويارب يجمع مابينكو انتو التلاته فى الدنيا قريبا وفى الاخرة ان شاء الله
__________________________________

متشكرة يا دكتور خالد
انا عارفه انك مش دكتور ومش خالد
بس خطوة عزيزة
___________________________________

استاذ محمد العنانى جزاك الله خيرا كثيرا كانوا حبة اكتئاب بيزورونى من وقت الى اخر ايام الامتحانات
مع حبة مضايقات طفيفة من مربيتى
سامحنى الله واياها
___________________________________

سناء باشا يعنى بترديلى الزيارة
يا ستى انا رأى انك اللى مش عارفه تقررى باباكى
انا لو منك كنت زهقتوا من كتر الاسئله

طب انا اللى عندى فكرة اعمل لقاء صحفى مع باباكى وتكونى انتى مستخبيه ورا الكرسى وبعدين ننشرة انا وانتى على المدونة
ويبقى اول لقاء صحفى نعمله احنا الاتنين
وطبعا يكون مصاحب لصورة باباكى وجدك وانا وانتى
؟
هههههههههههههههههههه
والله لو باباكى وافق انا مستعدة
وندى عمو المخبر اللى عندكو منوم اما اجيلكو
___________________________________

استاذى ياسر ابو عمار
كم اشعلت بداخلى كلماتك وكم احزنتى
كلماتك رائعة ورقيقة ربنا يكرمك ويعزك
بجد احنا النور اللى الناس المحبوسه منتظرينه
لو هما فضلوا فى السجن واحنا احبطنا وخوفنا واترعبنا ونمنا فى بيوتنا نوم الفئران المذعورة فمن يرد لهم حقوقهم ومن يدافع عنهم وعن كل مظلوم ظلم
ومن يرد للاسلام مجده ورفعته
سبحان الله
نحن
نحن باذن الله

Sanaa El-Banna يقول...

طب أنا موافقة
بس عايزين نرتب الموضوع
وعندى على الجهاز صور كتير أوى لجدو مش هنغلب فى دى .
تلوقتى لازم اخرج
وادعو ربنا إنه يقوينى على القانون والتنمية

آه بمناسبة النتيجة ..يا شيخة روحى اتهدى .هو كل همك طلعت الكام على الدفعة..الحمد لله ومش عاوزة أعرف .ولو عرفت مش مهم لإنه من المبدأ غلط تقيسى نفسك على الناس اللى عندنا خصوصا لو روحتى على بلوج طموح وشفتى الكلام اللى اتكتب على دفعتنا العظيمة ,دا احنا فل ..ده احنا عباقرة
ده كل الكلية عارفانا
من أول الفراش لحاد الدكاترة
ههههههههههه
.
يللا
السلام عليكم

عبدو بن خلدون يقول...

العزيزة شذي...
بعد السلالم،
مش هأقولك غير حاجة واحدة: اللي عايز يوصل لحاجة بيوصلها مهما كانت المعوقات اللي الناس التانية شايفاها... وإياك تظني أن اللي أبهاتهم كده أحسن من التانيين، هما فرصتهم قد تكون أفضل أحيانا، لكن الأمر برمته متوقف عليهم، علي بذلهم، ، ووعيهم، وسعيهم... بالعكس يمكن حسابهم عند ربنا يكون أصعب!
فاهمة حاجة؟
!ولا أنا