الأحد، فبراير ١١، ٢٠٠٧

بداية اكتشافى

بدايتى كانت يوم اتنين ,مش فاكرة الساعة بالظبط ,بس فاكرة التاريخ كويس كان 12/8/1985
ياااااه اليوم ده لسه معلق معايا كان اول لقائى بابى وامى واختى الكبيرة
ياااااه انا فاكرة اول كلماتى كنت بسألهم انتو مين؟؟؟
بس انا فاكرة ان كلهم حطوا ايديهم على ودنهم ومن ساعتها عرفت ان لسانى لا يلقى كلاما ولكنه يلقى مولوتوفا....
اول معرفتى بكلمه مولوتوف كنت سمعتها فى انشوده حماسيه وقلت فى عقل بالى تلاقيها نوع من اسلحه حماس الفتاكه حاجه كده زى القسام 1 و2 او نوع رشاشات, لغايه مااشتريت سلسله نقديه ساخرة لرويات مصريه للجيب وتحمل هذا الاسم المفخخ وكان مشروح فيها يعنى ايه مولوتوف وقال ايه بيطمنوا القراء ان المولوتوف بتاعهم مابينفجرش,
بس انا بقى المولوتوف بتاعى بينفجر
وفى اى لحظه واحيانا يؤدى الى خسار
معنويه طبعا لانى انبذ العنف بشده
المهم اللى لسه مش عارف يعنى ايه مولوتوف يدخل هنا علشان ميقولش انى محظرتهوش
المهم برود ان فى يوم طأت فى عقلى فكرة التدوين والحت عليا بشده بشده بشده فوق ما تتخيل لدرجه انها طيرت النوم من عينى الساعه 2 صباحا واستمرت محاولاتى لطرد هذة الفكرة الشيطانيه ولكنها انتصرت فى النهايه وقمت جبت ورقه وقلم الساعه 4 صباحا (ربنا ما يوريك)وطبعا ما رحتش الكليه النهاردة لانى اساسا مانمتش
المهم بردو (انا كل حاجه عندى مهمه ) السؤال اللى سالته لنفسى وانتى عايزة تدونى ليه؟؟؟
الاجابه ببساطه عايزة اكتب عن نفسى عن احلامى عن طموحاتى عن اهلى عن جيرانى عايزة اكتب منغير مايكون عليا قيود من حد ومنغير ماحد يقولى اعملى او ماتعمليش
وده مش معناه ان اى حد يلاقى حاجه مش مناسبه انه ما ينبهنى ليها طبعا بس يخلى باله ان فى قنابل مولوتوف بتتحدف هنا كتير فى المدونه
على العموم انا حاطه طفايه منعا لنشوب اى حريق وان شاء الله خير!!!!
كفايه كده عليا دلوقتى و هاكمل بعدين علشان ابى قرب ييجى ولو لقانى كده هايدينى واحده فى دماغى

10 مصابين قصدى معلقين:

عبدالمنعم محمود يقول...

مدونة اخوانية جديدة مرحبا بك في عالم التدوين وبذلك تكونين ثالث مدونة من الفتيات المصريات اللاتي ينتمين لجماعة الاخوان المسلمين
مرحبا بكن

شذى مولوتوف يقول...

شكرا لترحيبك واهلا وسهلا بك فى مدونتى الجديدة ربنا يستر واكمل فيها لان مشاكل الدراسه لا تعد ولا تحصى

انا من متابعى الاخبار اللى انت بتنشرها لانها دايما بتكون طازة

يلا مش مهم يقول...

شذي هانم
مرحبا يخليتك العسكرية
قصدي "مدونتك"
وارجوا ان يكون مولوتوفك موجه الي اهدافه الصحيحة
وعاوزين منك عهد زي اللي طلبناه من
مكسرات -- صوت عصفور
البوح عن مجتمع الاخوات
وتعريف الناس بحقيقتكن
ونشاطكم
احلامكم
مشاكلكم
رؤاكم
طلب اخير
اللون الاسود للمدونة كئيب جدا
ممكن تغيريه
ويللا الف مبروك

None يقول...

ماشاء الله

3 مدونات لاخوات
ربنا يزيد ويبارك

وعقبال الباقى
يارب
ابقى زورينا
وسلااااااام

شذى مولوتوف يقول...

استاذنا مجدى والله نورت
بالنسبه لتوجيه المولوتوف انا قلت فى الاول انه منه المقصود وده ان شاء الله هايكون موجه لكن اللى مش مقصود ده بقى بيبقى كل واحد
وحطه بقى انا مليش دعوة.
والله بالنسبه لمجتمع الاخوات اللى المفروض اتكلم عنه هحاول بقدر الامكان بس انا من النوع اللى بينقد جامد جدا فهاتلاقونى بقول حاجات كلها وحشه بس هاحاول اركز بردو على المميزات.
وغير كده انا لسه بردو على ادى مش دايسه بردو زى حضرتك او اى حد جامد من الاخوان

وبالنسبه بقى للون الاسود دة لون انيق جدا بس علشان خاطر المضيوف ان شاء الله هاغيره فى اقرب قرصه

ياء يقول...

مرحبا بك فى فضاء التدوين

ونتظر الجديد باستمرار

عمر عاشق القرآن يقول...

مرحبا بالمولتوف ..

نحن فى الانتظار يا بنت الاخوان

شذى مولوتوف يقول...

مرحبا بالفنان الجيلوجى فى ارضنا الحبيبه ربنا يكرمك
انا زورتك قبل كده بس مسيبتش تعليع بس ان شاء الله اوعدك بزيارة اخرى

شذى مولوتوف يقول...

ياء مرحبا بك عندنا
باذن الله على طول هايكون فى جديد


لا اسكت الله لى فيها

غير معرف يقول...

مبروك ياستى التدوين -مع انها متأخرة معلش - عقبال لما أكتشفتك.

بس ياستى ليه الاسامى الحراقة دى؟
هو انتى داخله معركه مع مين بس؟

وياستى لازم تحطى الأولوية القصوى لمذاكرتك مش لمدونتك.

ومرحبا