الأربعاء، فبراير ١٤، ٢٠٠٧

جهل البنات بالمدونات

انا عايزة اقولكوا أنى كل اما أقابل واحدة من أصحابى واقول بحماس يخالطه انفعال أنى عملت مدونه (وتعلو على وجهى ابتسامه عريضه).
ألاقى البنت بتقولى ايه؟؟؟ يعنى ايه مدونه؟؟؟ وافضل اشرح واشرح واشرح ولا يخلو الموقف من اتهام تلك بالتخلف والاخرى بالجهل.وهكذا دواليك ,الموضوع ده تقريبا حدث مع ما يقرب 15 بنت مفيش واحدة حست بقيمه الانجاز, الا صديقتى العزيزة جوجو اللى لقيت وجهها تهلهل وعلاه ابتسامه أعرض من أبتسامتى (مش طب بق واسنان بقى يعنى لازم نهتم بالمنطقه دى وطبعا سعه الابتسامه لها معناها عندنا ) وساعتها اخدتها بالحضن وكنت هاسجد سجده شكر فى ساحه الكليه.
اما اسم مولوتوف فاخد تقريبا معايا نفس المجهود فى تعريف المدونه وطبعا اتهمت كل من جهل بهذا المصطلح المشهور بانه مش عايش فى الدنيا (نظام كتكوا القرف مليتوا البلد) مع انى سبحان الله لسه سمعاه فى النشيد اللى حطاه فى البروفايل بالصدفه من قريب مش من زمان بس تقولوا ايه بقى مولوتوف.
اما ابى وامى فكان لكل منهما رد فعل تعكس اهتمامات كل واحد منهما
امى كان كل ريبتها هى مدى الاختلاط وتقولى بصى بقى احنا نسأل شيخ على موضوع المدونه ده(انا مش عارفه الشيخ كان هياخد نفس المجهود اللى بذل مع صديقاتى ولا لأ؟؟)
اما ابى العزيز فكان لردة فعله أبعاد اخرى,قالى لا تعليق (دى كلمتى) !!!!!وانا فاهمه طبعا ليه مفيش تعليق .لأن ابى كان وجهه نظره ان انتى يا بنتى فاضللك 5 شهور على الدراسه استحمليهم بالطول اوبالعرض وفيما معناه كده ان بلاش تضيعى وقتك فى كلام فارغ واهتمى شويه بالمذاكرة.
وانا طبعا لا اسكت(مولوتوف بقى)قولتله يابابا يعنى لازم فى الخمس شهور اللى فاضلين اكون ميته فيهم مليش اهتمامات ولا يكون ليا حاجه اعملها فور فان.
والله انا عارفة انه عنده حق وأنه خايف عليا موت السنه دى ربنا يعديها على خير بس انا مبعرفش اذاكر غير فى اخر السنه اما يكون كل ورقى حواليا ومترستأ و يكون ورايا امتحان يلح على نفوخى علشان يشتغل ويذاكر والله بحاول بس كلام بابا بيحط المشكله دى عندى ان فوكس وعملالى ازمة (وطبعا ما اصعب المواقف اللى تعملى ازمه فى نافوخى)وطبعا قايمه نايمه بفكر فيها منغير ماباخد خطوة ايجابيه فيها .
بس انا بناشد كل الزوار الاعزاء ان اللى عنده المشكله اللى عنده دى وعرف يصلحها او عرف يعمل حاجه فى نفسه يقولى يمكن اتصلح على اخر حياتى العمرية قصدى الدراسيه (ربنا يستتتتتتتتر)

18 مصابين قصدى معلقين:

عبدالله يقول...

مش لازم حد يعرف من الي انتي بتعرفيهم ان فيه مدونه
فكره التدوين هي الكتابه سواء الشخصيه او لا و الجمهور العام هوا جمهور المدونات وليس من لا يعرفون النت من اساسه
:)
مرحبا بكي في عالم التدوين لكي تنشري مدونتك و تجذبي لها مشاركين احرصي علي المشاركه في المدونات الهادفه وليس فقط مدونات الاخوان

ملاحظة اخيره كبنت اخوانيه ايه رايك تختاري اسم رقيق كده بلاش الحاجات العنيفه دي كده بقي من بتوع الجهاد مش الاخوان

تحياتي

حسن محمود يقول...

ياستى اللى بيدونوا اصلا قليلين
وبعدين العامة لسه مايعرفوش النت عالشان يعرفوا التدوين.
انما هى خطوة للأمام

وكنت عايز أعرف الشيخ قال ليكى ايه

fnan_geology يقول...

انتى ممكن متشرحيش اديهم لينك المدونه وسيبيهم يدخلو ويفهموا لوحديهم
بدل وجع الدماغ

وسلاااااااااام

أروى الطويل يقول...

انا كده نفس النظام والله
اصحابى اصلا مش عندهم كمبيوترات علشان اقلهم عندى مدونه يعنى الصراحه مش كلهم بس نصنص

shozy85 يقول...

عبد الله انا قلت لاصحابى علشان يدخلوا ويقولولى رأيهم .

ان شاء الله هاشارك فى بقيه المدونات سواء الاخوانيه والغير .ده انا حاطه من اللى بطالعه ناس تانيه بردو

بالنسبه للاسم شكرا على اقتراحك انى اجعله اكثر رقه بس هو فعلا بيعبر عنى

(طبعا مجازا)فليه اغيره؟؟؟؟

ا استاذ حسن انا مسألتك شيوخ لانى عارفة انى مابعملش حاجه غلط وعارفة امى كمان هى بتحب تقولى كده علشان تخوفنى واما تلاقينى عادى وبقولها يالا نكلم شيخ فبتطمن انى فعلا مابعملش حاجه غلط

اصلى فاقسه امى كويس

shozy85 يقول...

اروى انا عايزة اصحاب من الامدونات
ايه رايك انا وانتى نبقى اصحاب واقولك رايى فى مدونتك وتقوليلى رايك فى مدونتى


انا عايزة استشارة مدوناتيه ؟؟؟ ازاى احط نشيد يشتغل على صفحه المدونه مش فى البوفايل بس؟؟؟؟

fnan_geology يقول...

مينفعش يكتب فى التعليقات اكواد
علشان كده جبتلك لينك فى كل حاجه وفى كود ازاى تحطى نشيد اوو اغنيه على البلوج وهيفيدك فى حاجات كتير

http://bmadvice.blogspot.com/


هتطلب انك تجيبى امبييد بتاع النشيد ممكن تجيبيبه بلطريقه دى


الامبيدد بتاع النشيد تجيبه لو على موقع تدوسى كليك يميمن بروبريتز وبعدين هتلاقىurl هو ده

لو عندك على الجهاز شغليه على real one
ودوسى كليك يمين على النشيد واختارى clip info هتلاقى الامبيدد بتاع النشيد لو ملقيتهوش هارفعى النشيد على اى موقع رفع وخد url بتاعه






اللينك ده هيساعدك جدا فى تصميم المدونه وكل حاجه انتى عايزه تعرفيها

اى خدمه
سلاااااااااام

shozy85 يقول...

ما انا عاملت المدونه من اللينمك اللى بعتهولى يا جيلوجى بس فى مشكله فى الاخر خالص

هى انى اضيف انشودة حاولت كتير قوى اضيفها بس ما اشتغلتش ما عرفش ليه

fnan_geology يقول...

طب انا عندى فكره
حضرتك
ممكن تقولى اسم النشيد ايه اللى انتى عايزه تضيفيه
وانا هحطه فى الكود وابعتلك لينك تنزلى منه الكود ده
او تبعتيلى لينك النشيد لو عندك وانا هحطه فى كود وابعتلك لينك تنزليه منه
وسلاااااااام

shozy85 يقول...

جزاك الله خيرا يا فنان جيلوجيا
والرابط اهو


http://www.islam2all.com/sounds/sounds.php?mqtaa=975
وقولى كمان اعمله اد فين بالظبط فى التمبيليت؟؟؟

صوت عصفورة يقول...

مبروك يا قمر على المدونة اولا... و بعدين مش انتي بس اللي عانيتي من جهل الناس بالمدونات ...انا كمان لحد دلوقتي كل ماحكي لحد يقول يادي المدونات اللي واخدة عقلك .... الا هي ايه المدونات دي اللي بتتكلمي عنها اصلا؟؟؟
شدي حيلك يا جميل وجددي النية ...
اما موضوع الصحوبية ده بقى ... فيها لاخفيها ..... ايملي موجود في مدونتي ... هستنى تضيفيني و نتقابل في اقرب وقت ...
مبروك تاني

fnan_geology يقول...

ده لينك تنزلى منه كود النشيد على ورقه ورد هتلاقى
save file
فى اخر الصفحه
http://www.2shared.com/file/1733493/8a4d933a/__online.html

ده لينك تنزلى منه صوره بتوضح ازلى بتجسبى الامبيديد بتاع النشيد
http://up20.net/download.php?filename=e101f5f407.jpg


ده لينك فى صوره بيوضح تحطى كود
النشيد فين فى التيمبيليت

http://up20.net/download.php?filename=9c10de2ddb.jpg


ولو فى اى مشكله ابقى قوليلى
وشكرررررررا

وسلااااااااام

shozy85 يقول...
أزال المؤلف هذا التعليق.
shozy85 يقول...

بص بقى علشان دماغى وجعتنى
htmlاللى انت بعته مختلف عن اللى عندى علشان تقريبا انا نيو فيرشن
المهم انى نويت والنيه لله ادى لحضرتك (فنان جيلوجى طبعا)الباسورد بتاعتى علشان تشوفلك صيرفه وتعلمنى ازى ابقى اغير الاناشيد

انا بعتلك الباسورد على الميل خلاص

وياريييييييت تحطلى عداد ربنا يكرمك ويعزك

أروى الطويل يقول...

تحت امرك اى حاجه عاوزاها انا موجوده وبعدين يشرفنى اصلا

jlspivey74 يقول...

Come to the USA where Allah will allow you the freedoms that he intended you to have!

jlspivey74 يقول...

Trapped Inside Myself

Dismal with despair
I live without a care.
There is no comfort in this shell
For a new place I look to dwell.
Trapped inside myself.

Sick and tired of all the laughter
For a new day I hope to capture.
A joke of a man I may be
But what's in my heart they cannot see.
Trapped inside myself.

Here I sit with my guitar
As they pick my soul apart.
For all of those who want to hate
It is love I yearn to create.
Trapped inside myself.

Will I ever see tomorrow
A day of cheer and no sorrow.
Once again the lights go out
And with this pain another bout.
Trapped inside myself.

Jacob Spivey

jlspivey74 يقول...

Allah wants you to live a happy and wonderful life, Allah wants you to be free, to be a loving person. Don't Die In Vain! Fundamentalist are fools!