الأحد، فبراير ٢٤، ٢٠٠٨

وحشتيييييينى

ازييييييك عاملة اية؟؟
وحشتينى قوى
بجد
وحشنى الفضفضة معاكى
وحشنى الصدق معاكى
وحشنى ردود الناس عليكى
وحشنى تفاعلهم معاكى ومعايا
بجد
مش عارفة اقولك اية؟؟
ماتزعليش منى يا حبيبتى
كنتى دايما فى قلبى
كنت دايما بشأر عليكى وعلى اللى بيعلقوا على بوستاتك
مش عايزاكى تقوليلى زى ما كل الناس بتقولى اليومين دول "من لاقى احبابه نسى اصحابه"
لأ يا حبيبتى انتى انا وانا انتى
بس كان ناقصنى انى ادخل افضفض معاكى
مش عارفة اوصفلك قد اية كنت حاسة ان فى حاجة نقصانى وانا بعيدة عنك وعن اصحابك

مدونتى حبيبتى انتى دايما فى قلبى
وانتى دايما ليكى فضل عليا
ودايما هافتكرك وافتكر زوارك مهما بعدت
ومهما انشغلت

وعايزة اقول لزوارك
انى اسفة جدا
بجد اسفة انى بعدت
بس دى حاجة خارجة عن ارادتى
بس هو كان مزيج من فتور فى الكتابة وعدم تركيز
اوعدكوا انى هاكتب تانى من جديد
علشانى انا الاول قبل اى حد
جزا الله خيرا كل من هنأ بتعليق
بجد
بجد
اسعدتمونى

ادعولى بقى انى ربنا يمن عليا بقى واقعد فى حلقة تربوية لانى حالتى الايمانية كرب
وادعولى كمان ان ربنا يستعملنى ولا يستبدلنى
لانى مش عايزة اسيب الدعوة الى الله لانها هى اللى بتمدنى بالقوة اللى بتخلينى اقدر اعيش
وادعولى كمان انى افضل اعمل مع الاخوان
مع الناس اللى حبيتهم وامنت بيهم
زى ما هما حبونى

اللهم استعملنى ولا تستبدلنى
اللهم انى قصرت يوما فى الدعوة الى سبيلك
اللهم ارزقنى هذا الشرف وهذه المنة من جديد
اللهم امين


تحديث
بما انى لقيت فى ناس قلقانة على الباشمهندس وموضوع تطبيق النصائح وكده
انا عايزة اطمنكوا ان الامن مستتب
والجو زى الفل
وقل اعوذ برب الفلق
وياناس ياشر بطلوا قر
وخمسة وخميسة
وعين الحسود فيها عود ان شاء الله
وجزاكم الله خيرا
وممكن ابقى اديكوا نمرته تطمنوا عليه فى المستشفى
هههههههههههه

او اديه الباسورد يطمنكوا بنفسه

13 مصابين قصدى معلقين:

صوت عصفورة يقول...

وحشتينا يا شذى و وحشتنا صوتك المولوتوف ... طبعا ما اللي لقي احبابه نسي اصحابه ...:)
في انتظار جديدك ... فعالم التدوين يفتقدك بشدة

عبدالرحمن ياسين يقول...

السلام عليكم
أولا ألف مبرووك ....

مستنيين منك .... وبإذن الله ربنا هيوفقك ...بس إنتي بس إخلصي النية ..وشيلي الفتور بتاعك ده ...
وربنا بإذن الله هيوفقك
أختي برده كدة...قبل ما تجوز كانت بتعمل كذا وبتروح هنا وتيجي هناك..كان عندها نشاط ....بس بعد ما إتجوزت ..في الأول ..كانت مكسلة...بس هي شدت حيلها شوية ...وباقيت الحمد لله زي الأول...


تحياتي للحياة الزوجية السعيدة....
وربنا يوفقكم للخير

تحياتي لكي

عبدالرحمن ياسين يقول...

ا

هيثم ابوخليل يقول...

المدون الدكتور إبراهيم الزعفراني المعتقل حالياً من قبل السلطات المصرية لتضامنه مع حملة فك الحصار عن غزة ... يجري يوم الأربعاء عملية قسطرة في قلبه بمستشفي جامعة الإسكندرية ..؟؟
شاركوا في المطالبة بالإفراج عن صاحب القلب الكبير الذي بدأ يأن من رهن الحبس والظلم ...
إظهر تضامنك وتأييدك للإفراج عنه في حملة الألف مدون للإفراج عنه ...
وقع في الرابط التالي :
http://www.yallanefdahom2.blogspot.com/

من القلب يقول...

الف حمد لله على السلامه
طبعا من لقى احبابه......
متقلقيش فتره وهتعدى وهترجعى تانى لنشاطك ودعوتك ...بس اهم حاجه متسبيش نفسك للفتور ...وان شاء الله اخواتك يعينوكى

وربنا يبارك فيكى وفى زوجك

wala-benkhaf يقول...

أنتي فين ياشذي أحنا لقينا النت فجأةكدة مفيش أي قنابل مولتوف بتترمي ولا فيه مصابين ولا أي حاجة كدة

Welcome back بيكي

___________________

أدعوكي لزيارة مدونة الأستاذ / إبراهيم خليل
خواطر خطيب

http://www.khwater-khateeb.blogspot.com/

عبدالرحمن فارس يقول...

العود أحمد

وضـّاح يقول...

حمدا لله على سلامتك
:)

الـفجـريـــة يقول...

حمدلله على السلامة يا شوزى

بصى هو ممكن اوافق على من لقى احبابه نسى صحابه
بس بيكون شوية صغيرين وبيرجع تانى وبيكونوا دايما فى باله
حلو كده
:)
ربنا يعينك ويرزقك الاستقرار ..اما عن موضوع الحلقة والاخوات فهوه الدعاء يا شذى..وطالما هتدعى بأه..يبقى تدعيلى معاكى

راديو اسكندرية اليوم يقول...

ندعوكم للاستماع الى اذاعة اسكندرية اليوم

اذاعة اسكندرية اليوم - اوعى تفرط فى حقك
على هذا الرابط
www.alextoday.net

TV de LCD يقول...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the TV de LCD, I hope you enjoy. The address is http://tv-lcd.blogspot.com. A hug.

غير معرف يقول...

الدليل الشامل للمدونات العربية
سياسة ، اقتصاد ، ثقافة ، حوار ،
أدب ، شعر ، فن والمزيد

http://arab-blogs-guide.blogspot.com/

غاوي حرية يقول...

السلام عليكم
أولا ألف مبرووك ....

ومش هاقول زي اللي قالوا من لاقى ....... نسي ......

هي الدنيا كده بس بجد لازم ترجعيلنا تاني وترجعي تضربينا بالقنابل المولوتوف بتاعتك

ويلا بقى سلاموووز