الأربعاء، ديسمبر ١٩، ٢٠٠٧

!!!!!!!!!

اكتب
اه اكتب
ما اكتبش ليه
طبعا هاكتب وامال لسانى راح فين؟؟
يالا يا جماعة
البوست ده عن ......
؟؟؟؟!!!!!!!!!!!!
مش عارفة
عايزة اكتب عن اى حاجة وكل حاجة بتحصل جوايا
هل فعلا من حقى اكتب
من حقى؟؟
عنى؟؟
عن نفسى؟؟
منغير ما حد يلومنى انى بكتب عنى؟؟
انا عارفة ان ناااااااااااس هايقولوا وايه لزمته؟؟
وعارفة ان ناااااااااااااس هايقولوا وغيرك هايستفيد ايه من كلامك عن نفسك؟؟
ياترى اكتب وماخافش؟؟
اكتب منغير مهاجمة ومنغير ماحد يقعدلى على الواحدة؟؟
اكتب؟؟
................................
موضوع تانى
الكمبيوتر الله يهديه ويشفيه وريحنا منه
تعبان
وفاصل وما بنشوفش وش حتى الدوس مش الويندوز علشان ما تقولوش عليا طماعة ومفتريه
بافضل ارزع فيه يمكن ينطق
ولكنه ابى
حسبي الله ونعم الوكيل فيه
...............................
ان شاء الله هاتقرأوا قريبا على مدونتى مراجعات لبعض المواضيع والمواقف اللى طرحتها هنا فى المدونة وكان ظاهر من كلامى انى جامدة وغير قابلة للتغير بس انا حبيت ابينلكوا انى احسن من عمو حسنى
وهاغير
واعدل
واصلح
فى ارائى
واتعلم
لحد اما امووووووووووووت
.................................
كل سنة وانتوا طيبين ومتنهيين ومبسوطين وشبعانين

8 مصابين قصدى معلقين:

وضـّاح يقول...

هذه مدونتك

فاكتبي فيها ما تستطيعين تحمل تبعاته مقيدة بحدود الشرع
اكتبي فالتدوين في أساسه للنفس .. ربما لدينا نحن المسلمين قد يدخل في نياتنا عند التدوين الدعوة ولكن هذا لا ينفي عن المدونة أنها شخصية تعبر عن رأي الشخص وخواطره في شتى أمور حياته

اكتبي ولا تترددي .. وتوكلي على الله

كل عام وأنت بخير وتقبل الله منا ومنكم

طيف الاخاء يقول...

السلام عليكم
مالك ياشوشو عايزة تقولى ايه؟ وتقريبا بخمن عايزة تقولى لانى كنت حاسة انك مضايقة من حاجة معينة
وقولى ولا يهمك
جزاك الله خير على التوصيلة

على الزيبق يقول...

عيد كبير ... خرفان كتير... وهابى نيو يير ... وحاجات حلوة وطراطير .... وجاتوه وفطير ...... والاهلى خطير ..... والريس لسه قدامه كتير

mohamed يقول...

سيبك من اي حاجة واي حد يقول بتكتبي ليه او ايه لزمتة طالما انكعايزة تكتبي دا ومفيش قناعه او الزام داخلي بيقولك العكس
اما موضوع تغير الروئ والقناعات فدا طبيعي .. انا واقف في مكاني بشوف فيو معين ..لو غيرت مكاني ورحت مكان تاني الفيو هيتغير وهيوسع وادراكي ليه وقناعتي بيه هتتغير ..

وكل سنة وانتي طيبه

الفاتح اليعقوبي يقول...

السلام عليكم
كل عام وانت بخير استاذة شذي

يفترض ان المدونات تعبر عن اصحابها ولكن ليس اصحابها فقط ولكن فكرهم ايضا
دي حاجة
تاني حاجة
المدونة دي ملك لك ولك كل الحرية في كتابة كل ماتريدين فيها ولكن اوصي نفسي واوصيك وجميع المدونين
بتقوي الله
اللهم اجعلنا جميعا من المتقين


اما بالنسبة للكتابة عن نفسك فانت ادري بما يستحق النشر ومالا يستحق النشر وماسيتفيد منه الناس ومالن يستفيدوا منه
اكتبي ولا تخافي من النقد طالما انك ترضين الله في كلامك


وفي الاخر
كل عام وحضرتك بخير وبصحة وعافية
اعانك الله
والسلام

غير معرف يقول...

إكتبي بكيبوردك (بدلا من القلم يعني) ولا تخافي على بركة الله

عبدالرحمن ياسين يقول...

السلام عليكم

أولا....كل سنة وإنتي طيبة

ثانيا.....أكتبي وما تخافيش..أنا مش بهزر...أمال إنتي عاملة المدونة ليه..؟؟
مش دا السؤال إلي إنتي سألتوهولي!!!!!

عموما ربنا يشفي الكمبيوتر
ويشفي الكمبيوتر
ويشفي الكمبيوتر


وإحنا مستنيين الكلام الجميل
ومستنيين المراجعات

تحياتي لك
وكل سنة وإنتي طيبة

شقاوة شعب يقول...

كل سنة وانتى طيبة وسعيدة ومبسوطة يا شذى

ويارب السنة الجاية تكون كل احلامك اتحققت

اما عن موضوع التدوين الشخصى فانا محتارة دايما فيه
هفكر معاكى بصوت عالى شوية
فى ناسى تقول دى مدونة شخصيةواكتب فيها اللى انا عايزه
بس ارجع واقول ازاى بنقول كملة شخصية اذا كانت هى على شبكة الانترنت ويطلع عليها القاصى والدانى

تبقى مش حاجة شخصية ولا حاجة ده الجميع مشترك فيها
بل انا اساس المدونة وجود القراء .. يعنى اللى بيقول انها شخصية يبقى يورينا كدة لو قراءه مشيوا وسابوه هتبقى ساعتها ايه لزمة مدونته

ماخبيش عليكى احيانا اكتب عن حاجة شخصية وبعدها اقول لنفسى يعنى هى الناس استفادت ايه
بس الحمد لله انى لسا ماوصلتش للشخصى قوى قوى ...اخرى التااجات
وبصراحة كتير اقرا لناس كاتبين عن حجات شخصية ابقى بقراها وانا بقول فى نفسى واحنا مالنا احنا بالقصة دى كلها

المهم فكرى كدة مع نفسك تانى .. وان شاء الله توصلى لقرار صح
وماتتاثريش برأيى او راى غيرى اعتبريها نصائح وبصيلها بنظرة محايدة
الاهم فى الاخر هو رايك انتى

"استفتى قلبك ولو افتوكى وافتوكى"

تحياتى حبيبتى
شيماء