معايا تاج ... معايا تاج.........
تاج وصلنى من صديقتى الرقيقة اسماء
اخوانية مصرية
بسم الله
اسم مدونتك؟؟
لسانى مولوتوفى
لماذا اخترته ..وماهي نيتك من وراء اختياره؟
اخترته لان ساعات بيبقى ليها وقع القنابل سواء فى الحق او فى العك
وطبعا اختكو نفسها يكون عندها مخزون من النوع بتاع الحق ده ونفسها تتخلص من مخزون العك
ولان ساعات المواطن المصرى البسيط مابيبقاش حيلته غير لكمته يعبر بيها عن مأساته ومعاناته
فاعتبرت ان اللسان ممكن يكون نوع من المقاومة
وان شاء الله تكون مقاومة سلمية وميكونش فيها خسائر
انا ناوية اخد دورة اسعافات اولية مخصوص علشان المدونة دى
هههههههههههه
هل فكرت في إغلاق مدونتك؟ والسبب؟
اقفلها لأ
لكن اوقف اه
بسبب حالتى النفسية اللى حسستنى ان معنديش جديد اقدمه
صورتك في المدونة ورمزيتها ؟؟
هما فى كذا صورة
اللى فى البوفايل
شمعة
لان النار ممكن تبقى مدمرة وفى نفس الوقت تعطى ضى رومنسى جدا زى الشمعة
من الاخر النار دى ملهاش امان
حاجة كده تخويف يعنى
اما فى صورة لبنت مطلعة لسانها
دى انا وانا بوريكو اصل المولوتوف
اما البيبى الجميلة
دى جنى بنت اختى
لسة مولودة طازة
لماذا دخلت عالم التدوين من الاساس؟
علشان اعبر عن نفسى فى الاساس كبنت
كمسلمة
كمصرية
كأخوانية
اقول اية اللى مزعلنى واشارك الناس فى فرحتى
جمله قيلت لك فى وصف مدونتك؟
الصراحة مفيش حاجة معلقة معايا
بس فى عمو والد واحدة صحبتى
قالى ملاقيتيش غير الاسم الارهابى دة
واما بدات اوضحلة وجهة نظرى قالى انا كنت بهزر
بس اتبسطت قوى اما قالى كدة
التعليقات بالنسبه لك ,اهميتها؟
اد اية الناس صلها وجهة نظرى
فى بعض المواضيع باستفيد من التعليقات جدا
باتعرف على ناس جديدة
نفسى قوى ان يعلق عندى ناس عاديين مش من الاخوان
نفسى بجد يقولولى رايهم اية فى المدونة
بس بجد التعليقات بتبسطنى جدا جدا جدا
احلى بوست كتبته ...ضع اللينك , ثم اذكر لماذا؟
لانه بيحكى فترة جميلة من حياتى كنت حاسة فيها بمشاعر واحاسيس مفتقداها جدا جدا جدا دلوقتى
أفضل بوست قرأته؟ وضع لينكه؟
بوست بتاع د احمد الجعلى
وبوست نفسى بتاع الاستاذ مجدى
أفضل مدونة قرأتها؟
بصراحة ومنغير زعل
بردو بحب اسلوب الاستاذ مجدى جدا فى الكتابة
بصراحة بصراحة
بيعقدنى
ماشاء الله عليه
مدونة يلا مش مهم
حد قل أدبه فى التعليق إيه رد فعلك؟
هو لغاية قبل اخر بوست محدش رخم عليا قبل كده
بس لقيت تعليق كده متخلف فى قلة ادب فى الذات الاهية
الناس قالولى مترديش عليه دول كلمتين بيلطعهم فى كل مدونة لحد ملتزم علشا يستفزه
بس عمرى ما مسحت تعليق لحد
اخر تعليقات كانت ايدى بتاكلنا
بس قلت يالا
انتى الكبيرة
اصل انتو مش فاهمين انى مولوتوف اه بس ملييش فى اللت والعجن
انتى قلتى وحضرتك سويت
يعنى حسيت انه جدال ملوش لازمة ولا له قيمة
مش ناقصين ؛÷‘:؛<؛‘<".>×
أسوأ بوست أسوأ مدون؟
انا بصراحة عمرى ما اقدر اقول على اسلوب حد انه سئ
ادام هو بمجهوده وطالع منه
اكيد هلاقى فى حاجة كويسة
بس انا موافقة على راى اخوانية مصرية على ان المدون والمدونة ممكن تسوء بالالفاظ اللى بتتقال فيها
زى مثلا الوعى المصرى
بصراحة مدونة تحفة جدا
بس بتلاقى كلمات كده تخليك تكره الكليكة اللى جابتك المدونة
هيحصل ايه لإيميلك لما تموت ؟؟
هايورثوه
ههههههههه
اديت الباسورد لمين؟
اختى القردة الصغيرة عارفاه
اصلى علشان مانساش عاملة باسورد واحد بس لكل المواقع وكل المسينجرات وكل الميلات وكل حاجة
كانت إيه طبيعة علاقتك بيه؟
اختى ولازم استحملها
هههههههههههههه
اسمك؟
شذى
المشهور بيه وسط اصحابك؟
لية الاحراج ده
فى ناس كتير بتقولى يا شوشو
مع انهم بيقولوا لاخواتى بردو كده
طب فين التميز بقى
حاجة وحشة
شخصيتك نوعها إيه؟
ممممممم
مش عارفة انواع الشخصيات
بس ممكن اقول صفات
مرحة ,حنينة (بيقولولى) بس مؤخرا مابقيتش كده ,عنيفة فى بعض الاحيان
اوعى وشك
بفهم كويس اى حاجة الا المذاكرة
ما بحبش النمطية
احب التجديد
متهيالى كده كفاية اللى عايز زيادة بقى يبقى يكلم ابويا
هههههههههههه
السفر بالنسبة لك؟
بعشقه
بحس انى بانتقل من قرف ووجع قلب المذاكرة والحياة عامة فى القاهرة الى حياة تانية فى الاسكندرية
السفر بالنسبة ليا روقان
ممتع جدا
بس بقيت اخاف منه بسبب الحادثة اللى حصلتلى فى اول الاجازة
ربنا يسترنا
وقت فراغك بتعمل فيه إيه؟
كنت بقرأ
مؤخرا باتفرج على التى فى
وطبعا الكومبو
الكومبيوتر يعنى
المود بتاعك؟
فرفش
بس ساعات بيقلب كابة وقرف
ربنا ما يوريكم
اللهم اشرح لى صدرى اللهم امين
الصفات اللي أخدتها من بابا؟
مخه النظيف
اتقانة فى عمله
حبه لخدمه الناس
احساسه بالغلابة
الصفات التي أخدتها من ماما ؟
حنيتها وطيبة قلبها
وانها تعمل العمل بحسن نية وهو ممكن يشعلل الدنيا
اكتر ست حاجات بكرهها؟
الكوسة
شقلطة الاعمال
الكذب
المذاكرة
امن الدولة
النصيحة باسلوب غبى
اكتر ست حاجات بحبها؟
عيلتى
اصحابى
التمييز عامة
البطاطس المحمرة
فانتا برتقان
غروب الشمس
الانترنت بالنسبه لك؟
اكتأب من غيره
امرره لمين ؟
سناء حفيدة البنا
عبد الرحمن عياش
مكسرات
والدكتور محمد محمد مرسى
ياااااااااااه انا تعبت قوى
انا مسافرة اليكس تومورو حد عايز حاجة؟؟
19 مصابين قصدى معلقين:
استاذتنا ليا شرف الرد اول واحد
ردودك بتعبر بشكل كبير اوي عن شخصيتك بس خير
هههههههههه
انا حسيت كده ان فيه كلام كده اترمي عليا بس برضه لعله خير
تاج جميل وواضح فعلا تاثرك بااستاذنا مجدي سعد
في حد في الدنيا مايحبش الكوسة
انا والدتي بتعملها لما بتعوذ تنتقم مني وهي انتقمت مني امبارح
وتروحي وترجعي بسلامة الله يااستاذتنا
والسلام
يسلم لسانك
يا شذى
بس انا عندي سؤال
يعني ايه
شقلطة الاعمال ؟؟
الجملة غريبة قوي
مش فاهم يعني ايه الاعمال
الإجابات دبلوماسية جدا
و فيه إجابات كتيير وقفت عندها
في موضوع مهم ومحتاج راي اخوانا ومشاركتهم فيه في المدونة
طب فين بس المولوتوفية مش باينة فى الكلام يعنى ليه بس الدعاية السلبية دى
بس مدام مبيكنش الواحد قصده يعنى ممكن تعدى
التاج دة انتشر اوي
بس انت اجاباتك لذيذة جدا
شويو هوا بحر في إزازة..ولو مانفعش شوية ماية مالحة..ولو مانفعشي مش عارف
...
بس ازاي حضرتك عاوزة ناس مش إخوان مثلا يعلقوا عندك
يعني أولا تعلقي عندهم
بعدين يعقلوا عندك
..
ماشى يا شذا
والله كويس بأيت اعرفك من هنا
احسن من المرات القليلة جدا اللى ممكن اشوفك فيها
اما بالنسبة للأسكندرية
فاى حاجة من هناك هتبقى جمييييلة
واحلى حاجة ممكن صور حلوة
وشوية هوا فى ازازة فعلا تبقى جميلة جدا
يعنى حاجة تحسسنى انى كاانى هناك
يلا سلاااام
يعنى اخينا ايعقوبى ورايا ورايا
احم
لموأخذة
اهلا وسهلا بحضرتك
انا اتحدث من اليكس استندفت سايبر
تقريبا ده صاحبة ملتزم من اخوانا
وجيت علشان اشوف الناس اللى قرشة ملحتى
قصدى مرحبة وردة على اتاج
الاخ طهقان
مصطلح شقلطة
ده اتعلمته اما واحدة صاحبتنا كانت بتقوله للدكتور بتاع الدرس اما يقلبنا ويكروت
ومن هنا
بقيت اطلق على عدم الاتقان
شقلطة
المفروض بردو اننا نستفيد من ثقافة بعض مش كدة
ويااخ روش طحن
انا جاوبت بتلقائية جدا
يعنى مفيهاش ريحة الدبلوماسية خالص
الاخ يعقوبي تانى
بجد انا بقيت اتفائل بحضرتك
على فكرة الكوسة اللى قلت عليها فى التاج مش من النوع اللى بتتاكل
لا
دى من النوع اللى بتتطفح فى كل المؤسسات والمصالح اللى فيكى يا مصر
اما الكوسة التانية بكلها غاص بعنى علشان خاطر امى
ياجماعة الطلب على ازايز هوا كتر
بصوا انا هاخلى بابا يقف ادام البحر شوية بالعربية ونفتح الازاز كله
وبعد كده نقفل بسرعة
واما نيجى مصر نخليكوا تقعدوا فيها الربع ياعة بخمسة جنية
اية رأيكوا
؟؟
منورانى يا اسماء
بجد بجد
وحشتينى جدا جدا
يارب اشوفك قريبا
معلش تنويه اخير
التاج ده بالاساس كان من اما الجيل وبعد كد ة اخوانية مصرية بعتتهولى
يعنى احنا لا ننتقص من حقه فى النشر
استاذة شذي
الخلاف في الراي لايفسد للود قضية لاننا لو وصل اي نقاش لخلاف يبقي النقاش اساسا لم يكن لله وانما كان لمجرد اثبات راي شخصي لاي متناقش
واللت والعجن اللي حضرتك مابتحبوهوش لايفسد للود قضية
وعامة لعله خير بس انا استنتجت حاجة من تعلقات حضرتك علي البوست ان حضرتك بنت اخ يعني عندي عندي شك بنسبة 90%وربنا يرجعك بالسلامة
والسلام
بسم الله مشاء الله
فعلا بتجيبي من الاخر
ملوتوف ملوتوف يعني مش اي كلام
اما بالنسبه لاسكندريه فانا كرهتها في الصيف من بتوع القاهره
الواحد مش عارف يمشي في الشارع من زحمتهم ولاعارف ينزل البحر منهم
اسف لانني اعطيت ملتوفايه لبتوع القاهره
بسم الله
تاج جميل واجابات اجمل
تحياتي
البحر
العريان وراء القضبان
شاركنا فى حملة التضامن مع الدكتور عصام العريان
على مدونتى
عسل ياخواتي
هههههههه
رقيقة مين يابنتي ركزي في صورتي شوية هههههههههههههههههههههههه
بس يلا مش مشكلة
بجد اجاباتك عسل مش عندي اعتراض علي حاجة المرة دي وكلامك عن مدونة استاذ مجدي ةصح ميه في الميه
كويس عرفت انتي بتحبي ايه عشان لما تيجي تزروني بقي اقدملك كوباية مايه ساقعة كفاية هههههههههه
بس انتي تعالي
Ekhwangeyyah ?? ahha
السلام عليكم
ايوة كده ياشوشو فعلا هى دي الاجابات
وبصراحة ياجماعة ديه فعلا شخصية شذى دون دبلوماسية نهائيا
لانى اعرفها وتقريبا ملازمها من 4 سنين
حمد لله على سلامتك بعد رجوعك
يااه
ده ليا انا :D
ربنا يخلليكي يا مس شذى
خلاص اجاوب عليه ان شاء الله
على فكره انا مريت تلات اربع مرات و مشفتش اسمي
بس يللا
ان شاء الله هرد في البوست الجاي
سلاام
اجابات موفقة
ما شاء الله
بس مش مولوتوف اوي
عايزين ضرب نااااااااااااااار
تشرفنا
فر صة سعيدة
اوروفوار
إرسال تعليق