السبت، يونيو ٣٠، ٢٠٠٧

عندما تتحطم احلامانا على صخرة الواقع

اجلس امام البحر ,اتأمله
ادقق فى تدرج الوانه التى اعشقها, اتأمل اشعة الشمس وهى تخترق سطحه لتنيرة وتجعله اية فى الجمال والروعة
التفت يمينا فارى والدى وقد انهكه التعب ففضل ان ينام قليلا
والتفت يسرة فارى والدتى تحفظ القران كما هى عادتها امام البحر
وبجانبى اختى الصغيرة التى تفضل هى وانا نستمع الى الاناشيد امام البحر
خططت ان اقابل فتاة حدثتنى على المسينجر وهى مروة صاحبة مدونة حلم الحرية وقد وعدتها بذلك فى اول زيارة لى للاسكندرية بعد اشهر من الامتحانات
وفجأة استيقظت على صوت خالتى وهى تنادى على ابى ( حاسب يا عصام) لافتح عينى وارى العربة وهى متوجهه لاقصى اليمين وكادت ان تقع من على جانب الطريق فوجهها ابى الى اقصى الشمال حتى كاد ان يخترق الجزيرة التى بين الاتجاهين
فوجهها ابى ثانية الى اقصى اليمين حتى انقلبت السيارة مرتين واستقرت على عجلاتها ثانيا وهى متوجهه جهه الاتجاة المعاكس
لم اشعر بالنقلاب ولكن بعد ان فقت وجدت طرحتى تغطى وجهى والحمد لله على ذلك لانى كنت قاعدة جنب بابا ومفيش زجاج جه عليا
ومن المضحك ان ابحث عن حذائي والناس عمالة تخرجنا من العربية
مش قادرة اوصف لكم مدى طيبة الناس
مش قادرة اقول كام عربية وقفت علشان يساعدونا
حتى بعد مضى ساعة واحنا كلنا الحمد لله كويسين نلاقى عربيات بتهدى واصحابها يقوللنا احنا خدامينكو
اى حاجة تأمروا بيها
مية ,ممكن ننقل اى حد للمستشفى لو تعبان
الحمد لله على كل حال
الحمد لله جه ونش ورفع العربية اللى نظرتلها وكنت متخيلها من ثوانى وهى كويسة وزى الفل
كنت عمالة اعدل فى حاجة صغيرة مكسورة فى الباب ومستغربة اوى واقول ياترى اية اللى كسرة وبعد ثوانى مبقاش فيها حاجة سليمة
سبحان الله
هى الدنيا كده متقلبة وفى لحظات
علشان كدة انا متأكدة ان رسول الله وصانا وشدد علينا اننا مانرطبتش بيها لانها فى لحظات ممكن تتقلب علينا ساعتها هانحزن عليها وهى ماتستاهلش
ساعتها بس حسيت ان مفيش سعادة مطلقة فى الدنيا
وان السعادة الحقيقية فى الجنة
بابا يا حبيبى انا متأكدة انك مش زعلان على العربية اد ما انا متأكدة انك كنت هاتموت لو واحدة فينا حصلها حاجة
ربنا يعوض عليك ياحبيب قلبى
ويرزقك احسن منها
ويخليك ليا ولاخواتى
ويجعل يومى قبل يومك لانى من بعدك مش هاقدر اعيش
ملحوظة ياريت اللى ييجى يزورنى فى المدونة يجيبلى معاه شوكلاتة
بس من النوع النظيف بعد اذنكوا

31 مصابين قصدى معلقين:

علاء يقول...

الأول ألف حمد الله على السلامة
و الحمد لله ان ربنا ستر و كلكوا بخير
طز في العربية تعيشوا و تجيبوا بدالها اتنين و تلاتة ان شاء الله

و بالنسبة لخدمة الناس فعلا باحس ده كتير و خصوصا ان كان في حريقة كبيرة امبارح في صيديلة جنب البيت عندنا و قصت على اغلب الممتلكات
انا و غيري ناس كتير دخلنا نجري في وسط النار عشان نطفي
بصراحة من غير حتى ما افكر ليه انا باعمل كده
يمكن عشان دي فطرتنا
و رغم ان في لوح زجاج فرقع من كتر السخونة و عورني أنا و واحد تاني خدش بسيط الحمد لله بس فضلنا نطفي بكل همة حتى بعد ما رجعت المطافي
ساعدناهم

و يمكن لاننا نحب ان الناس تكون جنبنا في مواقف زي دي

عارفة يوم ما تمشي بعربيتك و تشوف ناس حصلهم زيكم

هتكوني اول واحدة تجري تساعديهم
الحمد لله ان الخير فينا و هيفضل فينا ان شاء الله

صدقتي في أمر الدنيا
ساعة باستغرب
انا مخطط لحاجات و محتاجات
و هاعمل و اخلي
و رايح و جاي

و فجأة ممكن أموت في ثانية
انفصلت عن الاهل و الناس و الاصحاب و المشاريع و الخطط و الشغل و كل ده في ثانية و رحت لعالم تاني
لو مكنتش جاهز له صح
هاخسر
و هي دي باه الخسارة اللي بجد

قال صلى الله عليه وسلم ((من جعل الله همه جعل الله غناه بين عينيه وجمع له شتات قلبه وأتته الدنيا وهي راغمة ومن جعل الدنيا همه جعل الله فقره بين عينيه وشتت له قلبه ولم يأته من الدنيا إلا ماكتبه الله عليه ))

هنعمل كل جهدنا عشان نمسكها بايدينا
و برده مش هناخد منها الا اللي مكتوب
يبقى نعمل لدنيتنا و منحاربش عشانها و نجهز لاخرتنا اللي ممكن تيجي في أي لحظة

اسف على الاطالة
و الف الف سلامة على الوالد و عليكم جميعا
ربنا يحميكم يارب

أحمد عبد الفتاح يقول...

انا جيت وعاايا علبة كادبوري جواهر من الي بيجي اعلانها علي ام بي سي
حمد لله عالسلامة
بس اهم حاجه يا تري المراية الي في الصالون سليمة ؟
عالم غريبة سايبة المرايات وبتدور عالاحذية
الف حمد لله علي سلامتكم
وان كان عالمراية متقلقيش بكرره تجيبوا احلي منها 100 مرة

marwa يقول...

ألف سلامه عليكى انت وشرين وماماو بابا
والحمد لله جت سليمه
بس ماتعديش الموقف ده من غير ماتفكرى انك كنت جاهزه بعد الشر لو حصل حاجه

شذى مولوتوف يقول...

الله يسلمك يا باشمهندس

انا لقيت تعلقك اول ما كتبت البوست
فعلا دنيا غريبة واللى يتمسك بيها يبقى غبى مش حاجة تانية

-----------------------------------

متشكرين على الجواهر تتردلك ان شاء الله فى الافراح يا اخ احمد

وموضوع الحذاء ده اعتقد انه كان حاجة لا ارادية لانى مكنتش عايزة اترب الشراب
هههههههههه

----------------------------------

متشكرين يامروة على زيارتك
بس يا ترى انت انى مروة المروات اللى انا اعرفهم؟؟

بس على فكرة انا اكتشفت انى مش مستعدة خالص ولغاية دلوقتى لسه

انا متهيألى عمر ما الواحد هيكون مستعد للموت

مين متخيل انه هينام مش هايصحى علشان كده صلى اخشع ركعتين فى حياته

مين متخيل انه هايروح الشغل او الكلية وهو متخيل انه مش هايرجع علشان كده ودع اهله اخر وداع وباس ايديهم ورجليهم

مين متخيل انه ممكن يخرج نفس ميدخوش تانى علشان كدة استنشق اعمق نفس فى حياته

بجد يا مروة سؤالك ده صعب اوى

بس انا بدعى ربنا انه يقينى شر الموت الفجأة و يرزقنى قبله توبة نصوح

mo'men mohamed يقول...

الحمد لله ان انت بخير والكل بخير
وربنا ستر الحمد لله
أختى الشعب المصرى مهما ظهر منه من سذاجه و جبن و حاجات كتير غلط
فده ميمنعش انه أطيب شعب
شعب معاكى وقت الضيق ويفرحلك وقت الفرحة
تلاقى ايده جانبك على طول
الحمد لله على سلامتك
وربنا يا رب ما يوعدنا بالموت الفجأه ونموت على الشهاده يا رب
السلام عليكم

غير معرف يقول...

مروة مدحت

محمد السيد يقول...

واحد واتنين وتلاثة ... حمدا لله علي السلامة ....

ومش مهم أي حاجة في الدنيا دي .... طالما مصر بخير ...

إحم ... واضح الواحد خرج عن الموضوع

نرجع تاني ...

جربي في أي حتة حتلاقي العالم دي واقفة معاكي ... عالم تجن بجد والله ...

مهما نقول فيهم كذا وكذا وسلبية وخوف والكلام اللي يتعب ده .... حيفضلوا أحلي وأطيب ناس في الدنيا ...

ربنا يخليهم لينا ....


وآخرتها عايزة شيكولاتة؟ وكمان نوع مخصوص .... رحمتك ياااااااااارب

علاء يقول...

على فكرة
للاسف برده في عينات مش كويسة

اسمعي يا شذا
بنت عمي و زوجها و ولدينهم الصغيرين عملوا حادثة امبارح على طريق اسكندرية الزراعي
و بنت عمي حالتها خطيرة و زوجها و الولدين عندهم كسور

عارفة الناس اللي المفروض ينقذوهم عملوا ايه ؟

سرقوا الموبايلات اللي كانت معاهم
و اكتر من الف جنيه
و الدهب بتاع بنت عمي

حسبنا الله و نعم الوكيل

ادعولها ربنا يقومها بالسلامة

مدونة صوت العجمي يقول...

مدونة صوت العجمي معجبة جدا بهذه المدونة الارئعة
وتدعوكم لزيارتها
http://sootalagmy.maktoobblog.com/

محمود قطب يقول...

حمدا لله على سلامتك

المواطن المطحون يقول...

حمد لله علي سلامتكم جميعا

انا اول حاجه معايا 2 كيلوو شيكولاته من النوع الفاخر ابو 2 جنيه الفاخر اوي

الحمد لله ان مافيش حد فيكم جراله حاجه وحشه

واسكندريه واهلها مستنينكم في اي وقت

علي فكره الشيكولاته مش ب 2 جنيه

just-amuslim يقول...

قبلة صباحية لأختي الحبيبة هنا ..
تهمس بكل رقة ..(احبك في الله)..والله يشهد !!

وأدعوك بها الى التفاعل مع مدونتنا جميعا .._مدونة البنوتة المسلمة
http://www.banateet.blogspot.com/

_فحياك الله وبياك ..ولك حرية الدعوة
لأي شخص تحبين لزيارتنا أيضا ..

فلا تتأخري رجاء ..

حبيباتك ..ولاء وجهاد

الجوزاء والصامدة

mohamed gado يقول...

اهم حاجه فى الموضوع ده والحمد لله عليها
انه مفيش اى خسائر بشريه
اما الخسائر الماديه فليست مشكله على الاطلاق
الف حمد الله على سلامتك وسلامة العائله
قضاء اخف من قضاء
لعله كان بلاء نازل وبالدعوات وبحفظ والدتك للقرآن خففه الله بذلك
ولعلها تكون عظه للناس وانا ان الانسان معرض للموت فى اى لحظه
والحمد لله ان ربنا ستر
ومره تانيه حمد الله على سلامتكوا
وكان نفسى اعلق على موضوع سار شويه
لكن لعله خير
تحياتى ليكى

fnan_geology يقول...

حمدالله على السلامه

والف سلامه على العائله
وقدر الله وماشاء فعل

بس فى سوال

لقيتى الحذاء؟!
:)
وكالعاده الشعب المصرى طول عمره بيحب يخدم فى السراء والضراء
والف سلامه مره تانيه
وسلاااااااااااام

saad alshater يقول...

انا فعلا عجباني فكرة المدونه

www.ibn-elshater.blogspot.com

علاء يقول...

ينفع يعني ؟
قبلات و حاجات من دي ؟
بلاش الكلام ده
في شباب

شذى مولوتوف يقول...

السلام عليكم يا جماعة جزاكم الله خيرا كثيرا
اسعدتمونى بزيارتى مع ان ايديكم فاضية مش مشكلة

ربنا يكرمكو وما نجيلكوش فى حاجة وحشة

يلا مش مهم يقول...

الف مليون سلامة لبابا وماما ولاختك وليكي
وللمرايا
والحمدالله انها جت علي العربية لان الحديد يتعوض لكن البني ادم لا
حكمة لاحد السواقين
ونصيحة بقي
استعدادا لاي حادثة مستقبلية انصحك بشراء حذاء برباط لانه شديد الاحكام عن البانص " اي الحذاء اللي من غير رباط "
ويللا الف مليون سلامة
ويللا مش مهم

ميدو يقول...

الأول ألف حمد الله على السلامة
و الحمد لله ان ربنا ستر و كلكوا بخير
طز في العربية تعيشوا و تجيبوا بدالها اتنين و تلاتة ان شاء الله

والحمد لله على كل شئ ... وربنا يكرمكم جميعا

غاوي حرية

يا ريت تشرفي مدونتي المتواضعة بزيارتك ليها
http://gawyhorya.blogspot.com/

tamooh يقول...

حمد لله على سلامتك..
الحمد لله إنكم سلام ولله الحمد
فداكم السيارة..
والحمد لله إنكم لقيتم الناس كويسين معاكم
الشعب المصرى الحبوب برده

..حمد لله على سلامتكم

Arabian GiRl(caaaaat) يقول...

حمد الله على السلامة يا شذى

اسماء العـــــــريان يقول...

حمدلله على سلامتك يا شوذى ... وفداكى يا ستى العربيه

AbdElRaHmaN Ayyash يقول...

الحمد لله على السلامة يا استاذه
جد الحمد لله
ربنا يسلمكم يااارب
ان شاء الله خير و ربنا ما يجيب حوادث تاني
عموما ألف مبروك على نهاية الامتحانات
و ان شاء الله ربنا هيعوض عليكم بأحسن من العربية دي بكتير اوي
حمد الله على السلامة مرة تانية و اسف على التأخير في الرد
سلام

ض/خالد يقول...

لو كان في وجود السيارة سليمة خيراً للأستاذ عصام وعائلته.....
لأبقاها الله-عزوجل- سليمة كما هي

saad alshater يقول...

الف سلامه وربنا يشفيكم جميعا

belal يقول...

دي المرة الخامسة اللي هاكتب فيها تعليق ..ربنا يوصله بالسلامة
....
حمدا لله على سلامتك جميعا ..وأكرر كلام الدكتور خالد ..كان في وجود السيارة سليمة خيراً للأستاذ عصام وعائلته.....
لأبقاها الله-عزوجل- سليمة كما هي
.....
يا رب يوصل

شذى مولوتوف يقول...

السلام عليكم
جزااااااااااااااكم الله خيرا كثيرا بجد


قعدت اقول هو مين الاستاذ عصام اللى بتقولوا عليه ده

ده طلع ابويا
اصل عمر ما حد قاله يا استاذ
اصل ابويا بعيد عن السامعين دكتور ولقب دكتور ملازق تماما لاسمه

يعنى دايما اسمعه يا دكتور عصام
ما حدش يستغربنى ويقول عليا معقدة
بس دى فعلا حاجة استغربتها قوى

عادى يعنى


ربنا يارب ما يوريكو اللى انا شوفتوا وما نجيلكوش فى حاجة وحشة


نصيحة للناس المطرقعة اللى بتسوق بسرعة مش طبيعية بجد ربنا يكرموكو بلاش تهور
محدش كبير على الحوادث بتحصل فجأة وساعتها مش حاتقدر تمنعها وممكن تاذدى حد بتحبة

على فكرة ابويا بيسوق براحة جدا جدا جدا وسبحان الله ده ما منعش القدر انه يحدث

غير معرف يقول...

الحمد لله علي سلامتكم بس لو تسمحيلي من باب المزاح هي نوعها ايه

شذى يقول...

شاهين

واحد يقول...

الللهم اخلف علي اختنا ووالدها واسرتها خيرا كثييييييييييييييرا

هيثم أبوخليل يقول...

الأخت شذي ..... أول مره أدخل مدونتك ... فوجدت أن القوارير لم تنفجر في وشي ولا حاجه .... أنت بتضحكي علينا ... !!!