الاثنين، يناير ٢٨، ٢٠٠٨

نصائح مفيدة



نصائح لكل عروسة


ولكل زوجة

عايزة لبيتها الكأبة قصدى النكد قصدى السعادة






اسرع وسيلة لتدمير اقصد لتنمية الحوار بين الطرفين:



1-تظاهرى بمعرفتك بما سيقوله او يفكر فيه قبل التلفظ به




2-تحدثى عن اخبار الجو والمطر(نصيحة متجربة)





3-عاتبى زوجك على كل مشكلة مهما صغرت



4-تجنبى التحدث عن المشاعر الايجابية تجاه زوجك



5-عند الخلاف لاتنسى استحضار خلافات سابقة لم تحل




6-عند رؤية الخطأ لاتترددى فى اصلاحه عند وقوعه




7-لا تناقشى زوجك الا عندما تكون روحك المعنوية منخفضة




8-صححى لزوجك كلماته الخاطئة أول بأول




9-لا تناقشى زوجك الا امام اهلك او اهله





10-صارحى زوجك بكل عيوبه مرة واحدة








11-استمرى فى نقاشك حتى وان رأيت الغضب على وجه زوجك





وان شاء الله اللى هاطبق النصايح دى ان شاء الله هاتبأ لها بمستقبل باهر فى بيت والديها



بس اوعوا حد يدعى عليا

10 مصابين قصدى معلقين:

___أحمد___ يقول...

ههههههههههههههه

بوست مرح وحلو

أفادكم الله

ربنا يسعدك فى جوازتك ويرزقك براجل كويس وطيب ماتحتاجيش تعملى معاه كل خطط السعادة دى

أُكتب بالرصاص يقول...

بدون نصائح ....

كل الزوجات لا يحتجن لهذه النصيحة لانهم يطبقونها بالفطرة


حتى لو درسوها قبل الزواج واخدوا فيها ليسانس.... عند الزواااج
كل دا بيجي على جنب
والفطرة بتظهر

انت على القوي يا رب



تسلم إيديكي

وضـّاح يقول...

ما شاء الله .. ونعم النصائح

طمنتيني على تفكير البنات .. لازم الواحد يعرف الطرف الآخر بيفكر إزاي

وضـّاح يقول...

صحيح .. تسلم إيدك

نصائح طريفة
:)

سارة بندارى يقول...

ههههههههههههههههههههههههههه

الله يكون فى عونك يا باشمهندس محمد

لازم نلحق الراجل قبل ما يتدبس يوم الجمعة

ايه يا بنتى الحلاوة دى

الله يكون فى عونه

آآقصد يا بخته يعنى

okht-muslima يقول...

ههههههههههه

مش محتاجين وصية يا شذي والله

احنا دكاترة في الحاجات دي

ولو انها يعني برضه تنفع وقت الزنقة

وعملا بقوله

فذكر

ولا ايه؟

هههههههههه

سلمت يمناكي يا حبي

غير معرف يقول...

اسماء اشرف
مبرووووووووووووووك يادوك
وعقبالىىىىىىىىىىىىى بأه
أظن كده الباب اتفتحلى انا واختك

غير معرف يقول...

الـــــــــــــف مبرووووووووووك
طب سؤال ..ايه المشكلة لما نسأل عن الجو واخبار الطقس؟؟؟...بجد عايزة اعرف
ربنا يتمملك على خير:)

أسد الدين: عبدالرحمن الحسيني يقول...

والله أنا خايف عليه .. ربنا يستر ..
ربنا يسعدك

wala-benkhaf يقول...

نصائح متميزة جدا جدا لأي واحدة مش عايزة من الأساس إنها تتجوز

بس علي ما أظن إن حضرتك أولي بالنصائح دي بما إنك خلاص أكتب كتابك والحمد لله

ملحوظة : ننتظر البوست بتاع حضرتك بعد تطبيق نصائحك وربنا يستر