الاثنين، يونيو ٠٤، ٢٠٠٧

لخابيييييط

السلام عليكم



انا حقيقى مش عارفة اكتب اقول ايه؟؟

بس كل اللى عارفاه انى عايزة اكتب عن اى حاجة

عايزة اكتب عن فرحتى اما عرفت ان الاخ عبد المنعم رجع وبات فى بيته وسط اهلة

عايزة اكتب عن شعورى بالعجز وانا امسك تلال من الملازم وانا اقراء فيها كانى اول مرة اشوفها

عايزة اكتب عن امتنانى وشكرى لنعم الله الكثيرة على اللى كل شوية بينقذنى من دحديرة او من ورطة

عايزة اكتب عن امتنانى وغضبى فى نفس الوقت من امى وابى

اللى تعبو معايا كتيييير قوى

وتعبونى كتيييير

عايزة اكتب عن قلبى اللى بيتقطع اما بشوف ابويا وامى وهما شايفنى بعيط من عدم مذاكرتى ومش قادرين يعملولى حاجه

بييجوا ويطبطبوا عليا ويمسحولى دموعى ويقولولى قضيها زى ما تقضيها المهم صحتك

عايزة اكتب عن لاى مدى الكلام ده رقيق واى انسان طبيعى هايهدى اما يسمعه بس معايا انا بيشعلل قلبى وبيخلينى هاتجنن

عايزة اكتب انى نفسى اذاكر ونفسى احل كويس فى الامتحانات ولكن يابى عقلى الا ان يخوننى ويصر على عدم التركيز

ويكون ملاذى الاخير اما شاشة التليفزيون اضيع ساعة تلو الاخرى

عايزة كمان اكتب انى نفسى اكتب مقال بالانجليزى واحتمال كبير انه يكون المقال القادم



عايزة اكتب عن كومبيترى الاحمق الذى ابى ايضا انه يشتغل زى دماغى

يارب اكرمنا كلنا
واجعل المذاكرة خالصة لوجهك الجميل
وادعولى كتييييييييييير

18 مصابين قصدى معلقين:

ياسر سليم يقول...

ربنا يكرمك ويعديلك الايام دى على خير

وتكتبى اللى انتى عايزاه كله

خطــاب يقول...

جددى نوايا المزاكرة

حطى نوايا كتير

هيساعدك كتير ان شاء الله

وضـّاح يقول...

أعانك الله ووفقك

فترة وستمر رضيت أم أبيت .. فاستعيني بالله وأقدمي عليها وبإذن الله خير

سناالإسلام يقول...

آآآه يا شذى جيت على الجرح
ربنا ييسير لك أمرك يارب ولا تنسى الاستغفار وادعيلى معاك
أختك

محمد السيد يقول...

ياساتر يارب ...

إيه يابنتي ده كله ....
اكتبي اللي تكتبيه .. الدنيا مش مستاهلة كل ده اساسا ...
ده إنت كفاية عليكي ... تنزلي تتمشي شوية في ي حتة وحتنسي كل الكلام ده ...

ولا تليفون مع حد من حبايبك .... ولا ضحكة صغيرة من بنت ولا ولد صغير .. .بالدنيا وما فيها ....

أو حتي ..... ولا أقولك ..

في حالتك دي .. أحلي حل واسلم حل ....
اكتبي .. اكتبي كتيييييييير ... كتييير أوي ...

كل ماتكتبي اكثر حتحسي انك بقيتي أحسن أكثر ... وأكثر

وكل ماتقري تعليقات من ناس وتدخلي عند ناس اكثر ... حتحسي إنك بقيتي أحسن وأحسن ...

تحياتي ... وطمنينا ...
وحكاية الإنجليزي ... دي... راعي إننا علي قد حالنا برضه ...

ابوزياد الفاتح يقول...

شكلك مضايقه جدا جدا
عندك حق حال البلد اليويمن دول لا يسر عدو او حبيب
مالنا سوى الله
اللجوء اليه ان يخلصنا من الظالمين الجبابره
وادعوه واناجيه عز وجل
انا يرحمنى من الشعب المصرى
الشعب المصرى ده
مش عارف ايه ممكن يحركه اكتر من اللى بيحصل ده
انا خلاص اتمليت على اخرى منه
ربنا يكون فى عونك والله
ابقى زورى مدونتى
السلام عليكم

محمد النجار يقول...

اتفق تماما مع الأخت سمية
فى وجوب وضع معايير للنقد
وأضيف أيضا أنه ليس كل نقد قابل للنشر

محمد النجار يقول...

ادعو الله لك أن يرزقك
السكينة والطمأنينة

غير معرف يقول...

www.khirat-elshater.blogspoزورو مدونات ابناء المعتقلين وخاصة مدونة ابناء المهندس خيرت الشاطر

Arabian GiRl(caaaaat) يقول...

دعيتلك والله

وربنا يعينك

mohamedgado يقول...

استحملى شويه وتعالى على نفسك لاننا كلنا فينا اللى مكفينا وربنا يعينك

Dr cool يقول...

ربنا يكرمك يا أخت شذى و شدي حيلك كده ، دا انتي إخوانية يعني ، أجدع ناس و أجمد ناس

إن شاء الله ربنا هيكرمك و يوفقك

أما بالنسبة لموضوع التركيز ، هاقول لك على طريقة كويسة خصوصاُ أيام الامتحانات ،

لأن أيام الامتحانات هي الأيام اللي يا دوب المخ بيشتغل فيها ، هتلاقي نفسك بتفكري في أفكار كتيرة و حاجات عايزة تعمليها لما تأخدي الأجازة و مشاريع و مواضيع هتكتبيها و ... و ... و ...



لما تلاقي نفسك كده ، هاتي ورقة و قلم ، و اكتبي كل اللي بيدور في دماغك بشكل مختصر و بسيط و اوعدي نفسك إنك هتفكري في الحجات دي أول ما تيجي الأجازة ، و ساعتها هتلاقي نفسك قادرة تركزي كويس إن شاء الله

كمان ممكن تأخذي أي دواء يحتوي مادة الجنسينج ، دي مادة طبيعية بتساعد على التركيز و تعالج الإرهاق .
أعرف على سبيل المثال دواء إسمه ( جنسانا ) كويس و بيحتوي على المادة دي و ثمنه بسيط 10 ج بس و ممكن تلاقي حاجات أقوى منه بس ممكن تكون أغلى شوية مش كتير

يعني ممكن تاخدي أي دواء فيه المادة دي و يا حبذا لو فيه كمان عناصر معدنية و فيتامينات زي مثلاً دواء إسمه ( سوبرافيت ) ، و دي كلها حاجات مش مضرة على الإطلاق و طبيعية .

و ربنا يوفقك إن شاء الله



كنت عايز بس أدعو حضرتك لزيارة مدونتي الجديدة

http://baddan-fee-malta.blogspot.com

بادّن في مالطة

و جزاكم الله خيراً

اسماء العـــــــريان يقول...

ايه يا شوذى ... خير يا بنيتى ... اهدى كده ودعى ربنا كتير انه يزيد تركيزك واقعدى قولى لربنا انك تشكو اليه ضعف قوتك وقله حيلتك

بجد بجد قربى من ربنا وان شاء الله كل شىء هيتحل

The Manager يقول...

السلام عليكم

دى اول زيارة ليا وإن شاء الله مش الأخيرة

بالنسبة للمذاكرة للأسف مش هقدر اقدم نصيحة لأنى بعانى من نفس المشكلة

بس اهم حاجة فى التركيز الإستعانة بالله
والدعاء والصلاة على سيدنا رسول الله صلى الله عليه وسلم دى مفتاح كل حاجة صعبة وكل مشكلة

وربنا يعينك على كتابة كل ما تودين كتابته إن شاء الله

منة الله يقول...

شذى

ادعوك للمشاركة في استطلاع راي

عن اكثر عشرة مدونات تاثيرا في قرائها

عل مدونتك واحدة منهم

اليك الرابط

http://www.6ef.blogspot.com/

شذى مولوتوف يقول...

السلام عليكم
اسفة على عدم الرد
بس بجد بجد اسعدتمونى جدا جدا جدا
ربنا يبارك لكل من دعالى او او علقلى على هذا البوست اللى فعلا كان اخرة صبرى
يالا الحمد لله
هانت فاضل مادة نظرى و7 شفوى الحمد لله

elfagreya يقول...

شوووزى حبيبتى

والله يا بنتى مفتقداكى ومفتقدة تدويناتك

عاوزة اقولك اطمءنى بجد..

وولا يهمك

هتعدى على خير

بس حاولى تستفيدى من الوقت اللى فاضل أحسن شوية من اللى عدا

أصلى عارفة الشعور ده كويس
بقالى فترة فييييه
وياسلام لما تعدى تذاكرى ساعة
وتلاقى نصهم راح سرحان
فى مليون حاجة
حاجات نفسى اكتبها
وحاجات نفسى اعملها
وحاجات نفسى افكر فيها

وحاجاااااااات

ادعى لنفسك أوى وليه عشان ربنا يستجيب
ده شرط
:)

وعارفة لو نويتى اننا نتقابل لما تاخدى الاجازة
ربنا هيسهلك ان شاء الله
اكتبى اى حاجة وكل حاجة بتفكرى فيها
الحاجات دى مبتجيش تانى

يلا سلاااااااام عشان ماما بتنادينى عشان اقوم من على النت

واحنا بقالنا فترة عاملين هدنة من خناقات النت
فبلاش نخلصها

مُسلِمَة يقول...

السلام عليكم ورحمة الله وبركاته

الحمد لله رب العالمين بدأت عالم التدوين
واللهم افتح بها وبي لأمتنا

ومنتظرين حضراتكم

وياريت تاركونا وردنا الجماعي على……..

www.ana-moslema.blogspot.com