لسانى .....مولوتوفى

وتظل المدونة هى ملاذى الوحيد

2010-01-03T00:28:00.002+02:00

معلش يا محمد بعدك عنى هو اللى خلانى اعمل كده

بقالى كتير كتيــــــــــــــــــر قوى ما كتبتش حاجة على المدونة

انا بحاول اعرف من نفسى ليه بس هى مش راضية تقولى

بس انا عندى استنتاج

ان دافعى الوحيد و محركى الفريد هو الغضب والوحدة

اينما و وقتما وضعتوا شذى فى جو من العنصرين دول , شذى هاتبدع

حاجة غريبة مش كده

بس للاسف

هى دى الحقيقة

انا عايزة دكتور نفسانى علشان يحللنى ويحلل نفسيتى

ليه مايكونش دوافعى للنجاح والحركة حاجة غير الغضب والوحدة

ليه لو كنت فى جو حاسة فيه بالامان (زى ما كنت جنب زوجى حبيبى) ما بتقدمش قيد انملة

ليه؟؟

مع انه بيشجعنى على حاجات بحلم بيها طول عمرى , بس الظاهر انى نسيت احلامى

ونسيت امالى

ونسيت حتى ادعى انها تتحقق

مخنوقة قوى

بفكركوا بشذى القديمة مش كده

اه هى دى

قاعدة عند باباها ومامتها

مستنية زوجها يرجعلها بالسلامة ان شاء الله من السفر

وترجع تنسى نفسها ومدونتها

وتنسى احلامها

مع انها دايما فاكراها فى قلبها

بس الظاهر انها نسيت ازاى الحلم بيتحقق

على فكرة : ربنا رزقنى ب أنس كميلة قوى الحمد لله

امريكانى بالمناسبة , رزقت بيه هناك فى لويزيانا

ورجعت بيه مصر فى رمضان اللى فات

هو عنده خمس شهور ماشاء الله

ابن حلال الحمد لله

ادعولى كتير

اسلامية اسلامية

2009-04-27T23:47:00.003+02:00

وردتنا تبدو ذابلة
وارى فى عينيها الحزن
والبهجة عنها راحلة
لا لا لا يا نور العين

ذابلة كزهور بلادى
دامعة كعيون القدس
والاحزان تلف فؤادى
واقوام فى نفس اليأس

يا اختى ربى يحميكى
يا حلم الفجر المنتطر
هذا نبض العزة فيكى
يا جيلا يحترف النصر

لكن وجه القدس حزين

الام الميلاد القادم

وارى فجر القدس سجين

بعد الظلمة فجر باسم

وربيع بلادك قد ان
نفدى القدس بكل دمانا
وغدا نعلنها اعلانا
القدس الحرة عربية

القدس الحرة عربية

اسلامية اسلامية

القدس عروس عربية

القدس الحرة عربية

فهمي هويدي يكتب: لا فلسطين بعد اليوم!

2009-01-06T17:15:00.001+02:00

لا فلسطين بعد اليوم

لا أعرف الى أين توصلنا حملة الشحن والتعبئة في الاعلام المصري ضد الاشقاء الذين اختلفوا، لكن الذي اعرفه جيدا انها تؤدي الى تسميم علاقات واجواء ينبغي ان نحافظ على صفائها، وتسيء الى هيبة مصر وريادتها المفترضة، كما انها تخصم كثيرا من رصيد احترام الاعلام المصري.

ادري ان اعلامنا موجه على نطاق واسع، رغم هامش حرية التعبير المتاح لبعض منابره، كما انه يجيد الهجاء على نحو يشهد له بـ «الريادة» المتميزة فيه، لكني افهم ان ذلك كله يتم في اطار من احترام الضوابط المهنية والاخلاقية.

غير ان الذي حدث في الآونة الأخيرة ذهب الى ابعد مما يخطر على البال في تجاوز الحدود وعدم الالتزام بتلك الضوابط، واذا كان اسلافنا من أهل العلم قد قالوا ان الخلاف لا يفسد للود قضية، الا ان الخلاف في زماننا اصبح مسوغا لتكريس البغض وتعميق القطيعة والخصومة وتبرير استباحة الكرامات واطلاق الاكاذيب والافتراءات.

ان المرء لا يكاد يصدق تلك اللوثة التي أصابت الاعلام المصري في تعامله مع الملف الفلسطيني، خصوصا موضوع حركة حماس، التي يستهدفها الاجتياح الاسرائيلي الآن، باعتبارها على رأس مقاومة باسلة تشارك فيها فصائل أخرى، للدفاع عن شرف فلسطين ضد الذين يريدون تركيع شعبها تمهيدا لتصفية القضية او بيعها.

واذا كان متوقعا - من الناحية الاخلاقية على الاقل ولا اقول الاستراتيجية - ان يقف اعلام بلد في قيمة وحجم مصر، في صف المقاومين الفلسطينيين ايا كانت مسمياتهم او الرايات التي يرفعونها، فإن الذي حدث كان العكس تماما، اذ عمد اعلامنا ليس فقط الى طعن المقاومين بتحميلهم المسؤولية عن الاجتياح الاسرائيلي، وانما ذهب الى حد تعبئة المصريين ضدهم واشاعة البغض والكراهية لهم.

سأضرب مثلا بكيفية تعامل الاعلام المصري مع حادث مقتل ضابط الشرطة الرائد ياسر عيسوي في اشتباك وقع على الحدود بين مصر وقطاع غزة يوم 28-12، لكن قبل الدخول في التفاصيل أذكّر بأن اسرائيل قتلت في العامين الماضيين 18 مصريا على الحدود وفي مدينة العريش، بينهم رجال شرطة، صدرت تعليمات بحظر النشر في حالاتهم، وقد تم احتواء تلك الحوادث، التي حل القتل فيها على سبيل الخطأ، المترتب على اطلاق "نيران صديقة"!

ولعل كثيرين يذكرون ان رئيس الوزراء الاسرائيلي ايهود اولمرت قام بزيارة رسمية الى مصر في منتصف عام 2006 بعد يومين من قتل الاسرائيليين اثنين من رجال شرطة الحدود المصريين، واستقبل الرجل بالترحيب اللازم، وكأن شيئا لم يكن!

ما الذي حدث في اعقاب مقتل الرائد ياسر عيسوي؟ انني أولا اقدر صدمة أسرته واشاطرها حزنها، واتعاطف معها الى أبعد مدى، وأؤيد كل ما اتخذ من اجراءات لتكريم اسم الرجل باعتباره شهيدا للواجب، لكن ما يثير الانتباه ان الحادث وظف سياسيا واعلاميا لخدمة الاشتباك مع حماس وتأجيج المشاعر ضدها.. كيف؟

الخبر نشرته صحيفة "المصري اليوم" في 29/12 ضمن أحداث القطاع التي وقعت في اليوم السابق، وقالت في أحد عناوين الصفحة الأولى: مقتل ضابط مصري برصاص فلسطيني، ثم اوردت في الخبر النص التالي:

قُتل ضابط مصري خلال الاشتباكات مع المسلحين الفلسطينيين.. حيث اطلق الفلسطينيون النار في الهواء في محاولة لاقتحام الحدود.

وردت عليهم القوات المصرية بالمثل، فتحول اطلاق النار بعد ساعة على بدئه الى اشتباك بين الجانبين، قُتل خلاله الضابط و4 مسلحين فلسطينيين.

اذا اعدت قراءة النص جيدا ستلاحظ ما يلي:

1 ـ ان اسم الضابط لم يذكر

2 ـ انه قتل أثناء تبادل اطلاق النار بين الطرفين

3 ـ ان الذين اشتبكوا مع حرس الحدود المصريين كانوا من الفلسطينيين الراغبين في عبور الحدود، وليس فيه اي اشارة الى حماس.

4 ـ ان الاشتباك الذي قُتل فيه الضابط اسفر عن قتل اربعة فلسطينيين ايضا (الثابت ان واحدا فقط قُتل في حين جرح عشر).

كيف لعب الاعلام المصري بالخبر، وحوله الى قنبلة تلوث الادراك المصري، بحيث يجعل القارئ او المشاهد يندفع الى الشارع هاتفا "لا فلسطين بعد اليوم"، كما حدث أيام الرئيس السادات؟.

انا مسافر

2008-11-15T17:58:00.006+02:00

انا مسافر

مسافر فى اخر الدنيا

رحت امريكا انا وزوجي العزيز

يارب

2008-07-11T12:17:00.005+02:00

يارب

وشكيت اليك الحال من حمل خدنى ومال

وذنوب تهد جبال من قلب كان غايب

من قلب كان غايب

يارب

خدنى طريقى اليك ورميت حمولى عليك

بهرب من نفسى ليك والقلب ليك تايب

يارب

دقيت بشوق بابك وبكيت على اعتابك

مستنى لجوابك متردنيش خايب

يارب

نعصاك كتير ونعود لطريقك المدود

ولاعمره كان مسدود حتى باعمالنا

ومابين سجود وركوع واذان مرفوع

بتسيل فى عينى دموع طمعانة فى الجنة

(اسمعوها بقى من حمزة نمرة فى السيد بار )

صبرا ال ياسر .... دكتور عصام حشيش

2008-05-07T19:24:00.001+02:00

صبرًا آل ياسر.. فإن موعدكم الجنة
د. عصام حشيش

بقلم: د. عصام حشيش

حينما اشتدَّ العذاب بالمسلمين في مكة، وزادت وطأته عليهم؛ ذهب خباب بن الأرت رضي الله عنه إلى الرسول صلى الله عليه وعلى آله وصحبه وسلم، وكان مستندًا إلى جدار الكعبة، وقال له: يا رسول الله.. ألا تستنصر لنا، ألا تدعو لنا، وكأنه أراد أن يقول إن الأمر في مكة قد بدا فوق الاحتمال، وأن المسلمين يتعرَّضون لما لا يطيقون، رغم صبرهم وثباتهم، ولربما كانت الإجابة المتوقَّعة من الرسول صلى الله عليه وعلى آله وصحبه وسلم أن يدعوَ لهم فعلاً، أو أن يلاطف خبابًا ويواسيَه..

ولكن الرسول صلى الله عليه وعلى آله وصحبه وسلم سلك مسلكًا تربويًّا فريدًا؛ ليشدَّ من أزر المسلمين به ويهيئهم لمزيد من التضحيات في سبيل الله، ويفتح لهم أبواب الأمل في مستقبل أفضل ونصر قريب، فأخبر خباب بأنه قد كان يؤتى بالرجل من قبلهم، فيوضع في حفرة، ثم يشقُّ جسده، ما يصرفه ذلك عن دينه شيئًا، ثم أقسم أن الله سبحانه وتعالى سيتم هذا الأمر، وأن الإيمان سوف ينتشر، حتى إن الراكب يسير من صنعاء إلى حضرموت لا يخاف إلا الله والذئب على غنمه.

وكان حديث رسول الله صلى الله عليه وعلى آله وصحبه وسلم في هذه الرواية ينقسم إلى قسمين؛ القسم الأول وهو الأهم يتعلق بالثبات على طريق الدعوة، رغم المحن التي تلحق بالسائرين فيه، وما يترتب على هذا الثبات من ثواب جزيل ونعيم مقيم، والأمر الثاني وهو متعلق بما بشَّر به النبي صلى الله عليه وعلى آله وصحبه وسلم أصحابَه من نبأ النصر، وغلبة الإيمان، وتمكُّن الحق، وانحدار الباطل وانحساره، وقد صدرت هذه البشارة، للغرابة الشديدة، في ظروف كان المسلمون يلاقون فيها أشدَّ أنواع الابتلاء والاضطهاد؛ بحيث إن الحديث عن التمكين في هذا الوقت بالذات يبدو غريبًا، ولكنها بشارة صادرة من رسول الله صلى الله عليه وعلى آله وصحبه وسلم، الذي لا ينطق عن الهوى أبدًا، والذي يبلِّغ وحي الله ورسالة السماء، ولم تنقضِ فترة طويلة حتى تحقَّقت تلك البشارة، وارتفعت راية الإسلام خفَّاقةً في شبه الجزيرة العربية، وأصبح الإيمان مستقرًّا في قلوب أهلها.

ونحن إذ نتناول هذه المحنة التي مرَّت علينا، والظلم الذي حاق بنا؛ فإنه وإن كان كل ما تعرَّضنا له من صنوف البطش والاستبداد، وإن كان فراقنا لأهلنا وأحبابنا سيئًا وصعبً، وإن كان ما لحق بنا من خسائر مادية فادحًا.. إلا أن هذا كله لم يكن لسبب سوى أننا نقول ربنا الله، لم يكن السبب أننا نذرنا أنفسنا أن نقف أمام الفساد منادين بالإصلاح، ولم يكن لسبب سوى أننا ابتغينا مرضاة الله سبحانه وتعالى فيما نفعل، وإن تحقق ذلك بسخط من يسخط وغضب من يغضب؛ ولهذا فإننا قد احتسبنا ذلك كله عند الله، واحتسبه معنا أهلنا؛ يقينًا منا بأنَّ ما عند الله هو خير وأبقى..
هان كل هذا في سبيل الله سبحانه وتعالى..
هان كل هذا بقوة الإيمان التي أودعها الله سبحانه وتعالى فينا..
هان كل هذا بصدق اليقين الذي تغلغل في وجداننا..
هان كل هذا أمام ما نرجوه يوم القيامة من أجر وثواب..
هان كل هذا أمام ما ينتظر هؤلاء الظالمين من سوء الحساب وشدة العذاب، فهناك يوم القيامة..

هان كل هذا ونحن نتخيَّل بعضًا من مشاهد يوم القيامة وكأنها حقيقة ماثلة أمام أعيننا..تذكرت مشاهد يوم القيامة كأنها تتتابع أمامي لحظةً بلحظة، وتذكرت وصف الله سبحانه وتعالى لهذا اليوم بأنه ﴿شَيْءٌ عَظِيمٌ (1) يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُمْ بِسُكَارَى وَلَكِنَّ عَذَابَ اللَّهِ شَدِيدٌ (2)﴾ (الحج).

وتذكَّرت حديث النبي صلى الله عليه وعلى آله وصحبه وسلم عن السبعة الذين يظلهم الله في ظله يوم لا ظل إلا ظله، ورجوت أن نكون من هؤلاء السبعة، وتساءلت عن مواقف هؤلاء الظالمين في هذا اليوم وحده، كيف يكون حالهم؟ وكيف يكون حسابهم؟ وكيف يرون المظالم التي تعلَّقت بهم لنا ولغيرنا؛ من أعراض وحريات وأموال؟ كيف يلقون الله سبحانه وتعالى بهذه المظالم التي تنوءُ بها الجبال؟ وكيف يكون جزاؤهم في ذلك اليوم؟ ونظرت إلى تلك المحنة التي عشناها، والمعاناة التي كابدناها، وتخيَّلت كيف تكون في ميزان حسناتنا؛ بثباتنا وصبرنا واحتسابنا، ولعلها بفضل الله ولطفه سبب في نجاتنا يوم القيامة..

تذكرت حديث الرجل الذي أتته البشارة أثناء وفاته، ورأى ثوابًا لبعض أعماله، وقال يا ليته كان طويلاً، لطريق سلكه في خير، يا ليته كان جديدًا لثوب تصدَّق به، يا ليته كان كاملاً لنصف رغيف أعطاه سائلاً.

نسأل الله سبحانه وتعالى أن يتقبَّل أعمالنا، وأن يجعلها خالصةً لوجهه سبحانه، كما نسأله أن يلهمَنا الصبر والثبات، وأن يختم لنا بخاتمة الإيمان والثبات

رجل من الرجال

2008-04-13T19:52:00.003+02:00

المكان : قسم التركيبات المتحركة

الزمان: يوم 10 /4

الاحداث :

انا : اية الراجل ده شكله كده تبعهم

اية: طب ما تيالا تيجى نكلمه

انا : هانقوله اية يعنى؟؟ انت معانا ولا علينا؟؟

اية: هو فى حد بيشتغل لحضرتك؟؟

د.عصام : اييوة الدكتور احمد هايخدلى مقاس

انا : هو حضرتك من الناس بتوع المحاكمات العسكرية؟؟؟

بص لنفسه وقال : هو انا باين عليا قوى كده وضحك

انا : وحضرتك مين ؟؟

د.عصام: انا عصام عبد المحسن

ورخمت طبعا علشان ما افوتش الفرصة دى علشان حديث صحفى مع حد من الناس الجامدة دى

د.عصام : اسمى عصام عبد المحسن استاذ دكتور فى الكيمياء الحيوية , خريج طب القصر العينى لسنة 1980

عضو منتخب فى نقابة الاطباء القاهرة

مسؤول اللجنة العلمية والرحلات من سنة 92 لحد دلوقتى من ساعة اما وقفوا الانتخابات

بس كده

انا : ممكن اسأل اسئلة

اتفضلى

اية اكتر حاجة حضرتك نفسك توصلها للناس اللى بره ونفسك توصلهم

د.عصام: نفسى اقعد معاهم

اية : دكتور لاية الاخوان ما شاركوش فى اضراب 6 ابريل؟؟

د.عصام: بصوا بقى هو اى قرار بيتاخد فى الاخوان هو مش قرار فردى وبيكون ناتج عن مشورة واخد اراء الناس ودراسة للحدث , لكن الاحداث اللى بتبقى مش متنظمة كويس احنا ما بنشاركش فيها

يعنى ما حدش سالنا نعمل ولا ما نعملش , لازم الاحداث اللى زى دى تكون متنظمة اكتر من كده

ويرن موبايل الدكتور

اية: انا مش مقتنعة قوى

انا : انا فرحت اما الاخوان ما شاركوش , الدنيا كانت هاتولع ونحتاس بعد كده وهايتقال ان الاخوان هما اللى غرقونا

طيب فكرى معايا كده وتخيلى ان لو الاضراب ده كان نجخ وسقطت الحكومة وسقط اللى اكبر من الحكومة , تفتكرى مين ممكن يمسك البلد

اية: 70 مليون واحد مافيهومش كادر

انا : اه مفيهومش لانه ما اتعملش كوادر يا اية , بس ممكن باباكى

اية: قالتلى وليه لأ , او ممكن الدكتور او اى حد من الاخوان

انا: ياسلام ومين قالك ان بقية المعارضة هاتسيب الاخوان يمسكوا

اية: خلاص نعمل انتخابات

عدنا

انا: بص بقى يا دكتور احنا مش عايزين اجابات سياسية بتاعة الاخوان وعايزين اجابات صريحة وواضحة

د.عصام: بصى بقى المحليات او الاضرات المشاركة او عدم المشاركة كل القرارت دى بيبقى ليها مسؤولين ( او هكذا فهمت) بيدرسوا الحدث وبينزلوا للقواعد يشوفوا اراء الناس , ما يمكن الدعوة لماركة الاخوان المقصود انهم يشاركوا وبعد كده يستخدموه كحجة لاى قرار تعسفى ضد الاخوان

انا : متى كان التزام حضرتك وانضمامك لجماعة الاخوان

د.عصام: من زمان من ايام الكلية تقريبا من سنة اولى , ايام ما كنا كلنا جماعة اسلامية واحدة بدون اسماء معينة

وبعد كده اتقسمنا

اية: كل جماعة ليها قيادتها ومسؤلينها , وكل جماعة فيها الحلو والوحش والقيادات دول بشر وعندهم اهواء , ازاى بقى انتوا واثقين فى قيادتكوا قوى كده؟؟

د.عصام : الحاجة المميزة فى جماعة الاخوان انها جماة تربوية , والتربية واخده شق كبير جدا فى شغلنا

الشبل من وهو صغير يرتاد المساجد ويحفظ القران وياخد معاه الاخلاق وياخد معاه الاخلاص والعمل لله والثقة فى قيادته , المعانى دى بتتربى معاه من وهو صغير

لهذا الصفة المميزة عندنا هى الثقة العمياء

والحمد لله القرارات اللى الاخوان بتاخدها مش قرار رجل واحد , بياخدوا ارارء الناس وبيرجعوا للقواعد وبيسالو الاخوان اللى فى المحافظات

انا: مش قوى كده يعنى يا دكتور , يعنى انا من القازعد وما بيوصليش حاجة

د.عصام : (يضحك) لأ لأ , انا عارف المدونات بتاعتكوا انتوا المخربين , لكن الوضع غير كده

يعنى انا مثلا مش حاجة جامدة فى الاخوان وكانوا بيرجعولنا فى كل القرارات وكانوا بيشاوروا الحى بتاعنا وبيشاوروا الجامعة عندنا

يعنى احنا مثلا واحنا جايين المستشفى او رايحين فى اى حتة بنلاقىالناس بتوع الجماعات الاخرى كل واحد قاعد منغلق على نفسه وخايف من اللى جنبه , خايف يقول كلمة غلط , خايف يطلع تبع الامن ولا حاجة , بيبقزا شاكين فى بعضهم وماحدش بيثق فى التانى

احنا بقى فى ثقة عمياء بينا وفى روح اخوة جامدة جدا بيننا

انا : معنى الالتزام فى الدين عامة ومعنى الانضمام لجماعة الاخوان المسلمين خاصة عند حضرتك؟؟

د.عصام : الحمد لله الواحد من عيلة ملتزمة بالعبادات , بنصلى ونصوم , اما النقلة الجديدة اللى لمسناها فى جماعة الاخوان هى ان مفيش دولة اسلامية ممكن تقوم بدون خلافة , يعنى ما ينفعش نكون من غير راس , يعنى الواحد لو هايعمل حفلة هايرتبلها , اللى عايز يعمل عزومة بيحضرلها وبيوزع المهام على الناس انت هاتجيب كذا وانت هاتعمل كذا , فما بالك بدولة

وما بالك بان اعداءها متربصين بيها

انا : توقعات حضرتك فى الجلسة القادمة ( للاسف مالحقتش انزل البوست قبل الجلسة , وحسبنا الله ونعم الوكيل)

د.عصام: طبعا الناس دى كلها ناس محترمة والمفروض ان كهم يطلعوا براءة ويحاكم اللى بيحاكمهم لكن دى حسابات الدولة اللى عايزة تقصى الاخوان

هو الارجح انهم هايصدروا الاحكام النهائية , لان كل اسباب التاجيل خلصت خلاص

زى الانتخابات المحلية وزى مجلس الشورى

انا: طيب توقعات حضرتك فى الاحكام

د.عصام : هم دايما بيبقى فى نسب 70% هياخدوا براءة و15% هياخدوا 5 سنسن و 15% هياخدوا 3 سننين

(للاسف محدش كان متوقع ان الظلم هايوصل للدرجة دى)

واحنا الحمد لله راضيين بقضاء ربنا

انا: هو حضرتك اتسجنت كام مرة قبل كده؟؟

د.عصام: دى او مرة ومعانا مجموعة كبيرة دى اول مرة بالنسبلهم , ولم نكن نتوقع الاعتقالات دى

بعد ما وصلنا لمنصب مهم فى الجامعة

يعنى انا مدير مكتب تطوير التعليم فى مجلس الكلية , يعنى مسؤول عن تطوير العملية التعليمة والامتحانات, يعنى هما مستأمنينى على 1500 طلب فى كل دفعة وبعد كده يقولولى انت عايز تخرب البلد وبتخالف الدستور

اية: طيب اية اكتر حاجة حضرتك استفدتها فى الحبسة دى

د.عصام: مهى دى المرة الوحيدة

انا: يعنى دكتور عصام قبل وبعد الحبسة

د.عصام: قبل الحبسة كنت مرح جدا

بصوا بقى " ليست النائحة كالمستنكرة"

اصبحنا احنا النائحة

يعنى احنا قبل كده كنا نسمع عن السجون والمعتقلين والتعذيب اللى فى السجون

وكنت انا اكتر واحد له علاقة بالمعتقلين

لانى كنت مسؤول عن زيارة الاطباء المعتقلين (او هكذا فهمت) ياما رحت لاخوان لينا فى ليمان طرة اللى احنا فيه ده وكنا دايما بنروح نشوفهم وهما محبوسين وبيتحاكموا وكنا بنشفق عليهم ونشوف بعض الالاماللى بيحسوا بيها ونروحلهم قدام النيابة او فى المحكمة

لكن المرة دى مختلفة

المرة دى تبادلنا المقاعد وبقينا احنا اللى جوة

الحمد لله عنيت معاناة شديدة

انا: فى الاول بس ولا لغاية دلوقتى يا دكتور المعاناة

د.عصام:والله المعاناة لسه قائمة , دلوقتى لما تتخطب بنتى ومبقاش موجود ودى اول بنت لينا واو فرحة لينا

لما ولادى ينجحوا وما يلاقونيش جنبهم

لما زوجتى تمرض وانا مبقاش معاها

لما احرم من السفر ومن الخروج ومن المؤتمرات واحنا كنا شامة فى جبين مصر , كنا بنروح ندرس فى اى بلد وكنا بنشرف البلد كلها

لما نسافر عمرة , يعنى كنا نشاط وحركة وبنتميز فى كل حاجة بنعملها

اية: هو حضرتك محبوس من امتى؟؟

د.عصام: من سنة و4 شهور

يوم 14-12-2006

يعنى بعد عيد ميلادى على طول كان 7 -12

وانا كنت بحضر للسفر يوم 15 واعتقلت يوم 14

وحتى كل الاحراز اللى واخدينها كتب فى المكتبات ومش بتاعتى كمان

واحد اسمه من اعلام النساء وكلها كتيبات خاصة بزوجتى , فقالى متقولش كده بقى عشان مانجيبش زوجتك نسالها , قلتله تجيبها فين؟؟؟؟

لا ياسيدى الحاجات دى بتاعتى

يعنى الموضوع كله ملفق

اية: قربت الانفراجة ؟؟؟ حاسس ان مصر قربت للانفراجة؟؟؟

د.عصام: والله احنا طباع البلد عندنا غير طباع البلاد اللى حوالينا, يعنى واضح ان النيل ووادى الدلتا بانساطه اثر على الناس وخلاهم منبسطين زيه

عشان تقوميهم هتلاقى صعوبة شديدة جدا

بس دلوقتى اما نسمع عن اضراب وعصيان مدنى فده حاجة خطيرة جدا

يعنى احنا كنا فين وبقينا فين

بس

اسفة جدا لانى اخرت كتابة الموضوع

ارجو ان الدكتور ابن الدكتور عصام يوصله بالغ اسفى

ويتكرم ويطبعهوله وانا هانتظر رد الدكتور لو الدكتور عصام فاضى

حسبنا الله ونعم الوكيل

اضراب 6 ابريل ....نجاح رغم الفشل

2008-04-07T20:01:00.002+02:00

السلام عليكم

زى ما كلكوا قبلى عارفين ان من فترة انتشر دعاوى كتيرة لعمل اضراب عام يوم 6 ابريل

بعدة اشكال

اما المكوث فى المنازل وعدم شراء قشاية

او النزول فى مظاهرات واضرابات فى الميادين

او اما النزول باللون الاسود او رفع شعار انا مضرب او عايز حقى

وبعد ما سألت والتطقست من صديقتى الصحفية ايمان عبد المنعم

قالتلى مرشدكوا قال ان الاخوان مش هايشتركوا فى الاضراب

وكان ليا واحدة صاحبتى اية القبانى اللى كانت عايزة تعمل فدائية وتنزل وتروح اماكن التظاهر قلتلها انا معرفكيش يا حاجة

الامن فى الحاجات دى بيبقى اعمى ومايعرفش ابوه

وكمان الاخوان مش هايشاركوا يبقى الموضوع هيبقى مية مية ضرب او اعتقال

واعتقد انها مكنتش مصدقانى

المهم

وانا راجعة اول امبارح فى تاكسى لقيت الراجل اللى فى الراديو بيقول زى اعلان كده او تحذير من وزارة الداخلية

قلت يانهار اسود للدرجة دى

وطبعا بيتكلم فيها عن الفئة الضالة المضلة العابثة اللى عايزة توهم المصريين ان حياتهم كرب وبؤس ومتطاقش

وبتدعوهم لعمل اضرابات لاسباب " مشبوهة" والله قال كده

يا ترى اية الاسباب المشبوهة دى يا اخوانا؟؟؟؟!!!!

المهم

فضلت انى اقعد فى البيت معززة مكرمة متجاهلة كل التهديدات اللى اتقالتلنا بعمل تحقيقات للى مش هاييجى اليوم ده

دماغجكو

فى نهاية اليوم الموعود ده

سمعت كتير فى التلفزيون عن فشل , تحجيم الاضراب ده وانه باظ بسبب التشديدات الامنية او حتى بسبب عدم مبالاة الناس

وانا بضم صوتى لصوت عبد المنعم اللى كتبه فى التدوينة دى اللى قال فيها ان الاضراب ده بعيدا عن كل القوى الشعبية والسياسية هو عمل قام به الشعب والشعب وبس

انا مبسوطة جدا

علشان كذا حاجة

منهم

1- ان ابسط الناس واللى مكنتش متخيلة ان خبر زى دة ممكن الناس دى تكون عارفاة ومشجعاة

زى العيانين فى الكلية وزى الدادات اللى فى الكلية وزى سواقين المكروباصات وزى ناس بسيطة جدا تانية

2- ان الاخوان ما شاركوش فى الاضراب ده , مع انى بعتب على المرشد فى عدم المشاركة

بس كده بان قوى الناس البسيطة اللى خرجت تدافع وتقول كفاية مش عارفين نعيش

ويمكن لو كانوا الاخوان شاركوا كانت الدنيا ولعت ومحدش عرف يطفيها فالحمد لله ربنا ستر

3- حتى لو فى كتير بيقللوا من قيمة نجاح الاضراب ده او مدى فاعليته فانا مبسوطة جدا من تفاعل الناس حتى بكلامهم حتى لو مقدروش يعملوا حاجة فى اليوم ده

كفاية انهم عرفوا ان فى حاجة ممكن تتعمل لما الدنيا تزنق عليهم وانهم عندهم خيارات من اجل الاعتراض

4- ان الداخلية ببياناتها اللى اعلنتها فى الراديو الاجراءات اللى اتخذتها فى الموسسات الحكومية من تهديدات بالتحويل للتحقيقات وما الى ذلك

اسهم كتييييييييييير فى نشر روح الظلم عند الناس

و ساهم كتير فى الاعلان عن الاضراب لكل من لم يصله

فجزاكم الله خيرا يا حبيبنا يا حبيب العادلى

بس انا كده خلصت وخرجت كل اللى عايزة اقوله

فى رسايل كده فى الاخر عايزة ابعتها للناس واتمنى انها تصلهم

عبد المنعم شفا الله والدك شفاءا لا يغادر سقما

اية

يامجنينانى يا اجمد اخوانية من غير ما تكونى من الاخوان

يارب يستعملك ولا يستبدلك ويعينك على ما استخدمه و يرزقك الاخلاص والرضا

محمد

يارب ترجعلى بالسلامة وتلاقينى احسن فى كل النواحى زى ما انت قلتلى ويجمعنا دايما فى الخير

اتمنى انكوا تدخلوا على مدونة انسى ويالا نفضحهم علشان تشوفوا فضيحة مصر فى يوم الاضراب

we were soldiers

2008-04-04T14:42:00.003+02:00

فيلم بطولة ميل جيبسون

شوفته امبارح

دايما الافلام اللى بتحكى عن ملحمة بشرية زى الفيلم ده بتأثر فيا قوى

وبقوم من ادامها وانا عندى شحنة مشاعر غريبة باخد كذا يوم علشان اهضمها

الفيلم بيحكى عن موقعة من مواقع حرب الامريكان والفيتناميين سنة 1965

بيحكى عن القائد هال , قائد فرقة الخيالة الجوية السابعة

الفيلم فى الاول عرض حياة الحنود الشخصية قبل ما يدخلوا فى الحرب

وان ازاى كل جندى من الجنود سايب مراته وعياله ورايح يحارب علشان بلده

فى رسايل كتير وصلتنى من الفيلم

منهم

ان بنت القائد هال الصغيرة بتسال باباها يعنى اية حرب

الراجل اتلخبط ومعرفش يرد عليها وقالها هى حاجة وحشة ومابنحبش نعملها لكن مضطرين نعملها

لما شعب من الشعوب يحاول يقتل شعب تانى , لازم الشعب التانى يدافع عن نفسه بالحرب

انا الصراحة معرفش حيثيات الحرب الامريكية الفيتنامية دى

لكن اللى اعرفه ان الامريكان هما اللى راحوا فيتنام علشان يحاربوهم

اللى اعرفه انهم اعدوا عدتهم وراحولهم فى ارضهم علشان يقتلوهم يبقى مين المعتدى ومين المعتدى عليه

المهم

فى مشهد بردو فى الكنيسة والقائد هال بيصلى وبيدعى انهم ينتصروا ويرجعوا سالمين لبلادهم واهلهم

وكان بيقول ان اكيد العدو بيدعى بردو بنفس الدعوة فيارب ما تتقبلش منه دعوته الوثنية ( كانت مكتوبة كده فى الترجمة)

وبعد ما الحرب بدأت كانوا بيجيبوا لقطات متفرقة عن الامريكان واعدائهم

وان كل واحد منهم كان بيعمل اللى عليه واكتر

اكتر حاجة عجبتنى انه ماكنش بيسفههم زى ما افلام كتيرة كانت بسفه من الاخر

الصراحة انا كنت متعاطفة مع الفيتناميين اكتر اللى مات منهم اكتر من 1500 جندى

وبطبيعة الحال تعاطفت مع الجنود الامريكيين ابطال الفيلم

وطبعا كانوا جايبين لقطات مقرفة عن الموتى والجرحى تخليك تكره نفسك

وفى لقطة كانت عن ان الطيران الامريكى فى غارة من غاراته قصف موقع امريكى وان النار مسكت فى واحد امريكى وزميله قعد يهديه وجه يشيله من رجله اللحم اتشال من على العظم

وجابوا لقطات تانية عن ان الجنود دول ابطال وعندهم شجاعة وايثار وحاجات كده

معرفش الحاجات دى ممكن تحصل عند ناس ربنا قال عنهم ولتجدنهم احرص الناس على حياة

بس فى نفس الوقت بقول ان فى منهم ناس عندها اخلاق فعلا

مش بقولكوا مشاعر متضادة

حاسة انى قربت اتجنن

فى لقطة بردو عجبتنى

ان صحفى كان فى ارض المعركة كان بيقول ان الناس اللى اتكتب عليهم يشوفوا الحرب هايفضلوا يشوفوها طول عمرهم

حتى ساعة اما يطفوا النور هايفضلوا يسمعوا اصوات الصراخ فى الظلمة

انا مش عارفة دى حقيقة ولا لا؟؟

بس هما يمكن محتاجين دافع اقوى للحرب علشان ضميرهم ما يأنبهمش

وفى لقطة تانية كان فى جندى من الفيتناميين كان هايقتل القائد هال بس القائد هال قتله فى اخر لحظة

وهما بيفتشوهم بعد المعركة لقوا مع الجندى ده مذكرة شخصية وفيها صورة لخطيبته

ففى نهاية الفيلم جابوا خطيبته دى وهى بتقرأ مذكرات خطيبها

حسيت من اللقطة دى ان فى امريكين كانوا رافضين اصلا الحرب

طيب السؤال اللى ممكن يتكرر عن الحرب الفيتنامية والحرب فى العراق

ادام فى ناس ضد الحرب وملهمش هدف ولا غاية من الحرب , يبقى بيحاربوا ليييييييييييه؟؟؟

مؤتمر وعيد ميلاد

2008-03-30T10:32:00.002+02:00

فعاليتين اتنتين حضرتهم من يوم الجمعة لغاية النهاردة

كل واحدة فيهم كان ليها اثر فى حياتى اللى بقت اشبه بروتين الحكومة

اولا المؤتمر اللى كنت على موعد مع صديقتى اننا نروحه بعد الصلاة
وقد كان

يالهوااااااااااااااااااى اية الزحمة دى
والندوات غريبة
اول ما حضرت حضرت ندوة الاخوات هما اللى منظمنها
ندوة عن التاثير الغربى على الشباب العربى
والصراحة كان فى من الضيف من قال كلام موزون ويستاهل نسمعله
وفى منهم من قال اسمحولى فى اللفظ تهجيص
بس كان بيتكلم بردو ومحدش يقدر يمنعه

كنت قاعدة جنب اخت والظاهر انها من المسؤلين عن هذه الندوة
بقولها ليه كده؟؟
ليه اية؟؟
ليه الاخوات مش هما اللى بيتكلموا ويعبروا عن رأيهم للناس
قالتلى علشان دى ندوة والمفروض اننا بنجيب ضيوف لهم نفس اراءنا لتبرزها

واكتشفت ان فى فعالية اخرى اسمها المنتدى اللى فيها ممكن الطالبات او الطلاب انفسهم هما اللى يتكلموا
والصراحة انى كنت حبة كده قوى
احنا جايين نسمع الناس اراءنا بنفسنا
الناس عايزة تسمعنا احنا وتعرف الاخوات دول بيفكروا ازاى

والحقيقة بجد ان الدكتورة نهى سلامة قامت بمشاركة فى الاخر وقالت كلام موزون جدا عمرلى الطاسة حقيقى
الست دى انا بحبها بجد

المهم
خرجنا
وروحنا لقاعة يقام فيها ندوة عن البلطجة فى الجامعات المصرية
والله الطلاب بيحكوا حاجات عجب العجاب
ودبسونى فى واحدة قعدت قال اية اترجملها
بعد ما خلصت كنت حاسة اننا حمارة كبيرة
فين ايام زمان
والله ده انا كنت ببدع
يالا
هابقى اخد دورات تحدث
مع انى جامدة والله
بس الظاهر انى كنت مرتبكة ومحتاجة احفظ كام مصطلح كده

بس

وبعد كده
صحبتى كانت عزمانى على حفلة عيد ميلاد بداية للى يعرفها
واللى ما يعرفهاش
هى فريق تنمية بشرية
معظم انشطته وندواته تتركز فى المعادى
المهم
رحت انا ومحمد
وانبسطنا جدا جدا جدا
ولو ربنا قدر ممكن ابقى انزلكوا فيدوهات لبعض الفقرات
يالا سلام

كراكيبى .... شكرا

2008-03-22T12:02:00.003+02:00

قعدت فى اوضتى , بحاول اوضبها

طلعت كل ادراج مكتبى اللى امى بتتحايل عليا من اسابيع علشان اروقها وارمي الكراكيب اللى فيها

اديت النهاردة اجازة لنفسى من الشغل قلت اقعد بقى فى البيت وانتخ شوية

وحشتنى الانتخة

طلعت الادراج

وطلعت الكراكيب

وطلعت معاها ذكرياتها

بكل عواطفها واحاسيسى ساعة وقوعها

كمية ورق رهيبة

استغربت من احتفاظى بكل الكراكيب دى

لكن بعد شوية عرفت ليه انا ما برميش الحاجات دى

كل حاجة من الحاجات دى بتمثل فترة من حياتى

كأن كل لحظة متسجلة عندى بحاجة

شئ

او حتى قصاصة ورق

وزى ما طول عمرى ما بعرفش انجز فى التوضيب

قعدت افتح ورقة ورقة

واقرا حتى الرسائل الصغيرة اللى الناس كانوا بيكتبهالى

وكان مع كل ورقة بتتفتح

كان ذكرى من الذكريات بتتفتح

وكانت دموع بتنزل منى

وساعات عياط بصوت

افتكرت كل حاجة

كل حاجة كان ليها علاقة بشئ فى ايدى

افتكرت

المؤتمرين اللى حضرتهم فى نقابة الاطباء وافتكرت معاهم احساس بالانتماء قوى قوى للاسلام واحساسى بعزتى لانى مسلمة

وافتكرت قد اية كنت فرحانة وفخورةبانى بنت من بنات الاخوان المسلمين وحسيت قد اية انا كان ليا لازمة فى الحياة

افتكرت

دورة التثقيف السياسى اللى خدتها فى سناتر المنيل

افتكرت قد اية كنت حاسة ان ليا فكر يحترم وانى اخيرا وجدت المجال اللى اقدر ابذل فيه

افتكرت الاعدادت اللى ادوهالنا علشان حضور المؤتمر وقد اية الناس كانت خايفة من طريقة اداء الطلاب فى المؤتمر

افتكرت

الدكتور جمال حشمت وكلامه الرائع وفكره الاروع

افتكرت

الدكتور محمد حبيب وخفة دمه

افتكرت

الدكتور عبد المنعم ابو الفتوح اللى علمنى اداب الاختلاف مع الاخر و طريقة الانفتاح على المجتمع

افتكرت

كل الاخوات اللى كانوا بيحضروا معايا الدورات دى

وافتكرت

الاوقات الحلوة اللى قضيتها معاهم

قلبت كمان فى الورق

لقيت الاوراد اللى كنت بعلم فيها

صحيح مكنتش بكملها لحد الاخر

بس حسيت انى كنت بعمل حاجة فى دنيتى

لقيت كمان جداول المذاكرة اللى كنت بعملها لنفسى

لقيت كل المذكرات اللى كنت بكتبها فى مليون نوتة

اكتب فى اول صفحتين وبعدين اجيب نوتة جديدة اكتب فيها

لقيت اهدافى واحلامى اللى كنت دايما بكتبها فى ورق

وبصيتلها باستغراب

صحيح انا دى

انا اللى كاتبة كل الكلام الجامد ده

وزى العادة

رفضت انى ارمى قشة من الكراكيب

وانى احتفظ بكل حاجة مكتوب فيها اى حاجة

علشان افضل فاكرة اى حاجة حلوة او حتى مرة حصلتلى

الانسان اية منا غير شوية ذكريات وتجارب بيتعلم منها

لو نسى ذكرياته وتجاربه يبقى ضاع

وضاعت منه فرصته انه يتعلم ويتقدم فى حياته

قررت حاجات

وصممت على حاجات

قررت انى اعمل مستقبلى بايدى وانى انا اللى اجرى وراء العمل والتكليف

وماستناش حد ييجى يقولى تعالى اعملى ادام انت فاضية

وصممت انى افضل شذى بتاعة زمان اللى طول عمرها اما كانت بتصمم على حاجة بتعملها

ودايما قلبها مليان امل فى بكرة

وتفاؤل

وقررت انى امشى نفسى بنفسى وانى انا اللى اخلق الظروف

لانى لو ظبطت نفسى على ظروف الناس مش هلاقى وقت اعمل حاجة لشذى

شكرا كراكيبى رجعتيلى احلى ذكريات عمرى

وحشتيييييينى

2008-02-24T21:33:00.003+02:00

ازييييييك عاملة اية؟؟
وحشتينى قوى
بجد
وحشنى الفضفضة معاكى
وحشنى الصدق معاكى
وحشنى ردود الناس عليكى
وحشنى تفاعلهم معاكى ومعايا
بجد
مش عارفة اقولك اية؟؟
ماتزعليش منى يا حبيبتى
كنتى دايما فى قلبى
كنت دايما بشأر عليكى وعلى اللى بيعلقوا على بوستاتك
مش عايزاكى تقوليلى زى ما كل الناس بتقولى اليومين دول "من لاقى احبابه نسى اصحابه"
لأ يا حبيبتى انتى انا وانا انتى
بس كان ناقصنى انى ادخل افضفض معاكى
مش عارفة اوصفلك قد اية كنت حاسة ان فى حاجة نقصانى وانا بعيدة عنك وعن اصحابك

مدونتى حبيبتى انتى دايما فى قلبى
وانتى دايما ليكى فضل عليا
ودايما هافتكرك وافتكر زوارك مهما بعدت
ومهما انشغلت

وعايزة اقول لزوارك
انى اسفة جدا
بجد اسفة انى بعدت
بس دى حاجة خارجة عن ارادتى
بس هو كان مزيج من فتور فى الكتابة وعدم تركيز
اوعدكوا انى هاكتب تانى من جديد
علشانى انا الاول قبل اى حد
جزا الله خيرا كل من هنأ بتعليق
بجد
بجد
اسعدتمونى

ادعولى بقى انى ربنا يمن عليا بقى واقعد فى حلقة تربوية لانى حالتى الايمانية كرب
وادعولى كمان ان ربنا يستعملنى ولا يستبدلنى
لانى مش عايزة اسيب الدعوة الى الله لانها هى اللى بتمدنى بالقوة اللى بتخلينى اقدر اعيش
وادعولى كمان انى افضل اعمل مع الاخوان
مع الناس اللى حبيتهم وامنت بيهم
زى ما هما حبونى

اللهم استعملنى ولا تستبدلنى
اللهم انى قصرت يوما فى الدعوة الى سبيلك
اللهم ارزقنى هذا الشرف وهذه المنة من جديد
اللهم امين

تحديث
بما انى لقيت فى ناس قلقانة على الباشمهندس وموضوع تطبيق النصائح وكده
انا عايزة اطمنكوا ان الامن مستتب
والجو زى الفل
وقل اعوذ برب الفلق
وياناس ياشر بطلوا قر
وخمسة وخميسة
وعين الحسود فيها عود ان شاء الله
وجزاكم الله خيرا
وممكن ابقى اديكوا نمرته تطمنوا عليه فى المستشفى
هههههههههههه

او اديه الباسورد يطمنكوا بنفسه

والله حصل

2008-02-02T10:45:00.000+02:00

وكان كتب كتابى امبارح

عقبال كل البنات والولاد ان شاء الله

نصائح مفيدة

2008-01-28T10:57:00.000+02:00

نصائح لكل عروسة

ولكل زوجة

عايزة لبيتها الكأبة قصدى النكد قصدى السعادة

اسرع وسيلة لتدمير اقصد لتنمية الحوار بين الطرفين:

1-تظاهرى بمعرفتك بما سيقوله او يفكر فيه قبل التلفظ به

2-تحدثى عن اخبار الجو والمطر(نصيحة متجربة)

3-عاتبى زوجك على كل مشكلة مهما صغرت

4-تجنبى التحدث عن المشاعر الايجابية تجاه زوجك

5-عند الخلاف لاتنسى استحضار خلافات سابقة لم تحل

6-عند رؤية الخطأ لاتترددى فى اصلاحه عند وقوعه

7-لا تناقشى زوجك الا عندما تكون روحك المعنوية منخفضة

8-صححى لزوجك كلماته الخاطئة أول بأول

9-لا تناقشى زوجك الا امام اهلك او اهله

10-صارحى زوجك بكل عيوبه مرة واحدة

11-استمرى فى نقاشك حتى وان رأيت الغضب على وجه زوجك

وان شاء الله اللى هاطبق النصايح دى ان شاء الله هاتبأ لها بمستقبل باهر فى بيت والديها

بس اوعوا حد يدعى عليا

رسالة

2008-01-20T19:08:00.000+02:00

جائتنى رسالتها,

تلك الفتاة الرقيقة,

من فلسطين

من غزة

خان يونس

تحمل كلمتين

"حسبنا الله ونعم الوكيل,

انتظرونا حتى نموت"

رجال صدقوا ما عاهدوا الله عليه فمنهم من قضى نحبه ومنهم من ينتظر وما بدلوا تبديلا

2008-01-17T09:12:00.000+02:00

مش عارفة اقول اية؟؟

دايما كده لازم نستنى حاجة قوية علشان تحرك حتى مشاعرنا

اترككم مع الصور

وقد اقتبستها من مدونة يادعوتى سيرى للدكتور زهران

حتى هذا الاسد لم يستطع ان يتمالك دموعة لرحيل شبل من اشباله

قبلة على جبينه لعله يوصيه بان يوصلها لمن سبقوا

البوم لصور الشهيد

حبة كابة

2008-01-13T23:05:00.001+02:00

مش عارفة تغمرنى هذة الايام مشاعر فرحة وبهجة بمستقبل اقل ما يوصف انه يشابة ما كنت احلم به طوال حياتى
فى نفس الوقت بلاقى الفرحة ناقصة حبتين
يمكن علشان الحلو ما يكملش
ولا علشان كان حلمى هو اللى فى حاجة غلط
ولا علشان انا اللى فى حاجة غلط والناس هى اللى كانت بتأمل فى حاجة غير اللى فيا

معرفش
دايما بحس ان فرحتى دايما ناقصة
معرفش ده من الشيطان ولا من نفسى
بس والله يارب لم اكن احلم ان احلامى تتحقق
بس اللى لاحظته انها تتحقق بطرق مكنتش متخيلاها , مع انها هى هى النتيجة
بلاقى طعمها مختلف

مش عارفة
انا مضايقة جدا
حاسة انى مش عاجبة حد
حاسة انى لازم اتغير علشان اعجب الناس
وليه مابقاش انا
انا عجبانى
وعجبنى تصرفاتها وافعالها
ليه مش مقبولة زى مانا
انا مستعدة اتغير علشان اعجب الناس
بس لازم احس باخلاصهم ليا وبخوفهم عليا

مش لمجرد اعمل اللى فى هواهم وخلاص

يارب
ارجوك
وادعوك
ان كان هذا التغير هو ما تحبه وترضاه
يسره لى
ولا تجعل فى قلبى حرجا مما تحبه وترضاه
اللهم اجعل ما انزلت فى كتابك وما علمته لرسولك يكون سهلا يسيرا على قلبى
لا هوى عبادك
اللى اعنى ان ارضيك وارضى رسولك
اللهم اعنى ان اكون كما تحب انت لا احدا من عبادك الا ان يامر بما امرت

يبقى انت اكيد ... اكيد ..... اكيد ..... اكيد ..... اكيييييييييييييييييييد فى مصر

2008-01-11T21:51:00.000+02:00

اخذت ابحث فى جنبات فكرى وفص التفكير بتاع نفوخى على حاجة اكتبها مالقيت

بس عندى رغبة شديدة فى كتابة اى حاجة

المهم

حبيت اضحكوا زى ما ضحكت وانا اتصفح عالم الفيس بوك

بعض الصور المضحكة واللى بتأكدلنا بجد اننا فى مصر

اليكم الصور

بيشمسوا الحاجات اللى بتمشى

ونعم التربية

صلى الله عليه وسلم

كانوا زنقينا دايما كده فى الكلية

حسبنا الله ونعم والوكيل

والله الشعب المصرى ده ابن نكتة
كلمة حق من افواه المساكين

تعليم قوى

ثبحان قصدى سبحان الله

نفسى اعرف مساحة الغرف فى العمارة الورقة دى كام سانتى

مش كانوا يطبعوها بطريقة براين علشان المكفوفين وهما بيتسندوا على الحيطة يقروها

حتى البنات .... مصر باظت ياولاد

الابداع فى الحرامكله ولا حته منه ........... حته منه ولا كله؟؟؟

والله تحفة معمارية ياريت تتدرس فى كليات الهندسة

حرام عليكو ياناس وبتقولوا مفيش ابداع امال ده اسمه ايه؟؟؟؟

جائنى التاج التالى

2008-01-06T12:37:00.000+02:00

جائنى هذا التاج من صحبتى و اونتيمى سناء بيه البنا

بسم الله

لو ما كنتش مصري بس عربي كانت هتبقي ايه نظرتك للمصريين و اللى بيحصل في مصر دلوقتي ؟ أو لو كنت أوروبي أو غير مسلم برد ايه نظرتك للعرب و المسلمين ؟

كنت هاقول على المصريين انهم بتوع فهلوة وشايفين نفسهم وانهم متعنتظين على الفاضى بالذات بالذات الناس بتوع الفن والافلام والكلام ده

بس بردوا كنت هافتكر الحديث القائل انهم افضل جند الارض

يعنى مجدع وشهامة وبجد اما بيبدعوا بيتميزوا بالذات فى العلم والتدين وكده

وكنت استغربت من سلبية كتير منهم وصبرهم على العيشة اللى هما فيها , كل حاجة عندهم بتغلى الا قيمة الانسان

اما بقى لو كنت اوروبيه ومش مسلمة ومعرفش حاجة عن الاسلام غير بسلوك المسلمين لقلت ان الاسلام دين بيدعوا الى التخلف والسلبية وعدم احترام الانسان

اما لو كنت اعرف الاسلام جيدا من مصادرة ورأيت سلوك العرب والمسلمين لقلت انهم اساءوا لدين عظيم بجهلهم وتخلفهم

وبعدين انا اعرف ان دولة مثلا فى حكم مستبد وان شعبها مش مصحصح لكن 22 دولة ساكتين على الاستبداد والبهدلة

عجيبة

تقريبا دى الحاجة الوحيدة اللى اتفقوا عليها

لو قالولك انت بقيت رئيس جمهورية هتعمل ايه ؟

ياااااااااااااه بس هو يسيبهولى بس

بصوا بقى

اول حاجة هاخرج كل سجناء الراى من السجون اللى هى مكان قاتالين القتلة مش اصحاب الفكر

تانى حاجة

هاحاسب كل صاحب منصب فى الدولة وهاعمل تقارير ذمة مالية من اكبر راس لاصغر راس واللى هاكتشف انه كان بيلعب بذيله هاقصهوله واسجنه :)

فاهمنى يالى فى بالى

ثالث حاجة

بعد ما اكون طلعت فلوس البلد من الكروش هاوزعها على الغلابة اللى مش لاقين ياكلوا

وهاعمل تكافل اجتماعى ما يخرش المية

وهافرض الزكاة على كل مسلم لغاية اما نبقى فى عصر عمر بن عبد العزيز

رابع حاجة

هاصلح التعليم

والمواصلات

والطرق

والصحة

والصناعة

والتصدير

والبترول والغاز

والزراعة

وكل المجالات اللى هاحس انه ممكن توقف البلد دى على رجلها

اه نسيت

وهاسحب السفير المصرى من اسرائيل وهاطرد السفير الامريكى :)

تقريبا كده خلصت

لسه حاجة

هاشرع قانون انى اقعد فى الكرسى لحد اخر نفس فى صدرى

وتوريث الكرسى لسابع ابن

هههههههههههههههههههه

لو كان ينفع ترجع طفل تانى و تخليك طفل علطول هترجع ؟ و ليه ؟

اه ارجع

علشان الاطفال ما بيتحاسبوش وبيدخلوا الجنة على طوووووووووووول

لو انت طبيب و عندك مريض ميؤوس من حالته .. ايهما تفضل .. انك تصارحه بالوضع و تقوله كل شىء بأمر الله فى الآخر و لا تغرس فيه الأمل لغاية لما يموت ؟

الصراحة ده سؤال صعب جدا

بس على حسب العيان لو لقيته مؤمن وبتاع ربنا وحاسه انه هايصبر ويحتسب هاقله براحة

بس لو حسيت ان لو قلتله انه ممكن انه مايصبرش و مايرضاش بقدر الله انا هاخبى عليه بس هاقول لاهله

لو سمح لك برؤية الرسول صلى الله عليه و سلم و انك تقوله كلمة واحدة بس أو جملة واحدة بس هتكون ايه ؟

مش عارفة ايه نظام الاسئلة الصعبة دى

هاقوله

اتمنى انى اكون جارتك فى الجنة

لو خطبت واحدة أو اتخطبتى لواحد و أثناء الخطبة اكتشفت أو اكتشفتى ان الطرف الآخر غير قادر على الانجاب هيكون تصرفك ايه ؟

لو تأكدت انه الانسان ده هو نصى التانى وهاعيش طول عمرى معاه سعيدة متفقين و فى تفاهم دائم بينا

هاوافق

انا غاوية يعنى عيال ودوشتهم

وبعدين ما انا ممكن انا وهو اننا نكفل طفل او طفلة فى بيتنا ويبقى ابننا ونكون ضربنا عصفورين بحجر واحد

اننا اشبعنا العاطفة اللى جوانا و اننا نفوز بمرافقة النبى فى الجنة

لو طلعت القمر حتكتب عليه ايه ؟

ربنا ما خلقت هذا باطلا سبحانك فقنا عذاب النار

انا صغيرة وضعيفة قوى يارب

لو كنا فى عصر ازدهار الاندلس كنت تتخيل نفسك ازاى ؟

سيدة مجتمع جامدة جدا زى السيدة خديجة فى عصرها

لو مررت التاج ده لحد و ما جاوبش عليه أعمل فيه ايه ؟

لا بجد عادى

لو حتسافر فى أى مكان فى الدنيا تعيش فيه هتروح فين ؟

اى حتة الانسان بيحترم فيها والتعليم فيها محترم والعلماء فوق الرؤوس وفيها حرية رأى وتعبير وحرية معتقد

لو مررت التاج تمرره لمين ؟؟

سارة البندارى

ومروة حلم الحرية

2007-12-26T19:24:00.000+02:00

ظلام حالك خيم على العيون

ظلام يطاردنى منذ سنوات ,انتصر فيهرب ويعود ليتسلل خلفى

ارتعد سيفى فى يدى

لم يعد سيفى ينصفنى

ظلام حالك

يهزمنى

يقتلنى

يطردنى

من دنيا النور

مطرود من كل الاحلام

ماعادت عيونى ترى شيئا

ابكى

انهار

اغمض عيناى

افكر

اتأملاشياءتتجمع امامى الوانا

اشكالا

لا ارى ظلما وعدوانا

بل ارى جراحا

ارى عمرا يحترق

ارى قلبايذوب شوقا

ارى حبا يموت

احاسيس تسرق حتى الاحاسيس تسرق

لم تعد العين ترى شيئا

امسك اقلاما

اوراقا

الوانا

ارسم وجها

ارسم فما كاذا

ارسم انفا تشم رحيق الخداع

ارسم راسا بلا عيون

واظل ارسم

فيندهش الناس؟؟

كيف يرسم وهو لايرى؟؟

وما الذى يرسمه؟؟

ايرسم شخصا بلا عيون؟؟

لم تعد الدنيا بها شيئا تراه العيون

فلقد رأيت الحقيقة بلا عيون

وجدت العمر يرحل امامى وينسانى وينسى وعده بالحب والبهجة

ينسى حنان احلامى

ينسى رنين اوتارى

مهزوم فى دنيا العشق

فى دنيا النور

مهزوم

مسروقة منى احلامى

اوراقى

عين قد نام عليها ظلام

خوف قد عاش فى روحى وانسانى انى ارى بلا عينان

حب قد مات بداخلى

لانى لم اره

منمن

(واحدة صحبتى كتبت الكلام الجميل ده وانا اقنعتها انه يستحق ان الناس تستمتع بيه)

مراجعاااات.............مراجعاااات...........مراجعاااات

2007-12-25T23:17:00.000+02:00

كنت عايزة اتكلم واعيد ابداء رأيي فى موضوعين كنت طرحتهم قبل كده

هما

بوست الزواج

وبوست هو اخ ولا مش؟؟

بوست الزواج

برغم الصيغة الساخرة اللى طرحت بيها الموضوع ولكنه كان يحمل فى طياته مخاوف واحساس فى اللاشعور (حلوة دى) بعدم الامان والخوف بما تحمله الايام من مسؤليات زواج وزوج وامومه واطفال وكده يعنى

والحمد لله بعد النقاش مع اشخاص عقلاء الدنيا نورت عندى وحسيت فعلا باهمية موضوع زى ده فى حياة اى بنت

وان اولويات الانثى بتختلف بشكل او باخر عن اولويات الذكر وده لايعنى علو شأن احدهما على الاخر وانما هى مسؤلية وعبئ كان الله فى عون من وكل اليه

واتضح لى ايضا ان الزواج لم يكن بأى حال من الاحوال معركة او ساحة للنزال بين الرجل والمراة وانما هو علاقة ود وتراحم وتغافر بين الطرفيين

اما بقى فيما يخص بوست هو اخ ولا مش

تبين لى الاتى

ان التعليقات جاءت لتبرهن على انه يوجد تباين فى الاراء واضح جدا

وانه لايوجد فى مثل هذه الامور صح مطلق او خطأ مطلق

وان كل حالة وكل مثال ضرب به لاثبات النظرية لا يمثل الا نفسه

ده لايمنع من اخذ خبرات الاخرين فى الاعتبار

بس انا قصدى ان كل شخص هو اللى يعرف ان الزواج ده هاينجح ولا لا؟؟

لان فى ثوابت واساسيات فى اى زواج اذا اهتزت او لم تؤد بشكل صحى وسليم فان اى زواج مهما كان تشابه الزوجين مهدد بالهدم

والاساسيات دى غنية عن التعريف

مش عارفة ليه اليومين دول

باسمعهم كتير

من ناس كتييير

فى اماكن مختلفة

خلاص يارب

اقتنعت

!!!!!!!!!

2007-12-19T15:44:00.000+02:00

اكتب

اه اكتب

ما اكتبش ليه

طبعا هاكتب وامال لسانى راح فين؟؟

يالا يا جماعة

البوست ده عن ......

؟؟؟؟!!!!!!!!!!!!

مش عارفة

عايزة اكتب عن اى حاجة وكل حاجة بتحصل جوايا

هل فعلا من حقى اكتب

من حقى؟؟

عنى؟؟

عن نفسى؟؟

منغير ما حد يلومنى انى بكتب عنى؟؟

انا عارفة ان ناااااااااااس هايقولوا وايه لزمته؟؟

وعارفة ان ناااااااااااااس هايقولوا وغيرك هايستفيد ايه من كلامك عن نفسك؟؟

ياترى اكتب وماخافش؟؟

اكتب منغير مهاجمة ومنغير ماحد يقعدلى على الواحدة؟؟

اكتب؟؟

................................

موضوع تانى

الكمبيوتر الله يهديه ويشفيه وريحنا منه

تعبان

وفاصل وما بنشوفش وش حتى الدوس مش الويندوز علشان ما تقولوش عليا طماعة ومفتريه

بافضل ارزع فيه يمكن ينطق

ولكنه ابى

حسبي الله ونعم الوكيل فيه

...............................

ان شاء الله هاتقرأوا قريبا على مدونتى مراجعات لبعض المواضيع والمواقف اللى طرحتها هنا فى المدونة وكان ظاهر من كلامى انى جامدة وغير قابلة للتغير بس انا حبيت ابينلكوا انى احسن من عمو حسنى

وهاغير

واعدل

واصلح

فى ارائى

واتعلم

لحد اما امووووووووووووت

.................................

كل سنة وانتوا طيبين ومتنهيين ومبسوطين وشبعانين

وجهة نظر ..... رائعة محمد صبحى

2007-11-26T22:17:00.000+02:00

استمتعت بمشاهدت الرائعة وجهة نظر للرائع محمد صبحى

كل مرة باتفرج على المسرحية دى بفهم بيوصلنى معنى جديد

مع انى ببقى بسمع الحوار مع الممثلين وباضحك عليه فى نفس الوقت

( شوفتوا حد بيغلس على نفسه كده)

هههههههههههههههه

انا

المهم عايزاكوا تحسوا وتستشعروا كل كلمة من

كلمات عرفة الشواف حينما عذبة السبعاوى بيه علشان ينطق ويقر ويعترف انه اعمى ولا بيستهبل؟؟

وعندما سألته ابلة نظيرة لتتاكد بنفسها سر بصيرة عرفة الشواف

انا عارفة انكوا كلكوا اتفرجتوا عليها بس كلماته دى استوقفتنى كثيرا حتى انى بكيت فى وسط الضحك

بعد الحقنة

دماغى حريقة فى دماغى

طفونااااااااااااااااى

طب قولى واوعدك انه هايكون سر بينى وبينك

انت بتشوف فعلا؟؟

ساعات

مش فاهمة؟؟

ساعات اشوف كل شئ بوضوح

العطش والجوع

الحر والسقعة

العدل والظلم

القسوة والرحمة

واشوف الشمس لما يلسعنى شعاعها

واعرف انها غابت لما غروبها يرمى الكأبة فى صدرى

وساعات عقلى يلهمنى اعرف اللى قدامى واللى ورايا واللى جانبى

اشوف صاحبى من عدو

الايكو تقولوا ده مفتح وشايف

احس بالزهو يملانى

لكن جوايا عارف حقيقتى

مطبش بايدايا واعد الخطاوى برجليا

واتجنن

باتجنن

لمااحس بيكو ا بتتحركوا حواليا منغير ما حاجة تحوشكوا واسمع سكاتكوا اعرف انكوا بتتكلموا بعنيكوا

باتجنن من ياقينكوا

واوقول ايشعرفنى انكوا ما بتكذبوش عليا

او تكون الحقيقة فاتتكوا

واقول يمكن لو فاتحت عنيا اشوف غير اللى انتوا شايفينه او متأكدين منه

اقول على سر وما تضحكيش منى

قول

انا باخاف من الظلمة

مع انى عايشها

ساعات بحس ان الظلمة دى حد عملها بالعند فيا

ببان حديد مصدية وتربسنها فى وشى

بير ملقوش قرار ورمونى فى قعره

بحس ان انتوا مقفلين الشبابيك ومنزلين الستاير ومطفيين النور عليا

ببقى عايز اصرخ افتحوا الشبابيك زيحوا الستاير ولعوا النور

ايدوا شمعة

كنت وانا صغير

يتهيألى انهم جابوا شمع سايح وطفوه فى عينيا

ايوة ختموا عليا بالشمع الاحمر

كنت بمنى نفسى انه اجراء مؤقت لحد ما تثبت برأتى

ويفكوا الشمع عنى وتتزال الغشاوة من عينيهم ومن عينيا

لكن كل مابكبر بحس بتقل الشمع اكتر

دماغى

مش طايقها

انت اللى خليتهم يشكوا فيك

لو تبطل تشغل دماغك

لأ

لأ

انا فقدت عنيا لكن مش هافقد دماغى

دماغى هى اللى بشوف بيها

دماغى هى اللى فضلالى

لتحميل المسرحية

وجهه نظر

رسائل خاصة الى حبيباتى

2007-11-22T14:08:00.000+02:00

اولا اشكر لكل من علق فى البوست السابق وخاصة اسماء العريان التى وضحت غموض التغطية لهذا اللقاء

وبالنسبة لسؤال امام الجيل عن هل هذا شعور فردى ام انه منتشر؟؟؟

لا اعرف هل اجابتى ستصدم كثير من الاخوان ام لا

ولكن الاجابة هى انه شعور منتشر انتشار واسع بين الاخوات صغيرات السن خاصة لما لهم من امل فى تغيير واقع الاخوات

ولا اعلم بشعور الاخوات الكبيرات وهل السكوت علامة الرضى ام انه علامة لشئ اخر

تحديث : تكلمن الاخوات بلسان اخت فقلن : رسالة الى فضيلة المرشد على مدونة امواج فى بحر التغيير

......................................................

هذا البوست خصصته لابعث منه برسائل خاصة لكل من احببتها يوما جاهدة ان اوفى كل ذى حق حقه

هابدأ بمحيط السكن

خالتو , انا مش عارفة انتى زعلانة منى ولا لأ بس من ساعة اما عزلتى ما بسمعش عنك اى اخبار وخايفة اتصل بيكى لاصدم بواقع زعلك منى

خالتو , انا عايزة اقولك انى لغاية دلوقتى مقعدتش فى تربوى من بعد الكلية وده محسسنى انى اخت مع ايقاف التنفيذ لان الموضوع متوقف على جلوسك مع المسؤلة الحالية علشان تستفسر عن مستوايا وشغل الروتين المعهود

مش عارفة انتى هاتوصلك الرسالة دى ولا لأ بس ارجو من الله ان لا يجعل فى قلبا شئ سيئا من ناحيتى

خالتو المسؤلة الحالية بتطلب منى انى اقعد فى حلقة عامة لانها ما بتحبش القفز وفى ذات الوقت تطلب منى ان اعمل دعوة فردية مع بنات المسجد

فكيف لى باخراج دون ادخال

كيف لى بعمل دون مؤن

ولقد نفدت مؤنتى

.........................................................

احباب كليتى

اية

كل مابقابلك بينعقد لسانى لوصف حبى ليكى واحترامى بشخصيتك وبنجاحك وبهمتك

ودايما باستنى اليوم اللى بقابلك فيه علشان استزيد من همتك

انا ساعات بحس اننا بنكمل بعض

وساعات بحس اننا تؤام

وان ارواحنا متألفة بشكل كبير جدا

دايما بحاول اسأل عليكى ودايما بسعى للقاء

ولكنى اعلم انك شبهى فى عيب فى شخصيتى وشخصيتك

اننا كائنات لا تليفونية على الاطلاق

واننا لا نستطيع ان نتواصل عبر الاثير

بس انا تغلبت على النقطة دى تجاهك لشده شوقى وحبى لكى

والله اعلم انك تحبيننى ايضا

فتيجى نلم المتعوس على خايب الرجى

ارجو انك تفكرى فى كلامى ده جيدا وانك تفهمى نقطة مهمة جدا ان الحب محتاج مجهود وتضحيات وعطاء بين الطرفين علشان يفضل عايش ومايمتش

وانا نفسى ان الحب اللى مابينا ما ينتهيش الى ان نلقى الله

اية اخر مرة كنا مع بعض باحت كل منا للاخرى بشعور الوحدة مع اننا احنا اللى عاملين كده فى نفسنا

.........................................

فاطمة

اعلم مدى انشغالك ومدى اعباء مسؤليتك

ووالله ادعوا لكى بان يقوى الله ظهرك ولا يخفف حملك

بحب فيكى يافطوم اصرارك وعقلك

وتفائلك الدائم اللى قلما رأيتك بدونه

حتى فى وسط الامتحانات والزنقة ابتسامتك الرقيقة لا تفارقك

ربنا يكرمك ويعزك يا فطوم ويرزقك بالزوج الصالح ويهدى عمو اللى عايز يلزقلك اول عريس يجيلك

.........................................

منى

احيانا كثيرة احس بعطفك وحنيتك كام ناضجة واحيانا كثيرة بردو بحس بطفولة مشردة

وعند غريب ببقى عايزة *&%^)&^)*^

ما علينا

اتقربنا من بعض فى اخر سنتين مع بعض

كنت دايما بتسالينى قبلهم اللى عايز يحبك ياشذى ويتقربلك يعمل ايه؟؟

وكنت مش لاقيه الجواب لان مفاتيح الحب عندى ببلاش

بس ماينفعش اى مفتاح

الحمد لله انك لقيتى المفتاح المناسب قبل ما نبعد عن بعض بعد الكلية

ارجو منك بردو انك تعملى نفس المجهود اللى كنتى بتعمليه علشان تلاقى مفتاح حبى

علشان انا بجدد الكالون كل 6 شهور

هههههههه

انا قصدى ان الواحد اما بيبعد عن صحابه ويروح فى مكان جديد عليه وناسه غرباء عنه

بيحس بوحشة وغربه

ويفتكر ايامه الحلوة بين احبابه واصحابه

اللى ماكنش الوقت بيسمح ساعتها الا بالقاء السلام بالكتير

بس بيبقى كفاية عليه يسلم على فلانة ويتكلم كلمتين مع فلانه

ويفضفض مع فلانة

ويتكلم ويتناقش ويتخانق مع فلانه وفلانه وفلانه

انما دلوقتى مابقدرش اناقش ابسط الامور اللى بتدور جوايا مع اى حد من اللى حواليا

انا بس مش عايزة اكتر من الكلام الورمانسى ده علشان ما اطمعش حد فيا

ويقول بقى مش عارفة تعيش منغيرى وكلام كده

انا عايزة اطمن اى حد انه عايشة ووبنام وبقوم وباكل

بس من غير روح

........................................

هبة

ماتفتكريش انك علشان جايا متأخر فى بوستى انك فى موقع متقهقر فى قلبى

ابدا والله

ده كان بعدى عليا اوقات مفيش حد يسمع شكوتى ولا مشاكلى مع اخواتى غيرك وكنتى غير اى حد كان يسمع شكواى

كنتى دايما تقوليلى معلش بكرة الدنيا تتظبط وده ماكنش بيمنعك انك تقوليلى لا المفروض ان ده كان يتعمل او ما يتعملش

شكرا ليكى ياهبة انك وقفتى جنبى واستحملتى مشاكلى

بجد بجد انا بعتبرك احد عقلاء وحكماء الكلية

ربنا يكرمك ويعزك

ما تتصوريش اد ايه انا كنت سعيدة قد اه اما جيتى وقلتيلى على مشكلتك

طبعا مش سعيدة فيكى بل كنت سعيدة انى كنت الوحيدة اللى افصحتيلى عما يشغلك ويؤرقك

شكرا جزيلا على الثقة اللى بتمنى انى اكون قدها

....................................

اسماء

مفتية الاخوان المسلمين زى ما كنت بقول عليكى

يارب ياسماء يرزقك من علمه وتبقى فعلا من الذين يحملون علم الفقة

ماشاء الله عليكى ولا ازكيك على الله

انا فرحانة جدا من الوقت القليل اللى قضيته معاكى انتى وطمطم فى المسجد اللى عنكو فى اواخر رمضان

انا مش قادرة اقولك الايام دى رضيتلى روحى ازاى

انا عارفة انك ملكيش فى النت

بس يارب يوصلك كلامى ده

بانى احبك فى الله

...............................

نرمين

نغتى

بلاش اكمل الباقى بقى

انتى عارفة انا بحبك قد ايه وبحب ضحكتك اد ايه

برغم اننا على طول بنهزر وتقريبا ما تكلمناش فى حاجة جد الا نادرا

بس عارفة انك عاقلة

بس نص نص

هههههههههههه

...............................

نورا

حبيبة قلبى

انا مش قادرة اوصفلك اد ايه سعادتنا انا وكل اخواتك فى فرحك

كنا طايرين بيك

والله كانت الفرحة مش سايعانا

انا مش عارفة بس ايه يانتى اللى حدفك الحدفة اللى بعيد قوى دى

مش عارفين نشوفك ولا نزورك

نفسى على طول اعرف اخبارك وكان نفسى اعرف انتى عاملة ايه فى الامتياز

بس للاسف بجد مش بقدر التزم فى السؤال على حد

لطبيعتى اللاتليفونية

ربنا يسعدك يارب ويرزقك الذرية الصالحة

..............................

مريم

جارتى فى اللوكر

انا عارفة انى طلعت عنيكى فى كركبة اللوكر

وكنت باخد ادواتك منغير ما اقولك

مانتى ساعات بردو كنتى بتعملى فيا حاجات

بلاش بقى افتح فى مواضيع

انا بجد بحبك جدا جدا

وانتى من الناس القلائل اللى بتعرف حبى ليها

منغير ما اقول

................................

امنية

ياااااااااااااااااااااااااه

لو تعرفى مدى اشتياقى ليكى

ولامنية الصغيرة

يابنتى ده انا حلمت بيكى انك جيتى مصر وكنا قعدين مع بعض زى زمان بنذاكر وبنهزر

ياريت الوقت يرجع تانى

يارب يامنية اطمن عليكى واطمن على بنتك

واطمن على البيبى الجديد

ويرزقك طمأنينة النفس والرضا بالقضاء والقدر

...............................

ديمة

فاكرة اول مرة اتعرفت عليكى فيها من اعدادى

واكتشفت انك فلسطينية

وقولتيلى على معنى اسمك بانه السحابه الممطرة

كنت طايرة بيكى من الفرح

وقعدت اغلس عليكى واقولك انتى بقى حمساوية ولا فتحاوية

وقعدتى تحكيلى على عيلتك وبيتك

والظروف اللى شوفتوها فى فلسطين

وقعدتى تشتكيلى من ان البنات اللى اتعرفتى عليهم فى مصر بيقولولك انتوا ليه قاعدين فى فلسطين ماتمشوا وتسيبوها

وقعدت اقولك اننا بنعتبركوا اهلنا وعيلتنا

واننا دايما بندعيلكو لانكوا جزء مننا

ومش هانسى عمرى اما وعدتينى بانك هاتيجى مخصوص مصر علشانى فى فرحى

ومكانتش مصدقاكى فى الاول

وقولتيلى لو ماجيتش علشانك اما هاجى علشان مين؟؟

.................................

كفاية كده النهاردة

اما يجيلى مزاج هابقى اكمل

كلاكيت تانى مرة : قابلنا دكتور مرسى

2007-11-11T20:57:00.000+02:00

قبل ان ابدأ

1- الحمد لله الحمد لله بجد الامتياز ده شغل حلو جدا جدا

وانا دلوقتى الحمد لله واثقة من نفسى وبدأنا نشتغل بادوات كنا بنتفرج عليها بس فى ايدين المعيدين

بس لسه لغاية دلوقتى الشغل معظمه خلع خلع بس ان شاء الله ربنا ييسرلنا ويرزقنا بحالات حشو وعلاج جذور

ومستشفى المنيرة طلعت مستشفى محترمة الحقيقة

وinfection control حلو جدا الحقيقة

والممرضات كويسين ومتعاونين

الحمد لله

انا كمان مبسوطة جدا انى فى السيدة لانى بحب المنطقة دى جدا جنب الرحمانى بتاع السوبيا

والحمد لله كمان فى دكتور جامد جدا هناك

ماشاء الله شاطر جدا ومعلومات جامدة جدا

الحاجة الوحيدة اللى منغزه عليا الفرحة دى هى الست بتاعة الامضاء والنزول بدرى

2-باعتذر للناس اللى كان نفسها تعرف اللقاء اللى فات مع الدكتور مرسى اتقال فيه وانا عملت لينك لمدونة الفجرية واعتقد انها غطت اللقاء تقريبا

بس عايزة اعرف الناس حاجة انى ماانفش للشغل الاعلامى ده خالص

انا الكلام بيدخل دماغى ويستوى فيها وبعد كده بيترجم لافعال

لكنى تقريبا اكتشفت انى معرفش اقول الكلام ده تانى بنفس الطريقة لكن بقوله بطريقتى مع اسقاطات طبعا بسبب الزهايمر المبكر اللى عندى

------------------------------------------------------------

نخش فى الموضوع

بما ان البنت البريئة اسماء العريان كتبت تقريبا نفس العنوان للبوست فانا حبيت اكمل ما بدأته

الزمان تقريبا 3 ونصف

المكان مالكوش دعوة بس هو مكان لايقل شياكة ولا فخامة من العمارة بتاعة نواب المجلس فى جسر السويس

على العموم الدكتور عزم عليا اما اشرت له على فخامة المكان اننا نبقى نروح على طول ونعمر المكان

ويارب ماتبقاش عزومة مراكبية لان المكان فعلا عجبنى

اسماء طبعا والتوهان طلعت نفس العمارة الغلط اللى انا وصحبتى طلعنا فيها وخبطنا كمان على شقة وسألنا على الدكتور

وانا طبعا استغليت تأخير البنات وسالت الدكتور عن انطباع حضرته وصدى اللقاء الفائت

وكانت الاجابة انها كانت جيدة واشتكيتله بان الاخوة بقولولنا انهم استمتعوا جدا بعد ما احنا مشينا

فالدكتور قالى دول بس بيغيظيكوا

داحنا مشينا بعدكو على طول

انا كنت 9 فى الشارع

طبعا انا هاصدق الدكتور ومش هاصدق حد تانى

وكنت لسه بساله عن النقد والمدونات وكده بس الانسة اسماء كانت بتستغيث عبر الاثير

المهم جت اسماء وبدأنا فى كلام عام

الدكتور بدأ الاول بمقدمة لا يقل وقتها عن اللقاء الاول

بس الحمد لله المرة دى كنت مركزة

تكلم على دور المسلمين الملتزمين فى توعية المجتمع و بالتالى دور الاخوان

وان الحياة فيها الهاء شديد وان المحاربة للدين شديدة سواء مقصودة او مش مقصودة

وان الفتنة اللى بتتعرض اليها المرأة اشد واشد

بس

بعد كده بدأنا فى طرح الاسئلة والمواضيع العامة اللى بتخص الاخوات

سواء من ناحية العمل العام والتربوى والعمل السياسى

ومن ناحية العمل بين الاخوة والاخوات

وقد طرحت اخت من الحاضرات مسألة ان ليه العمل الجامعى بيبقى منفصل مادام الهدف واحد

ولماذا فى بعض الاحيانالاخوة بيستخدموا الاخوات كأداة للحشد فقط

سواء فى المسيرات او فى المؤتمرات

وان وجود الاخوات ليس وجودا فعليا فى عملهم العام

وكعادتها اسماء العريان القت سؤال كالمولتوف "استلفته منى" وسألت الدكتور انا عايزة اعرف هم الاخوات بيمثلوا ايه عند الاخوان؟؟

وباختصار الدكتور الحقيقة اكد على اهمية دور الاخوات فى جماعو الاخوان المسلمين من ايام الامام حسن البنا

وانه فى ذلك الوقت اهمت بهن اهتماما شديدا

وانه مع الوقت الاخوة بيحاولوا يزودوا اهتمامهم بالاخوات

وفى اخر اللقاء الدكتور رأى ان اللقاء لم يكفينا فقالنا انا مستعد انى اقعد معاكو مرة واتنين وتلاتة وانا حقا اظنه صادقا

لان فى امور وضحت عنده وفى اشكاليات عندنا لقينالها اجابات شافية والحمد لله

بس انا عايزة اقول فى الاخر

انا مكنتش متوقعة من قبل اللقاء ان بعده الدنيا هاتتظبط والناس هاتبقى حلو وكده

بس انا قلت للدكتور لنعتبر هذا اللقاء كالضوء الاحمر

اللى بيحسسكوا وبينهكوا بأن فى حاجة مش مظبطة وعايزة تتظبط

وهو وعدنا باهتمام اكبر للاستماع

وانا عن نفسى مش هاسيب نفسى كده

وعرفت ان الوصول للقيادات لامر ضرورى

انا مش هاقول انه سهل جدا

ولكنى هاقول انه ضرورى

اللى عايز لقاء مع مسؤل من مسؤلينا سواء للشكوى او للتعلم من خبراته

انا شايفة انه يقاتل لحد ما يقابل هذا المسؤل لانه مهم جدا

ان يكون فى تواصل داخلى بينا

ليلة اول يوم امتياز

2007-11-01T05:02:00.000+02:00

يااااااااااااه نفس القلق

نفس الاحساس بتاع اول يوم دراسة

وانا اللى كنت فاكرة ان الاحساس ده علشان مابحبش المذاكرة

لقيت الاحساس ده بيتكرر معايا فى المواقف اللى بكون منتظرة فيها حاجة او فى ايام انا مش عارفة اروح فين واجى منين

نفس الارق الغبى اللى بكرهه

انى افضل كده فى السرير بين النوم واليقظة

الحالة دى بتجننى

وعينيا بتحرقنى :(

وانا اللى كنت فاكرة ان كل لما الانسان بيكبر

بيزيد معاه ثقته فى نفسه وعدم خوفه من امجهول

اكتشفت العكس

من وانا فى تقريبا اعدادى ابتدا الموضوع ده معايا

انى اروح اول يوم للمدرسة وعينيا نص مفتح ونص مغمض لانى تقريبا مانمتش

طول الليل بفكر هاعمل ايه فى المدرسة

واكون قبلها محضرة الجزمة الجديدة والقميص الجديد والشنطة الجديدة والتوكة الجديدة

اكتشفت ان الانسان بيخاف ويقلق من المجهول

اى مجهول

بيخاف حتى من بكرة

اللى يمكن فيه الخير ليه

المهم

انا والله فرحانة وكل حاجة ومستبشرة خيرا ان شاء الله

وناوية باذن الله اتعلم كويس قوى

بس هى دى الطبيعة البشرية

يالا مش مهم

دماغى مهنج

2007-10-28T15:20:00.000+02:00

عارف اما تستغبى شوية على الكومبو بتاعك " الكومبيوتر يعنى" وتفضل تفتح فى فايلات كتييييييييير , يقوم هو رادد على غبائك بتهنيج لطيف ظريف لا ينفع معاه ( الت واف فور) ولا يحوق معاه ( الت وكونترول وديليت

انا بقى دماغى عاملة زى الكومبو المهنج ده

احكيلكو الحكاية؟؟

بس قولها من البداية

........هى حكاية حرب وتار

قصدى الحكاية بدات باتصال من صديقتى العزيزة اسماء العريان

ايوة ياستى

انتى فاضية ؟؟

خير؟؟

المهم الموضوع اللى وصلنى ان الدكتور محمد مرسى عايز يقابل المدونين الاخوان

وبعدها جالى ميل من عبد الرحمن عياش بيقولى نفس الكلام

وكان عنوانه دعوة من الدكتور محمود مرسى للقاء المدونين

المهم الميل ده مكتوب عليه خاص

وفى اخره ان الناس اللى وصلهم الميل ده هما اللى مدعوين ليه

ماشى

المهم قابلنا ايمان عبد المنعم فى مترو البحوث

وذهبنا كده زمرة

يااااااااااااااااااااه

المشوار طويل بشكل

فوق ما تتخيلوا

خلى دماغنا تلف ولا عزاء للصائمين

ماشاء الله

ايه الجمال والحلاوة دى

حتة عمارة

رائعة

ماشاء الله لاقوة الا بالله

انا مابحسدش

انا ببحلق بس

والله الناس اللى هناك استقبلونا احلى استقبال

وحسيتهم كده فرحانين بينا قوى وعايزين يشيلونا من على الارض شيل

المهم

بعد الصلاة وكده

جلسنا مع الدكتور محمد احنا والمدونين الشباب

وبدا

الدكتور محمد بقدمة قال هو عنها بأنها طويلة شوية

وانا اراها طويلة جدا جدا

بس والله الراجل مشكور

ماشاء الله عليه

المهم طبعا اعطانا فرصة الحديث والمناقشة والاسئلة

والناس بدأت تسال

هو احنا جايين هنا ليه؟؟

وايه سبب الدعوة دى؟؟

وليه هو فى الوقت ده بالتحديد؟؟

وايه هيا اهمية المقدمة الطويلة اللى بتتكلم عن مشاكل المجتمع والصرف الصحى؟؟

واشمعنى الوقت ده بالتحديد مع ان فى دعوات كتير سابقة كانت بتطالب بعقد لقاءات مع المدونين ؟؟

والمدونين دول بعتبروا ايه عند قيادات الاخوان؟؟ يعنى بيقولوا عليهم ايه؟؟ يعنى فى رأيهم بيبيعوا ايه؟؟

طب انتوا سمعتوا حاجة وحشة عننا؟؟

طب انتو حاسين ان فى مشاكل من ناحيتنا؟؟

طب ايه اللى اتكتب عن اللقاء ده النهاردة فى الدستور بأن الدكتور محمد هايقعد مع المدونين المتمردين؟؟

وطبعا كلها اسأله بتنم عن ان المدعويين مش عارفين هما جايين ليه؟؟

وطبعا هما مش عارفين رأى القيادات اللى فوق عنهم ايه؟؟

وطبعا حاسين انهم عاملين لهم قلق

وجاءت الردود

بان الدكتور محمد مرسى تقريبا مش هو اللى منظم اللقاء ده

وان هو كمان مدعو للتكلم معنا على اساس ان احنا اللى عايزين نتكلم معاه

يعنى تخيلوا معايا

احنا متوقعين انه هايتقالنا كلام

والدكتور متوقع اننا اللى طالبين المقابلة

طب فين اللى نسق للقاء ده

خلع؟؟

ولا هو لقاء كان ليه هدف بارسال رسالة معينة للمدونين "المتمردين"؟؟

وطبعا اللقاء بحضور الدكتور محمد مرسى كافى بايضاح هذة الرسالة

بس للاسف كل المدونين الغلابة

اللى تقريبا مالهمش فى النقد او على خفيف هما اللى لبسوا لقاء زى ده

يعنى محدش من اعلام النقد الذاتى جه

طبعا وهما اغنياء عن التعريف

طبعا ايجابات الدكتور كانت مبينة انه ماسمعش ان فى مشاكل فى مجتمع المدونين الاخوان

بل على العكس هو فرحان جدا بالتجربة دى

وانه كان بيحاول يوجهنا بدلا من الكلام والاحلام نتجهه سريعا للافعال

بس انا حسيت انه تقريبا مش متابع للمدونات ولا يعرف هما بيتكلموا عن ايه ولا ايه المشاكل اللى كانت بينهم سواء فى اختلافهم فى وجهات النظر على النقد المعلن

بس طبعا لا انكر انى استفدت من هذا اللقاء

بس الساعات اللى استغرقها المشوار من اوله لاخره لم يزيدنى الا حيرة

وفايلات كتييييييييييييييييييييرة اتفتحت فى نافوخى

بس انا عندى امل ان اللقاء القادم ان شاء الله هايكون احسن

بس خير

تحديث

اسماء ايسر صاحبة مدونة الفجرية كتبت خواطرها عن هذا اللقاء

لمن اراد الاطلاع

خواطر الطريق رايح جاى

2007-10-16T15:55:00.000+02:00

هو اخ ولامش؟؟

that is the question.

اولا : احب اعيد على كل المدونين والمدونات الاخوان منهم والمش

ثانيا : اعتذر طبعا عن غيابى فى الفترة السابقة ده لان مفيش مواضيع جادة بتدور فى دماغى علشان اكتبها ولانى فى حالة توهان مؤقت لغاية ان شاء الله اما استلم الامتياز بتاعى فى مستشفى الميرة

ثالثا : انا الحمد لله جبت جيد جدا كتقدير عام للسة مايعرفش

بس

اخش فى الموضوع

هى1: انا مش عارفة ياختشى الرجالة دول اتعموا ولا اية؟؟ ازاي يسيبوا بنت زى القمر زيك ماتتجوزش لغاية دلوقتى( تتحدث باسلوب ام احمد بتاعة الفجل)؟؟

هى2: مش عارفة والله يا أوختشى ,يالا ماتخلينيش ادعي عليهم (منكسرة وحزينة يا عينى

جد بقى

هى1: انتى عرفتى انى جالى عريس من كام يوم؟؟

هى2: يااااااااااااااه بجد؟؟

هو اخ ولا مش؟؟

هى1: مش ازاى يعنى ؟؟ اخت مثلا؟؟

هى2:ههههههههههههههه

لأ طبعا مش قصدى

يعنى اخوان ولا مش اخوان؟؟

هى1: اه , لا ياستى مش اخوان

هى2: طب وبعدين هاتعملى ايه؟؟

هى1 :هاعمل ايه فى ايه؟؟

لو كان كويس وملتزم ومحترم واخلاق ويناسبنى يبقى يشيل

هى2: وموضوع انه مش ده مش هايعملك مشاكل كأخت؟؟

ومش هايعملك مشاكل فى شغلك ودعوتك وخروجك ودخولك؟؟

واهتماماتكو اللى ممكن ماتبقاش واحدة ؟؟

وكلامكو مع بعض اللى احيانا ممكن مايبقاش مفهوم بينكو؟؟

هى1: ايه يا حجة اللى بتقوليه ده انتى محسسانى انه جالى واحد مش مسلم

انا شايفة ان الامور دى ممكن تتظبط بسهولة جدا لو فى تفاهم بين الزوجين

انتى ماسمعتيش عن الاخ الكبير اللى كان الدي اف بتاع مراته

ده كان بيقول كده وهو فرحان ومش مكسوف

ومسمعتيش كمان عن اخت تزوجت من اخ وقعدها فى البيت وقالها مانتيش رايحة فى حتة

هى 2: لأ طبعا سمعت

بس دول حالات فردية

والاغلب ان اللى مش ده بيبقى خايف على مراته لاتروح كده ولا كده وطبعا هايبخل على الدعوة بوقته ومجهود مراته اللى فى رأيه ان بيتها اولى بيه

والاغلب طبعا ان الاخوة بيكونوا شغالين فى الدعوة وطبعا بيبقوا عايزين زوجاتهم يشاركوهم فى ثواب اصلاح مصر والامة بدون طبعا ماتاثر على بيتها.

وانتى كمان ماتعرفيش ان الاخت اللى مش متزوجة اخ بيبقى فى مسؤليات ماينفعش تاخدها حتى لو كانت اهله ليها وممكن واحدة تانية فيها الصفة دى ولو حتة اقل كفائة هى اللى تمسك العمل ده

هى1: بجد انا كل مابفكر فى الموضوع ده ببقى هاتجنن

ازاى يضحوا بالكفائة علشان سبب تافهة البنت ملهاش اى ذنب فيه

هى2: انتى عارفى انى مرة سالت طنط مسؤلة عن الموضوع ده قالتلى ان ده صحيح وانه بيحصل بس ليه سبب مقنع ووجيه

اللى هو ان الزوجة بيبقى ولائها لزوجها وماينفعش تخبى حاجة عليه

علشان كده المسؤلات بيخافوا انهم يضعوا الزوجة فى الموقف ده منعا للاحراجها قدام زوجها وعلشان ما تخطاش خطا شرعى

هى1 : والله الكلام ده مش مقفنع الحقيقة

مهو ممكن اخ يحط مراته فى موقف زى ده

هى2: طب هاقولك سبب تانى

خالتو قالتلى مرة واحدة مسؤلة بردو اتخانقت مع جوزها اللى هو مش

الراجل كان متغاظ منها وكان شايط

راح واخد نوتة تليفوناتها ومبلغ عن كل اخواتها فى اللى فى الحى

هى 1: يانهار اسوح

طب وبعدين؟؟

اعمل ايه ياربى؟؟

يعنى ازود فى دعائى ان ربنى يرزقنى باخ؟؟

هى2: بيبنى وبينك انا كمان محتارة خايفة ارفض واحد ارتضي دينه وخلقه لمجرد انه مش اخ

الى هنا انتهت قصة الاختين الحلوين المحتارين

عندى ليكوسؤالين

1- فى رأى كل واحد فيكو ايه هو حل الاختين دول وكل الاخوات المحتارات

2-هل ياترى الاسأله اللى البينتين دول طرحوهم بيدوروا فى مخيله الاخوة اللى بيتزوجوا بنات مش على امل انهم هايخدوهم دي اف

وشكرا

الجنة قى بيوتنا

2007-10-01T22:42:00.000+02:00

الجنة فى بيوتنا

فى بيتنا اللى احنا عايشين فيه ببان الجنة مفتوحة عليه

مش عايزة كلام على الجنة مادام بنراعى ربنا فيه

ده بيت مؤمن ورزقه حلال دى نعمة ولا بكنوز المال

زوجين صالحين واحلى عيال فى احلى من كده ايه؟؟

وصانا ربنا وصانا ربنا وصانا باهل بيتنا امانا

صونها و اوفى الوعد

من الليلة صفحة جديدة من الليلة فى حضن لمة عيلة

نفتح قلوبنا لبعض

مودة ورحمة واختبارات تقوى البيت تزيدة ثبات

تضيق اوقات تروق اوقات سلمها بقى لله

مادام فى البيت محبة وطاعة واهله فى كل فرض جماعة

مسيرنا ننول اغلى شفاعة من رسول الله

وصانا ربنا وصانا باهل بيتنا جماعة

من الليلة صفحة جديدة من الليلة فى حضن لمة عيلة

نفتح قلوبنا لبعض

اللهم ارزقنى بيتا زى ده

يكون التفاهم فيه هو شعارنا

والحب والاحترام المتبادل هو القاعدة

والحنية والعطف الجو اللى سايد فيه

قادر على كل شئ

الحمد لله

2007-09-22T22:29:00.001+02:00

الحمد لله انا نجحت

بفضل الله ونعمته عليا

حصلت على جيد جدا فى المادة اللى كنت مأجلاها

وطبعا باخد درجة النجاح فى المادة اللى كنت راسبة فيها

فى الاخر تقديرى جيد الحمد لله

وفى انتظار التراكمى باذن الله

وان شاء الله يبقى جيد جدا

امتحان الدور التانى

2007-08-24T21:26:00.000+02:00

دايما كنت بتسائل ليه الناس الكويسة ربنا بيصيبها ويقدرلها حاجات بالنسبة ليا وحشة

دايما كنت بتسئل ليه يارب قدرت ان فلانة الفلانية يحصلها كده

ياترى يارب علشان انت مابتحبهاش

ولا علشان هى مزعلاك

ولا علشان بتكفر من سيئاتها

ودايما بتجيلى الاجابة من جوايا او حتى من اللى حواليا علشان ربنا بيختبرهم

بالعكس ده ربنا بيحبهم

بالعكس ان الله اذا احب عبدا ابتلاه

ودايما بردو بسمع ان الصبر و الاحتساب هى الاجابة الوحيدة اللى بتعتبر صحيحه فى هذا الامتحان

وطبعا سمعنا عن الحديث اللى بيروى لنا ان الله قد امر الملائكة ان تقبض روح ولد عبده وبعدها سأل الملائكة كيف وجدتم عبده وهو اعلم به منهم

قالوا حمدك واسترجع

فكرت كتير واتعرضت لازمات

حسيت انى لم اثبت فى اللحظة الاولى

انا اما حسيت انى مانجحتش فى اول اختبار بدات اتصرف بطريقة جنونية كأنى قد كتب على جبينى فى النار

لم ياتى على ذهنى وقتها طب ماذا يفعل امثالى عندما يرسبون فى اول اختبار

كنت باشكى لاخت ليا وبقولها انا سقطت خلاص

سقطت فى كل الامتحانات اللى ربنا امتحنى بها

انا خلاص مش نافعة

قالتلى زى مافى امتحانات دور تانى فى حياتنا

قالتلى انت ممكن تنجى فى امتحانت الدور التانى عند ربنا

قلتلها بس انها سقطت وغلط كتيييييييير فى حق ربنا

قالتلى لا

تقدرى تقفى على رجليكى وتنجحى تانى

فكرت ان ده مش الامتحان النهائى بتاع الدنيا

وطول مافى نفس داخل ونفس خارج انا اقدر انجح

وفى دور تانى

ادعولى كتير

علشان عايزة انجح فى اختبارات ربنا

وكمان علشان كنت مأجلة مادة وطلعت بمادة تانية على اربع درجات

معايا تاج ... معايا تاج.........

2007-08-14T02:24:00.001+02:00

تاج وصلنى من صديقتى الرقيقة اسماء

اخوانية مصرية

بسم الله

اسم مدونتك؟؟

لسانى مولوتوفى

لماذا اخترته ..وماهي نيتك من وراء اختياره؟

اخترته لان ساعات بيبقى ليها وقع القنابل سواء فى الحق او فى العك

وطبعا اختكو نفسها يكون عندها مخزون من النوع بتاع الحق ده ونفسها تتخلص من مخزون العك

ولان ساعات المواطن المصرى البسيط مابيبقاش حيلته غير لكمته يعبر بيها عن مأساته ومعاناته

فاعتبرت ان اللسان ممكن يكون نوع من المقاومة

وان شاء الله تكون مقاومة سلمية وميكونش فيها خسائر

انا ناوية اخد دورة اسعافات اولية مخصوص علشان المدونة دى

هههههههههههه

هل فكرت في إغلاق مدونتك؟ والسبب؟

اقفلها لأ

لكن اوقف اه

بسبب حالتى النفسية اللى حسستنى ان معنديش جديد اقدمه

صورتك في المدونة ورمزيتها ؟؟

هما فى كذا صورة

اللى فى البوفايل

شمعة

لان النار ممكن تبقى مدمرة وفى نفس الوقت تعطى ضى رومنسى جدا زى الشمعة

من الاخر النار دى ملهاش امان

حاجة كده تخويف يعنى

اما فى صورة لبنت مطلعة لسانها

دى انا وانا بوريكو اصل المولوتوف

اما البيبى الجميلة

دى جنى بنت اختى

لسة مولودة طازة

لماذا دخلت عالم التدوين من الاساس؟

علشان اعبر عن نفسى فى الاساس كبنت

كمسلمة

كمصرية

كأخوانية

اقول اية اللى مزعلنى واشارك الناس فى فرحتى

جمله قيلت لك فى وصف مدونتك؟

الصراحة مفيش حاجة معلقة معايا

بس فى عمو والد واحدة صحبتى

قالى ملاقيتيش غير الاسم الارهابى دة

واما بدات اوضحلة وجهة نظرى قالى انا كنت بهزر

بس اتبسطت قوى اما قالى كدة

التعليقات بالنسبه لك ,اهميتها؟

اد اية الناس صلها وجهة نظرى

فى بعض المواضيع باستفيد من التعليقات جدا

باتعرف على ناس جديدة

نفسى قوى ان يعلق عندى ناس عاديين مش من الاخوان

نفسى بجد يقولولى رايهم اية فى المدونة

بس بجد التعليقات بتبسطنى جدا جدا جدا

احلى بوست كتبته ...ضع اللينك , ثم اذكر لماذا؟

بدايتى مع الاخوان

لانه بيحكى فترة جميلة من حياتى كنت حاسة فيها بمشاعر واحاسيس مفتقداها جدا جدا جدا دلوقتى

أفضل بوست قرأته؟ وضع لينكه؟

بوست بتاع د احمد الجعلى

قلوب لم تخلق للحياة

وبوست نفسى بتاع الاستاذ مجدى

أفضل مدونة قرأتها؟

بصراحة ومنغير زعل

بردو بحب اسلوب الاستاذ مجدى جدا فى الكتابة

بصراحة بصراحة

بيعقدنى

ماشاء الله عليه

مدونة يلا مش مهم

حد قل أدبه فى التعليق إيه رد فعلك؟

هو لغاية قبل اخر بوست محدش رخم عليا قبل كده

بس لقيت تعليق كده متخلف فى قلة ادب فى الذات الاهية

الناس قالولى مترديش عليه دول كلمتين بيلطعهم فى كل مدونة لحد ملتزم علشا يستفزه

بس عمرى ما مسحت تعليق لحد

اخر تعليقات كانت ايدى بتاكلنا

بس قلت يالا

انتى الكبيرة

اصل انتو مش فاهمين انى مولوتوف اه بس ملييش فى اللت والعجن

انتى قلتى وحضرتك سويت

يعنى حسيت انه جدال ملوش لازمة ولا له قيمة

مش ناقصين ؛÷‘:؛<؛‘<".>×

أسوأ بوست أسوأ مدون؟

انا بصراحة عمرى ما اقدر اقول على اسلوب حد انه سئ

ادام هو بمجهوده وطالع منه

اكيد هلاقى فى حاجة كويسة

بس انا موافقة على راى اخوانية مصرية على ان المدون والمدونة ممكن تسوء بالالفاظ اللى بتتقال فيها

زى مثلا الوعى المصرى

بصراحة مدونة تحفة جدا

بس بتلاقى كلمات كده تخليك تكره الكليكة اللى جابتك المدونة

هيحصل ايه لإيميلك لما تموت ؟؟

هايورثوه

ههههههههه

اديت الباسورد لمين؟

اختى القردة الصغيرة عارفاه

اصلى علشان مانساش عاملة باسورد واحد بس لكل المواقع وكل المسينجرات وكل الميلات وكل حاجة

كانت إيه طبيعة علاقتك بيه؟

اختى ولازم استحملها

هههههههههههههه

اسمك؟

شذى

المشهور بيه وسط اصحابك؟

لية الاحراج ده

فى ناس كتير بتقولى يا شوشو

مع انهم بيقولوا لاخواتى بردو كده

طب فين التميز بقى

حاجة وحشة

شخصيتك نوعها إيه؟

ممممممم

مش عارفة انواع الشخصيات

بس ممكن اقول صفات

مرحة ,حنينة (بيقولولى) بس مؤخرا مابقيتش كده ,عنيفة فى بعض الاحيان

اوعى وشك

بفهم كويس اى حاجة الا المذاكرة

ما بحبش النمطية

احب التجديد

متهيالى كده كفاية اللى عايز زيادة بقى يبقى يكلم ابويا

هههههههههههه

السفر بالنسبة لك؟

بعشقه

بحس انى بانتقل من قرف ووجع قلب المذاكرة والحياة عامة فى القاهرة الى حياة تانية فى الاسكندرية

السفر بالنسبة ليا روقان

ممتع جدا

بس بقيت اخاف منه بسبب الحادثة اللى حصلتلى فى اول الاجازة

ربنا يسترنا

وقت فراغك بتعمل فيه إيه؟

كنت بقرأ

مؤخرا باتفرج على التى فى

وطبعا الكومبو

الكومبيوتر يعنى

المود بتاعك؟

فرفش

بس ساعات بيقلب كابة وقرف

ربنا ما يوريكم

اللهم اشرح لى صدرى اللهم امين

الصفات اللي أخدتها من بابا؟

مخه النظيف

اتقانة فى عمله

حبه لخدمه الناس

احساسه بالغلابة

الصفات التي أخدتها من ماما ؟

حنيتها وطيبة قلبها

وانها تعمل العمل بحسن نية وهو ممكن يشعلل الدنيا

اكتر ست حاجات بكرهها؟

الكوسة

شقلطة الاعمال

الكذب

المذاكرة

امن الدولة

النصيحة باسلوب غبى

اكتر ست حاجات بحبها؟

عيلتى

اصحابى

التمييز عامة

البطاطس المحمرة

فانتا برتقان

غروب الشمس

الانترنت بالنسبه لك؟

اكتأب من غيره

امرره لمين ؟

سناء حفيدة البنا

عبد الرحمن عياش

مكسرات

والدكتور محمد محمد مرسى

ياااااااااااه انا تعبت قوى

انا مسافرة اليكس تومورو حد عايز حاجة؟؟

الزواج

2007-08-06T20:20:00.000+02:00

يالها من كلمة تفرح ناس وتخوف ناس تانية

موضوع الزواج ده تقريبا بيلح على دماغ البنات من اعدادى ,انه يجيلها الفارس اللى معرفش ايه على حصان معرفش اية بردو ,وانه ييجى الانسان اللى يفهمها وتفهمه ويخرجها ويعشيها ويفسحها ويخرجها من بيت ابوها اللى كاتم على انفاس انفاسها

يمكن هو ده الزواج بالنسبة للبناتيت الصغيرين

اما بالنسبة للشباب ,لقلة تعاملى معاها وانحصار كلامى مع ولاد خالاتى وعمامى ,فطبعا لا اعلم متى تأتيهم هذه الافكار الشيطانية اللى الزواج يعنى

بس انا اظن انها بتجيلهم على كبر,بما ان الولد اللى شايف نفسه (لسه ورور) بيحب الاول انه يجول ويصول فى انحاء المعمورة قبل الارتباط بواحدة وكمان شوية عيال

وغير كده بردو فى شباب ياعينى غلبان بيكون نفسه ساعات بيوصل لسن التلاتين وهو لسه مش مؤهل للزواج

المهم

انا اية اللى جاب الموضوع ده فى بالى (قال يعنى ما بفكرش فى اصلا

المهم بردو انا مش عايزة حد يركز معايا قوى

كل يوم ما شاء الله بنسمع عن زواج فلانة وعقد فلان وبناء علانة

وماشاء الله ربنا يكتر افراح المسلمين

سألت نفسى ياترى العالم دول كلهم عارفين هما ليه بيتجوزوا

انا نفسى اسمع اجابات مسمعتهاش قبل كده

طبعا الملتزمات هاتقولى هافتح بيت مسلم واعف نفسى والكلام بتاع الملتزمين ده

بس ياترى هما فعلا حسينه

اعتقد انها لو عايزة تاخد حسنات ممكن انها تصلى

ممكن انها تصوم

ممكن انها تتصدق

اشمعنا عايزة تكسب ثواب بالزواج

اتمنى ان محدش يقهمنى غلط ويقول هى مولوتوف بقت بتخرف ولا اية؟؟

اعتقد واحدة اسمها مولوتوف مكنش مستبعد انها تخرف ودماغها تضرب

ياترى بجد كل واحد بيتجوز وكل واحدة بتتجوز عارفة بجد بينها وبين نفسها هى بتتجوز لية؟؟

انا اريحكو واقولوكوا لية الافكار الهدامة دى جات على دماغى

لانى ببساطها حاسة انى كل شوية بعيد عن السامعين كده بعقل

خلاص بدات تتلاشى فكرة الفارس اللى على حصان ابيض, هو الحق يقال هو مكانش حصان وكانش ابيض هو كان بيتش باجى وساعات باراشوت

وبدات افكر فعلا لو فكرت مجدر فكرة فى الجواز انا هاتجوز لية؟؟

قعدت افكر فى الجواز شوية بجد لقيته كله مسؤليات ووجع قلب

لقيته تربية اطفال وغسل مواعين وتحضير غدا

وياولى ويا سواد ليلى لو كانت القمصان مش مكوية الصبح

مع العلم انى فى بيت ابويا متستتة

وهو اللى بيكوى القمصان لوحده

وبعدين بدات ارفع شعار

لا للجواز

كل ما امى تجيب السيرة دة

واقولها استريحى انا قاعدة جانبك ومش هاتحرك

وكل ما تحصل مشكلة مع ابويا يقولى مهو انتى اما تكبر وتخلفى هاتقولى ابويا قال وسوا

قلتله مهو انا بقى مش هاتجوز واخلف علشان الكلمتين دول

لا واكتر حاجة كانت بتجننى انه ازاى واحد يقولى ارجعى الساعة كذا وما تروحيش لفلانة علشام ما بستريحلهاش

وما تتكشفيش على رجالة وصوتك ما يطلعش

وغير كده مطالبة انى استحمل عقده النفسية و استحمل نرفزته عليا

ونظرتة القاسية فى لحظة غضب ,ساعات النظرات بتجرحنى اكتر من الكلمات

فخلاصة البوست

انا هارفع شعار

لا للجواز..... لا للتحكم

لغاية اما ييجى عريس الغفلة يغير نظرتى للرجالة

2007-07-12T02:09:00.000+02:00

so lonely

so lonely , sometimes i feel but i donot know y??

so lonely , when i feel that i start to cry

so lonely , im sure our Lord knows that His creatures cant live with that feeling

so lonely ,despite being between thousands of people

so lonely , despite being with my own family

so lonely , despite being beside the closest one to me

so lonely , i wonder how long that feeling will stay with me

so lonely , i wonder if it will stay with even after meeting my husband & my soulmate

so lonely , that feeling increase when some times i realise that no body in the world can understand or withstand me

so lonely , that feeling increase when listening to the quran or slow music or a sad song

so lonely , when no body see the good things that i do & the only thing they remember is my desasters

so lonely , when no body see how far i changed for the better

so lonely , when i expected answering for a help from someone close to u & he just didnot care

so lonely , when u dont find anyone to ask and care about u

so lonely , that i hope someday somehow i could kick out that unwelcomed feelings

so lonely , that feeling sometime increases to alevel that u wish to die because it wont make any diffrence

so lonely in ur life as u in ur grave.

عندما تتحطم احلامانا على صخرة الواقع

2007-06-30T02:16:00.000+02:00

اجلس امام البحر ,اتأمله

ادقق فى تدرج الوانه التى اعشقها, اتأمل اشعة الشمس وهى تخترق سطحه لتنيرة وتجعله اية فى الجمال والروعة

التفت يمينا فارى والدى وقد انهكه التعب ففضل ان ينام قليلا

والتفت يسرة فارى والدتى تحفظ القران كما هى عادتها امام البحر

وبجانبى اختى الصغيرة التى تفضل هى وانا نستمع الى الاناشيد امام البحر

خططت ان اقابل فتاة حدثتنى على المسينجر وهى مروة صاحبة مدونة حلم الحرية وقد وعدتها بذلك فى اول زيارة لى للاسكندرية بعد اشهر من الامتحانات

وفجأة استيقظت على صوت خالتى وهى تنادى على ابى ( حاسب يا عصام) لافتح عينى وارى العربة وهى متوجهه لاقصى اليمين وكادت ان تقع من على جانب الطريق فوجهها ابى الى اقصى الشمال حتى كاد ان يخترق الجزيرة التى بين الاتجاهين

فوجهها ابى ثانية الى اقصى اليمين حتى انقلبت السيارة مرتين واستقرت على عجلاتها ثانيا وهى متوجهه جهه الاتجاة المعاكس

لم اشعر بالنقلاب ولكن بعد ان فقت وجدت طرحتى تغطى وجهى والحمد لله على ذلك لانى كنت قاعدة جنب بابا ومفيش زجاج جه عليا

ومن المضحك ان ابحث عن حذائي والناس عمالة تخرجنا من العربية

مش قادرة اوصف لكم مدى طيبة الناس

مش قادرة اقول كام عربية وقفت علشان يساعدونا

حتى بعد مضى ساعة واحنا كلنا الحمد لله كويسين نلاقى عربيات بتهدى واصحابها يقوللنا احنا خدامينكو

اى حاجة تأمروا بيها

مية ,ممكن ننقل اى حد للمستشفى لو تعبان

الحمد لله على كل حال

الحمد لله جه ونش ورفع العربية اللى نظرتلها وكنت متخيلها من ثوانى وهى كويسة وزى الفل

كنت عمالة اعدل فى حاجة صغيرة مكسورة فى الباب ومستغربة اوى واقول ياترى اية اللى كسرة وبعد ثوانى مبقاش فيها حاجة سليمة

سبحان الله

هى الدنيا كده متقلبة وفى لحظات

علشان كدة انا متأكدة ان رسول الله وصانا وشدد علينا اننا مانرطبتش بيها لانها فى لحظات ممكن تتقلب علينا ساعتها هانحزن عليها وهى ماتستاهلش

ساعتها بس حسيت ان مفيش سعادة مطلقة فى الدنيا

وان السعادة الحقيقية فى الجنة

بابا يا حبيبى انا متأكدة انك مش زعلان على العربية اد ما انا متأكدة انك كنت هاتموت لو واحدة فينا حصلها حاجة

ربنا يعوض عليك ياحبيب قلبى

ويرزقك احسن منها

ويخليك ليا ولاخواتى

ويجعل يومى قبل يومك لانى من بعدك مش هاقدر اعيش

ملحوظة ياريت اللى ييجى يزورنى فى المدونة يجيبلى معاه شوكلاتة

بس من النوع النظيف بعد اذنكوا

انا خلاااااااااااااااااااااااااااااااااااااااااااااااااااااااااااصت

2007-06-27T19:20:00.001+02:00

انا خلااااااااااااااااااااااااااااااااااااااااااااااااااااااااااااااصت

هيه

انا خلاااااااااااااااااااااااااااااااااااااااااااااااااااااااااااااااااااااصت

هيه

انا خلااااااااااااااااااااااااااااااااااااااااااااااااااااااااااااااااااااااااااااااااااااااصت

لللللللولى

احم

انا خلاصت يا جماعة امتحانات الشفوى والعملى ان شاء الله بنجاح ساحق ماحق

ربنا يستر على النتيجة

انا دلوقتى فاضية لاى شغل

لاى استشارة حتى اسنانية

بجد يا جماعة ضرورى اللى يعرف مواعيد دورات ندوات

يقولى فورا على ميلى او على المدونة

مقال ابكانى بحق وحقيقى

2007-06-24T20:33:00.001+02:00

القضية نائمة فى سيارة مرسيدس

بقلم عاطف حزين ٢٤/٦/٢٠٠٧
غزة ١٩٩٦
كنت أقف في بهو فندق الأمل، عندما سألت موظف مكتب الاستقبال: كيف أصل إلي مكتب العميد غازي الجبالي قائد الشرطة؟ فاجأني صوت من الخلف: أنا أوصلك إلي المكان.. لا تشيل هم.
لم أصدقه حين قال لي إن عمره ١٧ عاماً، وإنه خرج من السجن الإسرائيلي منذ أسبوع، وإنه من أطفال الحجارة، لكنني صدقته حين قال لي: اسمي محمد.
طوال الطريق إلي مكتب العميد الجبالي، لم يتحدث معي طويلاً، اكتفي بالتعارف، وقرر أن ينتظرني بعد أن أفرغ من قائد الشرطة كي نتحدث طويلاً، الحق أنني لم أعطه قدره الذي يستحق من الاهتمام، تعاملت معه علي أنه شاب خدوم أراد مساعدة صحفي مصري وانتهي الأمر، لكنني فوجئت به يجلس علي مقربة مني وأنا أحاور قائد الشرطة الذي ظنه رفيقاً لي،
كان الجبالي مزهواً بنفسه وبرتبته التي منحها له الرئيس عرفات، دون أن يمر علي الرتب السابقة لها، وكان الرجل يكره «حماس» وكل من يأتي علي سيرتها، بل قال لي صراحة إن حماس صنيعة إسرائيل.. اخترعتها لكي تقضي علي منظمة التحرير الفلسطينية.
يومها سألته عن محمود الزهار، الذي يقبع في سجن السلطة الفلسطينية واتهمته بأنه بممارساته ضد الفلسطينيين تضعه في خانة الشرطة الإسرائيلية وليست الفلسطينية، فيرد الرجل بأن حماس ليسوا فلسطينيين، وهذا ليس رأيه وحده، لأنه ينفذ تعليمات القيادة.
حين خرجنا من مقر الشرطة الفلسطينية في غزة، شكرت محمد وقلت له ما كان يجب أن تجلس معنا أثناء الحوار، لقد ظنك الرجل زميلي، ولو كان سألني لقلت له الحقيقة.
تطلع محمد إلي وجهي وابتسم ابتسامة غامضة وقال لي: لا تصدق كلمة واحدة مما قاله لك ذلك الرجل.. كله كذب وافتراء، وإذا نشرته ستكون مثل ناقل الكفر، لم أرد علي محمد، لأنني بالفعل لم أصدق كلمة واحدة مما سمعته، لكنني لم أشأ التأكيد علي كلامه لأسباب أمنية، أما هو فقد استطرد قائلاً: أنا فتحاوي وأحد أعضاء «صقور فتح» وأدرك سر كراهية الفتحاويين لحماس، وأظن أن الصراع بينهما سوف يتفوق علي الصراع بيننا وبين إسرائيل، قلت له: لعلك تبالغ كثيراً يا محمد، لابد أن السجن والتعذيب و....،
ولم يجعلني أكمل كلامي وقال: قبل أن تنصحني بضرورة زيارة العيادة النفسية، يجب أن تعلم أن السجن بالنسبة لنا، ليس هو السجن بالنسبة للآخرين في دول أخري، السجن هو استكمال للجهاد بأجر مضاعف عند الله، نخرج منه أقوي مما دخلنا، ولكن دعك من حديث السجن وتعالي معي، لأريك ما لن تراه وما لن تستطيع فهمه، لكنه - علي الأقل - سيفسر لك أسباب الصراع بين الفتحاويين الذين يعملون حول الرئيس عرفات وبين قيادات حماس.
توقف محمد في منطقة مظلمة تبعد مسافة نصف كيلو متر عن مبني مميز، أشار إليه بقوله: هذا هو مقر السلطة في غزة، انتظر معي لتري، وكأنه نومني مغناطيسياً قلت له: حاضر.. سأنتظر.
لم تمر خمس دقائق حتي بدأت سيارات فخمة سوداء تمر من أمامناً، فسألته: لابد أنه موكب الرئيس عرفات، فضحك بصوت عال وقال: الرئيس راجل غلبان ومتواضع، هذه سيارات المناضلين القادمين إلينا من تونس،
هؤلاء هم رجال السلطة الذين يقتنون أغلي السيارات وأغلي العطور وأفخم ماركات البدل والقمصان والأحذية والكرافتات، هؤلاء الذين لم يحملوا سلاحاً في حياتهم ضد العدو، إلا إذا كان ذلك العدو هو أحد الرفاق المطلوب تصفيتهم، هؤلاء لم يعطروا كفوفهم بالحجارة، التي حاربنا بها نحن الصغار،
فأجبرنا إسرائيل علي التفاوض، الذي جاء بهؤلاء السادة ـ المستوردين ـ الذين تم «توزيرهم» فتصرفوا وكأنهم وزراء في دولة نفطية مستقلة، كارثة يا أخ عاطف، والله العظيم كارثة، لقد صدقوا أننا أصبحنا دولة بالفعل: ومن لم يصبح منهم وزيراً أصبح مسؤولاً عن جهاز أمني لدرجة أن دولتنا هي الدولة الوحيدة في العالم التي لديها تسعة أجهزة أمنية.
لكنك لم تقل لي عن علاقة ذلك كله بحماس، نظر لي نظرة لوم وعتاب وقال: لا تتعجل.. لقد رأيت الوجه الأول من العملة، تعال لأريك الوجه الثاني، وطاف بي محمد علي مؤسسات تعليمية وجمعيات خيرية طبية ودور اجتماعية لمساعدة الفقراء ومساجد صغيرة في كل حي، وفي النهاية قال لي: هذه المؤسسات هي حماس، لم يتعاملوا مع القضية بالحناجر،
كما تفعل منظماتنا الفلسطينية، لأنهم سألوا أنفسهم عما يحتاجه المواطن الفلسطيني الفقير،فاكتشفوا أنه يحتاج إلي الصحة والتعليم والغذاء والملبس وليس الشعارات والصيحات، قيادات حماس لا تمتلك سيارات تشبه السيارات التي رأيتها، ولا يرتدون أفخم الأزياء، ولا يتعطرون بعطور باريس،
والأهم من ذلك أنهم يعيشون بين الناس طوال الوقت، لدرجة أنك لا تستطيع تمييزهم من بين الناس، حماس تفعل ذلك، ليس من أجل السيطرة علي غزة، ولكن حب الناس لهم، وإيمانهم بحسن نواياهم جعل حماس تسيطر تماماً علي غزة، فإذا أضفته إلي ذلك صدي العمليات الاستشهادية، التي ينفذونها في قلب إسرائيل، أظنك لن تسأل بعد ذلك عن سر كراهية الفتحاويين للحماساويين.
غزة ٢٠٠٧
حماس فرضت سيطرتها علي غزة، عباس يقيل حكومة هنية ويشكل حكومة برئاسة فياض، إسرائيل تدعم عباس بالإفراج عن أموال الضرائب، أمريكا ترسل أسلحة لدعم الفتحاويين، الاتحاد الأوروبي يفرج عن المساعدات المجمدة من أجل عيون فتح، مصر تؤيد الحكومة الجديدة، الأردن تؤيد الحكومة الجديدة، السعودية تويد الحكومة الجديدة، إسرائيل تقطع المياه والكهرباء عن غزة، عباس يعد بإغراق رام الله في النعيم، حتي عقاباً لفلسطيني غزة، عباس يتهم حماس بالسعي لإقامة إمارة ظلامية في غزة، ياسر عبدربه «مناضل تونسي» يرفض تدخل الجامعة العربية في الشأن الفلسطيني الداخلي.
أخيراً: أنا علي يقين من إيمان القادة العرب، الذين أيدوا عباس ورفاقه بفساد السادة الفتحاويين، لكن المشكلة أن كراهيتهم وخوفهم من حماس وكل التنظيمات الإسلامية أعظم من كراهيتهم للفساد والمفسدين.

اهئ اهئ اهئ

2007-06-20T12:53:00.000+02:00

كان نفسى اروح المؤتمر بتاع النهاردة واعمل عليه تقرير

كان نفسى اوييييييييي

الحمد لله على كل حال

اصلى عندى امتحان بكرة شفوى وعملى عليه 60 درجة

واختكو ابدعت فى النظرى فقلت بلاش ابدع فى الشفوى بردو

خير

ياريت الناس اللى هاتروح تسجلهولنا

وتصور كل اللى هناك

ادعولى

باقى من الساعات170ساعة

هااااااااااااااااااااانت

مفاجآت ............. مفاجآت............... مفاجآت

2007-06-16T19:23:00.000+02:00

لكل زوار مدونة لسانى مولوتوفى

مفاجآت الصيف

مفاجآت جامدة

مفاجآت تدوخ

مفاجآت حارة

مفاجآت مفاجأة

لقاءات صحفية مع شخصيات لها بصمتها فى مجتمعنا

طبعا نتيجتى وهى هاتكون اكبر مفاجأة ليا

تقارير عن ندوات ودورات

افراح وخطوبة وكتب كتاب (مش انا طبعا

بس انتظرونا

حصريا على مدونة لسانى مولوتوفى

وبداية من الغد

يبدأ العد التنازلى للحصول على الرائحة الاجازية

لخابيييييط

2007-06-04T18:44:00.000+02:00

السلام عليكم

انا حقيقى مش عارفة اكتب اقول ايه؟؟

بس كل اللى عارفاه انى عايزة اكتب عن اى حاجة

عايزة اكتب عن فرحتى اما عرفت ان الاخ عبد المنعم رجع وبات فى بيته وسط اهلة

عايزة اكتب عن شعورى بالعجز وانا امسك تلال من الملازم وانا اقراء فيها كانى اول مرة اشوفها

عايزة اكتب عن امتنانى وشكرى لنعم الله الكثيرة على اللى كل شوية بينقذنى من دحديرة او من ورطة

عايزة اكتب عن امتنانى وغضبى فى نفس الوقت من امى وابى

اللى تعبو معايا كتيييير قوى

وتعبونى كتيييير

عايزة اكتب عن قلبى اللى بيتقطع اما بشوف ابويا وامى وهما شايفنى بعيط من عدم مذاكرتى ومش قادرين يعملولى حاجه

بييجوا ويطبطبوا عليا ويمسحولى دموعى ويقولولى قضيها زى ما تقضيها المهم صحتك

عايزة اكتب عن لاى مدى الكلام ده رقيق واى انسان طبيعى هايهدى اما يسمعه بس معايا انا بيشعلل قلبى وبيخلينى هاتجنن

عايزة اكتب انى نفسى اذاكر ونفسى احل كويس فى الامتحانات ولكن يابى عقلى الا ان يخوننى ويصر على عدم التركيز

ويكون ملاذى الاخير اما شاشة التليفزيون اضيع ساعة تلو الاخرى

عايزة كمان اكتب انى نفسى اكتب مقال بالانجليزى واحتمال كبير انه يكون المقال القادم

عايزة اكتب عن كومبيترى الاحمق الذى ابى ايضا انه يشتغل زى دماغى

يارب اكرمنا كلنا
واجعل المذاكرة خالصة لوجهك الجميل
وادعولى كتييييييييييير

ابتهالات واحدة مزنوقة

2007-05-05T19:24:00.000+02:00

اللهم صلى على سيدنا محمد فى الاولين
وصلى عليه فى الاخرين
وصلى عليه فى الملئ الاعلى الى يوم الدين

يارب لك الحمد حتى ترضى
ولك الشكر حتى ترضى

يارب لك الحمد كما ينبغى لجلال وجهك وعظيم سلطانك

يا ذا الجلال والاكرام
يا حنان يا منان
يا كريم
يا ودود

اعفو عنى يارب
يارب اعفو يارب

اغفرلى
سامحنى
تب عليا
تب عليا
يارب انا اسفة على كل كلمة دجر صدرت منى

يارب انا غلطانة
يارب سامحنى
سامحنى على كل شعور شعرته بالقنوط من رحمة ومن عفوك ومن غوثك

يارب دلوقتى ايام امتحانات الدنيا ومش لاقية حد يساعدنى ومش لاقية حد يخفف عنى غيرك

امال فى الاخرة بقى هاعمل اية
وكل نفس لها ماكسبت وعليها ما اكتسبت
محدش هايتحاسب على ذنوبى غيرى
ماحدش هايتحاسب على كلماتى غيرى
ماحدش هايتحاسب على نظراتى غيرى
محدش هايتحاسب على جوارحى غيرى

ياذا الجلال والاكرام

اللهم اتنى فى الدنيا حسنة وفى الاخرة حسنة وقنى عذاب النار

اللهم اجعل تعبى انا وكل اخواتى اللى فى الكلية فى ميزات حسناتنا
اللهم لا تجعلنا ممن يقال لهم
وقدمنا الى ما عملوا من عمل فجعلناه هبائا منثورا

اللهم ارزقنا الاخلاص فى كل قول وعمل
اللهم ارزقنا الاخلاص فى كل نفس بندخله ونخرجه
اللهم املئ قلوبنا بالاخلاص
وجوارحنا بالاخلاص

اللهم انه قد شق علينا اللهم فيسره لنا
يا مغيث
يا مغيث
يامغيث
بمن نستغيث الا بك
اللهم اجرنا
بك نستجير
بك وحدك نستجييييييييير

اللهم ارزقنا قبل الموت توبة وعند الموت شهادة وبعد الموت جنة ونعيما

يارزااااااااااق
يا رزااااااااااق
ارزقنا الفهم والحفظ
ارزقنا الفهم والحفظ وبركة الوقت
يارب نتوب اليك من تضيع الوقت
فاللهم اجبر تقصرنا الان
اجبر كسرنا الان

يافتاح يا فتاح
افتح علينا من خزائن رحمتك
يا من قلت
وعنده خزائن كل شئ
افتح علينا من خزائن بركة الوقت
افتح علينا من خزائن الفهو والحفظ

افتح علينا من خزائن الدرجات

اللهم اعزنا بالاسلام واعز الاسلام بنا
اللهم نعوذ بك ان نضل او نضل او نذل او نذل
او نجهل او يجهل علينا

يارب انا بحس بذل يارب ايام الامتحانات دى

يارب بحق انى لم اذل احدا فى حياتى
اللهم لا تمكن احدا من ذلى

يارب اجعلن الدنيا فى يدى ولا تجعلها فى قلبى
يارب اجعلنى لا ابالى من العك اللى بعكه فى الامتحانات
يارب فى داكترة بيتجبرتوا علينا وبنحس انهم فرحانين فينا
اللهم لا تشمت فينا احدا
يارب اجعلهم طيبن
يامقلب القلوب والابصار
اللهم حنن قولبهم علينا
ويعطوننا درجات بدون بخل او شح

يارب يا من انتا احن علينا من امهاتنا
نعوذ بك من نظن بك ظنا سيئا

واخر دعوانا ان الحمد لله رب العالمين

دخلت بيتنا يا ناس cnnال

2007-04-21T20:25:00.000+02:00

انا هاسيبكوا مع التقرير الجميل بتاع الصحفية الجميلة مريم
'Brotherhood' Blogs In Egypt Offer View Of Young Islamists
MARIAM FAM, The Wall Street Journal, US
Friday, April 20, 2007
Like many young bloggers, Shaza Essam uses her personal Web site to list her favorite Hollywood movies, talk about a popular song and complain about her studies.
But some of the postings by the 21-year-old dentistry student in Cairo are far less typical. In an entry about her childhood ambitions, among becoming a doctor, a photographer or an actress, she adds, "I dreamed that I was one of the mujahideen in Chechnya or Palestine, and that I was blowing myself up among as many enemies as possible so that I could be like the martyrs."
A photo of Abdou el-Monem Mahmoud on his blog.
Ms. Essam is one of a growing number of young members and supporters of the Muslim Brotherhood, a fundamentalist Islamic group in Egypt, who have joined the blogosphere in recent months. The Brotherhood, which officially renounced violence in the 1970s -- though group leaders endorse "armed resistance" in lands they consider occupied -- says it wants an Islamic state through peaceful means that respects the rights of minorities. The Brotherhood has branches outside Egypt and spawned the militant Palestinian group Hamas. In Egypt, it is a growing force and constitutes the largest political opposition group. But some of its views and activities remain highly controversial.
Banned by the Egyptian government, the group has long used Web sites that promote its ideology and provide its leaders with a platform. But, until recently, online windows into the personal lives of individual members have been rare. The new blogs by young Brotherhood members often mix political views and diary-like reveries, capturing the attempts of some to reconcile free expression and adherence to strict doctrine, and the tensions that can result.
Ms. Essam, a conservative Muslim who wears a veil, started her Arabic-language blog, molotoofy.blogspot.com, in February. She says she picked the name, which roughly translates as "My tongue is a Molotov [cocktail]," because "my words are the only thing I can use to resist any injustice and express my opinion. Also, I am usually blunt without meaning to be; my words may come out like bombs when I am talking to a friend." Topics range from her political views -- she admires Ahmed Yassin, the late spiritual leader of Hamas -- to her entertainment picks -- the Will Smith movie "Men in Black," for instance.
Unlike many Brotherhood members, she keeps her affiliation a secret at her university, for fear of harassment by authorities. But she has gradually begun giving the blog address to trusted colleagues. "When these people get to read about my likes and dislikes, they will know that I am an ordinary person just like them," she says.
Across the Middle East, Islamic groups with varying backgrounds -- including al-Qaeda -- have used the Internet to advance their causes. Political blogs have also become a tool for activists challenging their governments and clamoring for democracy.
Muslim Brotherhood members are increasingly starting blogs as the Egyptian government has stepped up its efforts against the group, arresting many members and freezing the assets of some. The crackdown further intensified after a December protest in which around 50 students who belong to the Brotherhood appeared in military-style black uniforms and balaclavas. That prompted accusations that the group is establishing a military wing, which it denies.
The Muslim Brotherhood distances itself from groups like al-Qaeda and condemns their attacks. It runs charities and social services that help make it popular among many Egyptians. But critics charge that the group's strict hierarchy and opaque way of operating are at odds with stated democratic aims and that its conservative views would preclude freedoms, especially for women.
The new blogs by Brotherhood members are laden with political messages, largely adopting the organization's views and campaigning for the release of jailed members. A few refer to acts of violence, such as one that posts the will of a Palestinian suicide bomber. Mixed with the political messages are favorite songs, diary entries and vignettes on personal relationships -- some from well-known junior figures in the movement and others from relative unknowns, such as Ms. Essam.
Magdy Saad, a 29-year-old who works in marketing and is an active member of the Brotherhood, described in his blog how he anxiously awaited a response from the family of a girl whose hand he had asked in marriage. Two days later, he broke the news: He was turned down. "God, I accept your decision," he wrote. Readers responded with sympathy: "God willing, He'll give you someone even better," wrote one.
He has received support but also criticism from some Brotherhood members for blogging about personal details and thoughts. "The Egyptian society is conservative and has many areas that are out of bounds when it comes to personal affairs," he said in an interview. "The Brotherhood has more of these out-of-bounds areas because there's a great emphasis on the moral side, so some people think that talking about this human and personal side runs contrary to morals."
Abdou el-Monem Mahmoud, a journalist and a well-known member of the Brotherhood, was one of the first to start his own Web site. The site (ana-ikhwan.blogspot.com) says it has received more than 239,000 hits since it started in October. Mr. Mahmoud, 27, posts messages from the families of jailed group members and describes how their imprisonment is affecting their children. "Aisha started screaming: 'Father, father, can you see me?' She yelled and cried when she saw her father but wasn't able to kiss him," he wrote on Feb. 25. "These scenes have really left me exhausted."
The latest entries on the blog are not by Mr. Mahmoud, but by others giving updates on his own jailing. Mr. Mahmoud was arrested last Sunday, accused of belonging to the banned Brotherhood and of inciting students to stage a military-style parade, according to Abd el-Monem Abd el-Maqsud, a Brotherhood member and the group's lawyer. Mr. Abd el-Maqsud says no such parade was held. The Paris-based Reporters Without Borders, a nonprofit group that defends press freedom, this week called for Mr. Mahmoud's release, accusing the Egyptian government of "increasingly repressive policies toward online dissent."
Julien Pain, head of the press group's Internet Freedom desk, said that in addition to a crackdown on the Brotherhood, the arrest is "also a way to tell other bloggers that from now on they should be careful."
Egyptian authorities wouldn't immediately comment.
Young Brotherhood bloggers say the effort is grassroots, and some even see it as a potential catalyst for change within the organization. "Our life is not all about arrests and politics...We eat, drink, get married, sleep...laugh and joke," Asmaa el-Erian, daughter of one of the Brotherhood's prominent members, wrote on her blog.
But some critics believe that blogging is part of a coordinated strategy by the Brotherhood to project a modern image and widen its support beyond its traditional base.
"They're trying to seize the imagination of the young and see this as an area that shouldn't be just left for the liberal forces," says Amr el-Choubaki, an expert on Islamic groups at Cairo's Al-Ahram Center for Political and Strategic Studies. "It's part of the group's strategy to infiltrate the different institutions of society." Even if the blogs were introduced by grassroots members, "the leaders up high at least didn't object," Mr. el-Choubaki says.
Mr. Mahmoud says the blogs are useful. "People don't know what a Muslim Brotherhood member is like as a person...and some are wary of the Brothers," he said in an interview before his arrest. "We want to tell them that we are ordinary Egyptians. We want our freedom, just like the seculars, leftists, socialists or poor Egyptians do. The only difference is that we have an Islamic identity."From : The Wall

عهد الخوف

2007-04-17T09:10:00.001+02:00

كان يامكان يا سعد يا اكرام مايحلى الكلام الا بذكر النبى عليه الصلاة والسلام

كان فى زمان عهد سلطان من السلاطين كان فيه الخوف مالى قلوب الناس الطيبة

كان عهد غريب

اللى يقول كلمة حق يستحق الضرب على القفا والسحل على الارض واللى يقول كلمة باطل

كان بيتشال فوق الاعناق

كانت غرابته بردو فى ناسه

غرابته فى سكوتهم ورضاهم باللى بيحصلهم

غرابته فى تأقلمهم على الاوضاع المزرية

مش بقولكوا غرييب

غرابته كمان ان كان حول السلطان حاشية اقل ما توصف بالفاسدة

كانوا بيعموا عينيه عن الرعية

كان كل وصفهم للاوضاع

ياسلطانا الكبير نام واستريح فان الشعب مستريح

عارفين غرابته فى ايه تانى

ان الناس الطيبة كانت بتخاف تقرب من الناس اللى بتقول كلمة حق لينضربوا هما كمان

على قفاهم زيهم

وبالتالى

كانوا الناس اصحاب كلمة الحق منبوذين

مش قادرين يرفعوا راية الحق عالية وفى نفس الوقت راية الباطل مرفوعةعالية فوق

وفى نفس العهد ده حصلت احداث غريبة (بردو , كل عندى غريب) المهم

المؤرخين مش لاقين لها تفسير

نفس السلطان هو هو

نفس الحاشية الفاسدة هى هى

الناس مابقيتش تخاف

و اصحاب الحق بقوا عارفين يرفعوا رايتهم والاغرب ان الناس الطيبة اتلمت حواليهم اول ما رفعوها

وضرب القفا قل

والسحل فل (من فلول ماعرفش ده عربى ده ولا ايه؟؟

الناس نسيت اللى كان بيحصلها قبل كده

كأنهم طول عمرهم بيقولوا الحق براحتهم

وكأنهم طول عمرهم وقفين تحت الراية ورافعينها

دعونى اطلق علية عهد الازدهار

لكن للاسف

بردو ماعرفش اية اللى حصل

انقلب الحال غير الحال

الافواة اتكممت

والايدى اتغللب

والقفا بينضرب

والجسد بيتسحل وبيتعذب و بيتكرهب (اسقة نسيت ان مفيش كهربة زمان)

الاخيار وراء القضبان

والاشرار وقفين برة بيطلعولهم لسانهم

الاخيار وقفوا امام قاضى غير القاضى

وكل اموالهم اتاخدت لبيت المال (هذا ما يقال

واطفالهم حرموا من ابائهم وهم احياء

عارفين اكتر حاجة مضايقانى ايه؟؟

ان كان فى بنت

كانت خايفة بردو فى الاول انها تقول كلمة الحق مع الاخيار

لكن اما جه عهد الازدهار فرحت وراحت مع الاخيار تحت الراية

وللاسف بعد اما رجع عهد الخوف من تانى

البنت دى مابقتش قادرة ماتقولش كلمة حق

حاسيتها حلوة قوى على لسانها

حاسيتها من حقها وان مستحيل حد يمنعها انها تقولها

اهلها والناس اللى حواليها بيحولوا يبعدوها عن الراية

بس البنت حاست انها اتولدت تحتها وانها لو بعدت عنها هاتموت

هاتدبح

هاتذبل

هاتتخنق

على فكرة البنت دى لم يذكر التاريخ عنها شيئا اخر

بس التاريخ بيذكر ان سلطان هذا العصر مات

وجاء بعده ولده

ولكن الحاشية ظلت هى هى

والفساد والخوف طبعا زى ما هو

ياترى هل يعيد التاريخ نفسه؟؟؟؟

الحلم

2007-04-04T00:53:00.000+02:00

انا هاحكى على كذا حلم حلمت بيهم فى الاسبوع اللى فات

اول حلم كان اسمه مؤتمر القاهرة الدولى الخامس واللى شاركت فيه من خلال لجنة المعرض او فى راى اخر لجنة التواصل بتاعة الاخوات

واللى الحمد لله كان مجهود غير عادى من قبل الاخوات والاخوة طبعافى التواصل مع باقى القوى الشعبية

وبالنسبة ليا كانت ايام المؤتمر زى السنة اللى فاتت بالظبط هى اسعد ايام حياتى, واكتر ايام كنت حسة بعزة وانتماء شديد للفكرة والحركة

وعلى فكرة وجدت اللى كنت ببحث عنه فى البوست اللى فات اللى هما الرجال الحمد لله

وجدت الاخوة خير من يعتمد عليهم ورجالة بجد ووجدت الاخوات خير من يعمل جنبا الى جنب الاخوة دون حرج او خجل

والله يا مصر طلع فيكى رجالة

المهم الحلم ده مكانتش عايزة اصحى منه بس للاسف فوقت تانى يوم على اكتئاب شديد

ولا مبالاة تجاة قضيتى الكبرى وبالطبع هى المذاكرةوقلت الحمد لله

اهو ماشيين

وفقت بعدها بردو ب48 ساعة فقط على مشاكل فى الكلية وان اسامينا متعلقة فى كل حتة
سبحان الله

كانهم بيفضحونا وياريته على حاجه عدلة ولاد اللذين

وقلنا حسبنا الله ونعم الوكيل

ربى انى مظلوم فانتصر
الحمد لله على كل حال

المهم فاضل الحلم اللى حركنى وخلانى اكتب البوست الفظيع ده

للاسف هو حلم عكس حلم المؤتمر هو حلم بيترجم شعورى بالانزعاج ( هو لسه مجرد انزعاج لحد دلوقتى) ويارب ما يتطورش

المرة دى بجد ده كان حلم (فيما يرى النائم يعنى)المهم حلمت انى اتقفشت (حلوة اتقفشت دى) بمنشورات على راى اخوانا بتوع امن الدولة

وانى كنت فى الكلية واسمى اتنده فى المدرج وفى التليفزيون كل ده علشان يجيبوني ماهما ماكانوش عارفين يجيبونى المهم مسكونى وحتى كانوا قايلين اسمى غلط (كان الاسم اللى معلنين عنه اسم اجنبى واخره عربى)معرفش لية؟؟واما مسكونى قالولى

اخيرا جبناكى

وقعدت اقول للعميد حرام عليكو تضيعوا مستقبلى انا فاضلى اقل من شهرين واتخرج بس هو معبرنيش وقالى مانتى ممكن تمتحنى فى السجن وتخيلت نفسى وانا شغاله عملى في بق الناس بالكلابشات

و وانا بذاكر تحت ضوء شمعه فى الزنزانة

اكثر ما ارعبنى انى اتسجنت مع السجينات اللى هما بتوع المجدرات والقتل والسرقه

وعدى فى بالى شريط من الافلام الاجنبية والمصرية عن سجون السيدات واللى بيحصل فيها من انتهاك عرض وتعدى بالضرب

وساعاتها فكرت انى اعمل دعوة جوة السجن زى ما الاخوة اللى بيتسجنوا وفكرت انى لوحدى هل فعلا هاقدر اعمل كده؟؟

فكرت انى اعمل حلقات وانى اعلمهم القران وانى انشدلهم اناشيد اسلامية

جه على بالى بردو ان تقريبا فى الايام الاولى من تجديد الحبس ,المعتقل بيبقى معتقل فى مقر من مقرات امن الدولة وتذكرت زينب الغزالى وحكايتها واللى حصلها فى سجون امن الدولةافتكرت بردو اما سيبوا عليها كلاب وفضلت مغمضه عنيها والكلاب تنهش فى لحمها وبعد اما فتحت لقت لبسها زى ما هوة ومعلهوش ولا بقعه دم

وساعتها عرفت الحقيقة

عرفت حقيقة ان مابقاش شئ بيحمينا فى البلد دى

ولا اخوان

ولا ابويا

ولا قانون

ولا حاجه

ولكن الله خير حافظا وهو ارحم الراحمين

انا مش هاقول انى اطمنت او حتى هديت

بس اكتر حاجه تؤلمنى هو اننا مش لاقيين حماية فى بلدنا من اهلنا

اهلنا اللى هما من لحمنا ودمنا

اهلنا اللى هما بيتكلموا زيينا

اللى هما مسلمين بردو زيينا
انا خايفة ان قانون الارهاب الجديد يرجعنا تانى ايام زينب الغزالى وسيد قطب وبقية الناس اللى اتاخدوا واتبهدلوا واتمرمتوا جوا بلدهم وبدستورهم

ولكن بردو الله خير حافظا وهو ارحم الراحمين

مازلت

2007-03-23T21:41:00.000+02:00

مازلت ابحث فى وجوه الناس عن بعض الرجال

عن عصبه يقفون فى الازمات كالشم الجبال
فاذا تكلمت الشفاه سمعت ميزان المقال

واذا تحركت الرجال رايت افعال الرجال
اما اذا سكتوا فانظار لها وقع النبال

يسعون جهدا للعلى بل دائما نحو الكمال

كل ما سمع الانشودة دى ويتطرق الى اذنى ذلك الشعر الرقيق اتذكر الصحابة ومن بعدهم المجاهدين ومن بعدهم الاخوان.

يمر بخاطرى شريط من صور للبنا ولسيد قطب وللهضيبى ولمصطفى مشهور ولكل الدعاة اللى كبرنا بنسمع عنهم وبنسمع على انهم كانوا من اشباة صحابة رسول الله

يالله

هانلاقى فين زيهم دلوقتى ؟؟

ماحدش يزعل مني لكن كل ما الزمن بيعدى كل ما الرجالة بتقل.

انا لا اتكلم عن الاخوان تحديدا ولكن اتكلم على كل ذكر من ولد ادم

الواحد دلوقتى بيشوف رجالة نص كم

بيشوف رجالة بسلسله زى البنات

بيشوف رجالة بقصة( بضم القاف وتسكين الصاد) زى البنات

بيشوف رجالة بترقص فى التليفزيون ولا اجدع راقصة فى شارع الهرم

فين الرجالة؟؟

فين رجالة زى احمد يس اللى افتكرتة بمناسبة ذكرى استشهادة

يابخته

اين اشباهك يا احمد يس؟؟

اين اشباه الرنتيسى ؟؟

ياترى هاييجى زيكوا ولا مابقاش فى رجالة

يا ترى واحد من الشباب المصرى سأل نفسة انا راجل ولا لأ؟؟

على فكرة الرجولة دى صفة للرجل وللمرأة

بمعنى اخر ان ممكن يكون فى مرأة بمائة ذكر زى ما بيقولوا

ياترى لسه فيكى يا مصر رجولة؟؟

انا كنت عايزة اتكلم عن احمد يس بس ماعرفش اية اللى خلانى اتطرق لموضوع الرجولة دة .

على العموم انا هاكتب بوست تانى عنه

نفسى اللى هى انا

2007-03-14T16:10:00.001+02:00

نفسى بفتح النون وتسكين الفاء وكسر الياء طبعا مش زى نفسى بتاعه الاستاذ مجدى.

المهم ايه اللى عايزة اقوله عن نفسى ,حاجات كتير والله بس فى نفس الوقت مش عارفة اقول ايه؟؟

نفسى انا بحبك والله بحبك وانتى كمان بتحبينى ؟؟؟

انا عايزة اقولك انى نفسى (زى بتاعه الاستاذ مجدى) انى اصاحبك يا نفسى (بتاعتى)

اللى عايزة اقوله انى لسه معرفكيش قوى ,عايزة اقولك انى نفسى افهمك,بتعملى حاجات ساعات بحبها فيكى قوى واقول والله انت بت جدعة قوى

وساعات بتعملى حركات قرعه قوى قوى قوى مفيش بنت ملتزمة بتعملها

اية رايك نتصاحب ؟؟

ايه رايك نخرج مع بعض ؟؟

نتمشى على النيل ؟؟

احكيلك وتحكيلى ؟؟

معرفش الجديد هاييجى منين بس اهو تفتحيلى قلبك

ليه ساعات اما اقولك تعالى نعمل الحاجه الفلانيه ,دى فيها خير كتير ماترضيش ؟؟

وافضل اتخانق معاكى ونزعل من بعض

ليه كل طاعه بعملها بتكونى عملها غصب عنك مع انها الفلاح والخير

مش احنا اتفقنا اننا نبقى اصحاب وانا مرضاش ان صحبتى تخش النار او تعمل حاجه تأذيها

عارفة يا نفسى انا بحب فيكى ايه؟؟

انك انت

انك على طبيعتك مابتتكلفيش فى تعاملاتك ولا مع اصحابك ولا مع اى حد

عايزة تتعاملى مع حد بتحبيه بجد و لو مش عايزة مابتتعامليش معاه اصلا

عمرك ما بتتكلفى فى تعاملاتك ولا عمرك ضحكتى ضحكه مش من قلبك ولا عمرك قلتى كل حب لو واحدة مش حاسه بيها

واما بتكونى مضايقة من حد بتقوليله على طول

عارفة ايه كمان بحبه فيكى

انك بتحبى الحق قوى وبتحاول بقدر الامكان تنصرى المظلوم

وانك بتتخنقى من الظالم او حتى اللى معندهوش ذمه

وبحب جرئتك فى الحق وبحب اتقانك فى العمل الا المذاكرة انتى مخستعه فيها قوى

كفاية عليكى كده يمكن يقولوا علينا مغرورين

وبلاش بقى اقولك الحاجات اللى مش عجابانى فيكى علشان مفضحكيش

خليكى كده مستورة

وعملا بالحديث اللى بيقول قال رسول الله صلى الله عليه وسلم "كل امتى معافاة الاالمجاهرين"وبقيه الحديث

انا مش هاقول البلاوى اللى بتعمليها علشان ربنا يغفرلى ويغفرلك

بس هاقول على كام حاجه كدة مش مطمنانى

محسسانى انك بتتغيرى بس للاسف للاسوأ

اتعلمتى يا صديقتى استعمال الصابونة

لأ طبعا مش لغسل الوجه بل لزحلقه الناس اللى بيضايقوكى

انا مش عاجبنى كده ,اتعودت منك انك تسامحى وتغفر او حتى تواجهى مش تزحقلى وتنفضى

انت ممكن تعملى كده مع الناس اللى ماتعرفهمش او مايعرفوكيش بس ماتعودت منك كده مع حد كان ليه الفضل عليكى فى يوم من الاوقات

او حتى حد ربنا بيحبه

انا عارفة ان موضوع الصابونة دى اريحلك بس انت كده هاتخسرى الناس من حواليكى واحدة تلو الاخرى بسبب مواضيع احسبها تافهه

وماتستاهلش

حبيبتى انا عايزاكى ترجعى تانى تحبى الناس اللى اتديهم الصابونة علشان ربنا يحبك

هاقولك على حاجه اخيرة وفعلا انا صادقة فيها

انا كل مابعرفك اكتر بحبك اكتر

سلام بقى قبل ما نتخانق وساعتها هاديكى الصابونة.

الرسمة اللى فوق دى انا اللى رسماها وبحبها قوى

انا عارفة انها مش واضحه قوى

بس هى بتفكرنى بالجنة